BAYEBËREU 3:5 - KARÚK-PËRIM KAWALU Nouveau Testament

⁵ Moises amob tsi përim, undo bi na ci bi naleemp di kato Nasien-batsi, kul bëlieng; a u ro ci ko un piban wi ngi kee leentsa ngi.

BAYEBËREU 3:5 ပူးပေါင်းရင်းမြစ်များ

MATEU 24:45

Yën ci-un naleemp na mobi tsi përim a na lipand, ni nawiak tanani baleempul tsi kato, pa nuu wël bukul bariala, tsi uwal bul?

MATEU 25:21

A ajugul jaul: ‘M do uwar, naleemp nawar a m moband tsi ko wi m tsua wi; m mob tsi ngëko ngëties, mán tsuu kë kaana ngëcumal. Pëni kë bofara ulílan ni ajugu.’

LÚKAS 12:42

Ajug yankul, aja: “Yën ci-un naleemp na mobi tsi përim pi na jaka pi, na ka ibats? Aci naleemp ni nawiak kë tsui përukanda baleemp tsi katoul, uja ba band pëwëla bariala, në wël bukul.

LÚKAS 24:27

Na piban bukul ko wi Bëpica n ja wi bëlieng tsi ulekaul, akur-ni tsi ngëlíbëru Moises aa na bandan bukul tsi bayëlia bëlieng.

LÚKAS 24:44

Na ja bukul: “Yi ci yun irim nji, i n do yi ka leents ind, bi n wama bi n ci ni ind: Ngan picana ngi bëlieng tsi uleka nji tsi ulua-Moises, ni tsi bayëlia, ni tsi uya-ubëndan, aka përolaa.”

KAKÚRAN-KAWAR YEESU KRISTU BI JOŊ LEENŢ BI KUL AJA 5:39

Nda ja nda roon nduu tsas tsi Bëpican, par nda wejats pëkaana tsi bul ubiira un dits wi ka ba. Te, bul Bëpican, ci bun tsi pëleents uleka nji.

NGËRO 28:23

A ba tsu unu ni Pol. Tsi unu umënts wun, a ba cumi ee jëk ni Pol di katoul, ki bëfa te bëtakala, na leents bukul uleka pësien Nasien-batsi ajëntsan. A nuu tsas pëtsu bukul ba niiran uleka Yeesu, bi na ci bi tsi pëñakan tsi uleka ulua-Moises, ni bayëlia.

NGËRO 7:37

Nul Moises ja un babuk Israel: ‘Nasien-batsi ka natsani nalon nayëlia pi nji, tsi nda tsaar tsi.’

ROOMA 3:21

Maa inkri, pëteenënats tsi ngëtsua, bëmabal Nasien-batsi apibandar; ngëtsua ni bayëlia aleents uleka bul.

1 KORINTU 4:2

Inkri, ko wi kan tsasa wi, tsi ban gaangana biki ko, aci nan ci, në ci na mob bi tsi përim.

1 TIMOTEU 1:12

Man baran na wëlini uyëlan, nul Këristu Yeesu, Ajug nja bi na wejats bink n ci ñaan nan wakee, bi na tsuin bink tsi uleempul,

BAYEBËREU 1:1

Tsi uwal ujon, tsi ngëyaas ngëcumal ni tsi ngëkoraar ngëcumal, Nasien-batsi añakan ni basin nja aparanaan tsi bayëlia.

BAYEBËREU 3:2

Aci na mobi tsi përim nan tsuuli uleemp, pi Moises ro punk mob tsi kato Nasien-batsi, kul bëlieng.

BAYEBËREU 3:4

Par kara kato aka na leempi kul; maa Nasien-batsi ci-un na leempi ko un ci wi-ba këci.

BAYEBËREU 8:5

Bë ci tsi pëleempar unaamanaani, wul un ciind wi ulimënts ngëko batsi. Ko umënts wi ka wun Moises car aleentsa, bi na ruka bunk ayecis pëleemp unkundan; par Nasien-batsi ajaul: “Teenan-e! Leempan bëlieng, naaman ni bënaam wi m pibana wunk di untunda.”

BAYEBËREU 9:24

Par, Këristu niajats tsëko-tsëyëman tsan ci tsi uleemp kañan ñaan-najin, tsan ci tsi këci-unaamanaani tsëcar tsun. Maa aci koon batsi bi na niaj bun, pa në natsar nja inkri tsi bërun Nasien-batsi.

UPIBAN 15:3

a bu kë ya kaya Moises, naleemp Nasien-batsi, ni kaya Ubuk-unkaanel, koo ja: “Wi Ajug, Nasien-batsi, Kayëlan-bëlieng, ngi m do ngi aci ngëwiak, a nga par pëjaa! Ina Nasien ngëcaak! Igau amab a i ciind icär!