BAYEBËREU 3:1 - KARÚK-PËRIM KAWALU Nouveau Testament

¹ Batsaar ni nji, bayëman, ind ban bof biki tsi karua batsi, nda teenan tsi Yeesu, nul Napostolu a na ciind Nan pei pëci nawiak-bajakan tsi uleka uwak nja wi ngë pets wi.

BAYEBËREU 3:1 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 17:3

A ubiira un dits wi ka ba, aci bukul pëmeu, wi rin Nasien-batsi nacär, ni Yeesu Këristu, nul ni m yëlii.

KAKÚRAN-KAWAR YEESU KRISTU BI JOŊ LEENŢ BI KUL AJA 20:21

A Yeesu kaka ja bukul: “Pëfac pa ciin ni ind! Bi Asin nji yëliin bink, unk buts di n du n yël ind run.”

KAKÚRAN-KAWAR YEESU KRISTU BI JOŊ LEENŢ BI KUL AJA 20:27

Din a na ja Tomaas: “Baandani pëkuanju tsi, kë teen iñan nji; baandani kañanu kë tsu tsi katiañ nji. cäts ci narika-wak, maa ciin nawak.”

NGËRO 1:15

Tsi ngënu ngëmënts ngun, Per natsa tsi pëncuaf ban tsaar biki ni nul, ban juk biki aci ko pi bañaan useent ni ngëntaaja ngëtëb, a na ja bukul:

ROOMA 11:17

Maa uci ilon ina cëtaa, a wi nan ci buoliwa bëreeŋ, a m kabana tsi pëlas iyul, a m duka m bof tsi ibuul bul ni tsi pëñaak bul,

ROOMA 15:27

tsi bëwinar bukul, bi ba ro bank awara, te u ci ko wi ba ka wi përo; par uci ban cits biki Bajudeu bof tsi pëfaar ngëko Bajudeu ngi Uwejats Nasien-batsi, bu ka buts pëfaar ngëko-ngëro bukul ni Bajudeu.

ROOMA 15:8

Inkri má n ja, Këristu tsua un pëci naleempar kambac undo ucär Nasien-batsi, pëpiban ngëwatsan ngi basin nja watsana ngi,

ROOMA 9:24

un ci wi, nja biki na rui biki buts, te cits tsi pëncuaf Bajudeu rin, maa tsi pëncuaf bañaan ban cits biki Bajudeu buts.

1 KORINTU 1:2

pa Ngëriisia Nasien-batsi ngan ci ngi di Korintu, ban jëtsanana biki tsi Këristu Yeesu, ban duura biki pëci, ni ba nja biki ba roon tsi ngëleka bëlieng, bu kë ru bëlieng katim Yeesu Këristu, Ajug nja; aci Ajug bukul a na ciind níic nja.

1 KORINTU 10:17

Par ŋal bi ngë cum bi, ngë ci pëpom pëloole, ni uliaf uloole rin; par n ja bëlieng nja ka bofara pëpom pëloole rin.

1 KORINTU 9:23

Mando ko wi bëlieng, undo Upetsan-uwar, pa undo nji pëbof tsi wul.

2 KORINTU 1:7

A uwats wund tsi uleka ind aci u liinc wi. Wund ame, bi nda bofëna bi tsi ngënoor wund, unk buts bi ndu ci bun tsi kajuabëtsana-ngëwaas.

2 KORINTU 9:13

Bu ka pikra tsi bëkat uleemp wi, bacumal ka bundan Nasien-batsi tsi bi nda niiran bi pëpiban ko wi nda ci wi undo Upetsan-uwar Këristu; ni bi ndu wël bi ni ngëwaas ngan fac ngi, tsi bi ndu faar bi ngëko ni bukul ni bañaan bëlieng.

EFEESU 3:6

A wul, undoots wi mea ci wun wi: tsi Upetsan-uwar, ban cits biki Bajudeu abof tsi bërukanda bëloole bun, a ba bof tsi uliaf uloole wun, ni uwatsana uloole wun tsi Këristu.

