BAYEBËREU 3:6 - KARÚK-PËRIM KAWALU Nouveau Testament

⁶ Maa Këristu amob tsi përim, undo bi na ci bi Abuk a na tsijëna kato Nasien-batsi. A kato kamënts, n ja ci bukun kul, uci ngë mob aliincan tsi bëyeentsal ni upícëni tsi uwats.

BAYEBËREU 3:6 ပူးပေါင်းရင်းမြစ်များ

MATEU 10:22

Bañaan bëlieng ka bër ind undo katim nji; maa nan tambandari te tsi utuami, në buer.

MATEU 16:18

A nji, ma njau: M ci Per, a tsi bulaak bëmënts bi, mán niew Ngëriisia nji, te ilëman mcäts di ka pe ngul uyëlan.

MATEU 24:13

Maa nan tambandari te tsi utuami, në buerana.

ROOMA 11:22

Wejatsi-e kawara-uwaas Nasien-batsi, ni bi na tamb bi buts: nul atamb, pa ba yër biki; maa awara uwaas pa wi, uci m mob m liincan tsi kawara-uwaas Nasien-batsi; ucits ank ba, wi buts kë falaa.

ROOMA 12:12

Nda lílani tsi uwats, ndë ci baja ngëwar tsi unoor, ndë mob tsi bëñaan nda liincan.

ROOMA 15:13

Nasien-batsi uwats, na cumani ind ulílan un ci wi-ba këci, ni pëfac, tsi uwak; pa ind pëka uwats uwiak tsi pëyëlan Uwejats-ujënts.

ROOMA 5:2

A tsi uwak tsi Yeesu Këristu tsuuna nja tsun pëtsënkan bëtseend bi ngë mobëna bink aliincan; a tsi bul tsi ngë tsuuna tsun mbëndandar nja tsi uwats përëmb Nasien-batsi.

1 KORINTU 3:16

Nda meets nda ci kato-kayëman Nasien-batsi, a Uwejats Nasien-batsi ci di ind-a?

1 KORINTU 6:19

Ane nda meets uliaf ind ci kato-kayëman Uwejats-ujënts un ci wi di ind-a? Wi nda yank wi tsi Nasien-batsi, a cits wiic ind bërier ind.

2 KORINTU 6:16

Kato-kayëman Nasien-batsi abof we ni icap? Par nja, ngë ci Kato-kayëman Nasien-batsi nayësal, bi nul Nasien-batsi bërierul ja bi: “Mán ciina tsi pëncuaf bukul, koo yandaar, ka ci Nasien-batsi bukul, bukul bu ka ci bañaan nji.”

GALAASIA 6:10

Wul ka wun, u yëla nja bëro, ngë ro bañaan bëlieng ngëwar; maa, pëpeena biki ngë bëka biki tsi uwak.

GALAASIA 6:9

Nja tsë noor puu ro uwar, par uband uwal, ja ka cët mbuk, uci ngë rafanats uyëlan.

EFEESU 3:12

A tsi uwak, ngë kaana tsi Yeesu bëyeentsal ni uwats pëband di Nasien-batsi.

KOLOS 1:23

Maa nda ka nda roon ndë liincandar tsi uwak, ndë ci tsi ujuundi ndë liincand; pa përits pënanaa tsi uwats Upetsan-uwar wi nda te wi, wul u leentsaa wi ajëk bañaan umundu bëlieng tsi utsia batsi, a wul wi n duka wun n ci naleempar, nji Pol.

1 TESALONIKA 5:16

Nda lílani tsi ngëwal bëlieng.

2 TESALONIKA 2:16

Ajug nja Yeesu Këristu bërierul, ni Asin nja Nasien-batsi, nul na ŋalnjai, a tsi bëtseend a na wël nja ka liinc-liincana ngëwaas kan dits ki ka ba, a na wëland nja uwats u wara wi.

1 TIMOTEU 3:15

maa uci n bi n faatsan pëbi, kë me bi bañaan ka bi përo di kato Nasien-batsi, un ci wi, Ngëriisia Nasien-batsi nayësal; ngul Ngëriisia ci ngun pëcap ni ujuundi ucär.

BAYEBËREU 1:2

Maa tsi ngënu ngëtuami ngi, añakanaan ni nja aparanaan tsi Abuk; nul ni na tsu un pëci narukanda ngëko bëlieng, a nul ni na leempëna un ngëmundu.