EFEESU 4:1

Wul ka wun, nji narica nan ci tsi Ajug, man buara ind nda ru kë yandaar uwar tsi karua ki nda ruuree ki,

EFEESU 4:4

Uliaf aci uloole, a Uwejats ci uloole. Unk buts, tsi karua ind, nda ruuree uwats uloole;

FILIIPUS 3:14

Koo n tukar pëband pii yank bëluk bi Nasien-batsi ruurin bi di batsi, tsi Këristu Yeesu.

KOLOS 1:12

Nda barani Asin ni ulílan, nul nan tsui indi a nda tsënkan pëbofara bërukanda bayëman, tsi ufac.

KOLOS 1:22

Maa inkri, atsu ind a nda teelar tsi uliaf Këristu wi uyamats; aparanaan tsi pëcäts, pa pëtsu ind ndë ci bayëman tsi bërunul, bakaats ujink, bakaats ulaci.

KOLOS 3:12

Bi u ci bank, undo nda ci biki Nasien-batsi ban data biki, ba yëman biki, ba ŋalaa biki, nda tiemaan kayëk-ipës, ni kawara-uwaas, ni kawelan-been, ni kajuab-uwaas, ni umiira;

1 TESALONIKA 2:12

A wund ci tsi pëtseend ind ibats, ni pëliinc-liincan ind ngëwaas, ni pëja ind nda yandaari bëyandaar ba mab bi tsi Nasien-batsi, nul nanduuri indi pësienul ni përëmbul.

1 TESALONIKA 5:27

Man buara ind tsi Ajug, pa uletar wi pëjuka tsi biki ngë tsaar biki bëlieng.

2 TESALONIKA 1:11

Wul ka wun buts, wund ci tsi pëñaandar ind tsi ngëwal bëlieng. Unk Nasien-batsinjaka tsu ind ndë wina nda tsënkan pëbof tsi karuaul, ni tsi pëyëlanul në ba përo uwar wi nda ŋal wi ba këŋal, ni ko wi uwak ind kë ro wi.

2 TESALONIKA 2:14

Undo ko umënts wun, a na ruuni ind Upetsan-uwar wund, ind pëbof tsi përëmb Ajug nja Yeesu Këristu.

1 TIMOTEU 6:12

Kamani ukam u wara wi, wi uwak; moban liincan ubiira un dits wi ka ba, wi m duuree wi, a m leents uwar uleka uwaku, tsi bërun bacumal ba maatir biki.

1 TIMOTEU 6:2

A baluek ban ka biki bawiak ba uwak biki, bukul tsë teenëna bi bawiak bukul ci bi batsaar ni bukul, ba rits tsu bukul ko. Maa bu ka puu pe këpe pëleempar bukul uwar, undo bi bawiak bukul ci bi ba uwak biki, ba ŋala biki a ba ka bëkat tsi uleemp baluek bukul uwar. Jukani ngëmënts ngun, kuu tseend bañaan ibats tsi ngul.

2 TIMOTEU 1:9

nul nan buerani njai, a na rui nja ni karua kayëman. Cits undo ngi ngë ro ngi, maa aci-undo utsaag wi na tsaag wi bërierul, ni undo bëtseend bi ngë wëla bi tsi Këristu Yeesu, te ngëwal netse ro ci;

2 TIMOTEU 2:7

Tean ko wi n ci wi tsi pëja, par Ajug ka wëlu bëlipal tsi ko un ci wi-ba këci.

BAYEBËREU 10:19

Bi u ci bank, ind batsaar ni nji, pëñaak Yeesu ka pun ngë ka bëyeentsal pa pëniaj Tsëko tsan pe tsi pëci tsëyëman.

BAYEBËREU 10:21

A bi ngë ka bink najakan nawiak tsi kato Nasien-batsi,

BAYEBËREU 10:23

Nda ju ngë mob ngë liincandar tsi pëñakan uleka uwats, te ngë rits tankëlan; par na watsani, aci na njai na roon në mob tsi përim.