BAYEBËREU 10:19

Bi u ci bank, ind batsaar ni nji, pëñaak Yeesu ka pun ngë ka bëyeentsal pa pëniaj Tsëko tsan pe tsi pëci tsëyëman.

BAYEBËREU 10:21

A bi ngë ka bink najakan nawiak tsi kato Nasien-batsi,

BAYEBËREU 10:23

Nda ju ngë mob ngë liincandar tsi pëñakan uleka uwats, te ngë rits tankëlan; par na watsani, aci na njai na roon në mob tsi përim.

BAYEBËREU 10:35

Bi u ci bank, ind tsë wëtan ko wi nda fiaar wi; wul aci bëluk bëwiak.

BAYEBËREU 11:1

Uwak, aci umobanaani nga fiaara ngi, upibanaani ngëcar ngan dits ngi ka wina iink.

BAYEBËREU 3:14

Par ngë ruka ci ban bof biki ni Këristu, uci ngë mob ci uwak wë ngë wak wë tsi ujuundi aliincan, te tsi utuami,

BAYEBËREU 4:11

Bi u ci bank, nda ju ngë tambandër pa pëniaj tsi pënaakësa pëmënts pun, pa ñaan tsë yër, nul tsë fets bukul tsi karika-ro ko un jaka wi.

BAYEBËREU 4:14

A bi ngë ka bink nan pei pëci nawiak-bajakan, nul niints nawiak, nan tsëpi a na par-na batsi ban ci bi-ba këci, nul Yeesu, Abuk Nasien-batsi, nda ju ngë mob uwak wi ngë pets wi, ngë liincan.

BAYEBËREU 4:16

Bi u ci bank, nda ju ngë wok pëtsoari-pësien, pi bëtseend, ni bëyeentsal, n ja pëyëkaraa ipës ni pëka bëtseend, nja ka tsënkaa tsi uwal u wara wi.

BAYEBËREU 6:11

Wund aŋal u roon, kara ñaan tsi ind, nuu piban kabaar-ibats kamënts kun te tsi utuami, pa pëtsu uwats ind u baar pëci ko un ci wi.

BAYEBËREU 6:18

Unk, tsi ngëko ngëtëb ngan yëlanats ngi pëbutanaa, ngan yëlanats ngi pëjaa Nasien-batsi atsup tsi ngul, nja ka liinc-liincana ngëwaas mak, n ja ban túki biki pii mob pëliincan uwats un tsua wunk tsi bërun.

BAYEBËREU 7:19

— par ulua-Moises kaats ko wi u tsu wi, a ko umënts ba pëci uwar — maa uwats un pe wi pëwara, aniajanee, wi ngë yanaan wi pëwok Nasien-batsi.

1 PER 1:8

Nul ni nda winatsi, maa nda ŋalul; ni nda winatsi inkri, maa nda wak tsi nul. Nda jucan ni ulílan u yëlaatsa wi bëleents, ni përëmb,

1 PER 2:5

Ind bërier ind, nda ci pi ilaak i tsij yi ubiira, a nda leempaa kato Uwejats Nasien-batsi pa ind pëci bëjúk bajakan bëyëman, pa puu wël ijakan Uwejats Nasien-batsi, i Nasien-batsi kë lílandër yi tsi Yeesu Këristu.

1 PER 4:17

Par aband uwal wi kawat-pëleents kë juundëna wi di Kato Nasien-batsi. A uci kawat-pëleents kë juundëna tsinja we ka ci wun utuami ban pok biki pëwak tsi Upetsan-uwar Nasien-batsi?

UPIBAN 2:18

Picari uwaanju Ngëriisia ngan ci ngunk di Tiatiira, ja: “Abuk Nasien-batsi, nul ni këkësul naam ki pi kandiamënt bërua, a itsiim naam unk kaŋí katsak kan ci ki tsi pëyëk; pi ci pun pi na ja pi:

UPIBAN 2:25

Maa nda moban nda liincan ko wi nda ka wi, te ka tsënkëna ka baandi.

UPIBAN 2:26

Nakuk, na mobi tsi puu ro ngëmiñ te tsi ubaani, mán wëlul pëka pëyëlan tsi ngëcaak—

UPIBAN 3:11

Mán baandi tsi ko un car wi. Moban liincan ko wi m ka wi, pa ñaan tsë yankënu ucapeu wi pësien.