BAYEBËREU 13:22

Batsaar ni nji, man buara ind pa nda roon ndë niiran përim pan ci pink katseend-ibats; te man picandëri ind a n runkëtën kërunkëtën.

BAYEBËREU 2:11

Par ni ka yëmani, ni ba yëmana biki, bë pënë-ni bëlieng tsi naloole. Wul ka wun Yeesu kawaraatsa përu bukul na ja, batsaar ni nul,

BAYEBËREU 2:17

Wul ka wun na ka na roon, tsi ko un ci wi-ba këci, në ci pi batsaar ni nul. Unk në ruka ci nan pei pëci nawiak-bajakan na yëki ipës a na moband tsi ngi Nasien-batsi, në tsiji pëjampësaa ngëjuban bañaan-ucaak.

BAYEBËREU 3:12

Nda katan ibats, ind batsaar ni nji, pa nin nalon tsi ind tsë tsij koon këtsij uwaas ujuatsal, wi karika-wak, u tsuul pëpën tsi Nasien-batsi nayësal.

BAYEBËREU 3:14

Par ngë ruka ci ban bof biki ni Këristu, uci ngë mob ci uwak wë ngë wak wë tsi ujuundi aliincan, te tsi utuami,

BAYEBËREU 6:20

tsi Yeesu yër nja tsunk bërun ee niajar nja. Nul ruka un ci nan pei pëci nawiak-bajakan, pa sandëndën, tsi bënekëlar ni Melkisedek.

BAYEBËREU 7:26

Nan pei pëci nawiak-bajakan pi namëntsi, ni ngë fier un, najëntsal, nan kaatsi ulaci, nan kaatsi ujink, nan patsilari ni bajuban, nan diangai aruetsi batsi ban ci bi ba këci.

BAYEBËREU 7:28

Par, ulua-Moises aja u roon u tsu bañaan-bajin bu ka ci ban pe biki pëci bawiak-bajakan, bukul ban ka biki bërafal; maa përim ubaaja Nasien-batsi, wul u nek wi ulua, atsu Abuk, nul nan bai pëci nawar pa sandëndën.

BAYEBËREU 9:11

Uwal wi Këristu bi wi pi nan pei pëci nawiak-bajakan tsi uleka ngëko ngëwar ngan ka ngi pëbaandi, apar-na unkundan un pe wi pëci uwiak, a u peand pëba pëci uwar, a te kañan ñaan-najin leempats wul; un ci wi, wul cits wi umundu u leempa wink.

BAYEBËREU 9:15

Wul ka wun Këristu ci natsu-manteelar tsi karo-pëloole kawalu, bi na cäts bunk, pa pëluk pëbuer bañaan tsi ngëjuban ngandolaa ngi tsi uwal karo-pëloole kacak, pa banduee biki ka yank bërukanda ba watsana bi, bul ban dits bi ka ba.

1 PER 2:9

Maa ind, nda ci uraasa un data wi, bëjúk baro-ijakan nasien, ucaak uyëman, bañaan ban ci biki bëka Nasien-batsi, pa pëleents ngëko ngëwiak, ngi nandui ind unk di karëm, pa ufacul upikërënuel;

1 PER 3:5

Par tsi uwal ujon, unk di bakaats bayëman ba watsar biki tsi Nasien-batsi kë warandandun ngëliaf bukul, a ba welan iyeen bukul tsi bërun bayën bukul.

1 PER 5:1

Mán liinc-liincan ngëwaas bajëŋal ban ci biki tsi ind, nji nan ci najëŋal pi bukul, a n ci namaatir ngënoor Këristu; a n bofëna tsi përëmb pan ka pi pëpibana.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.

1 JOŊ 1:3

Ko wi wund win wi a wund teend, wul wi wund ci wun tsi pëleents ind buts, pa ind pëbof tsi manteelar ni wund. Te manteelar wund aci ni Asin, ni Yeesu Këristu Abukul.

JÚDAS 1:1

Júdas, naluek Yeesu Këristu, a na ci buts nan tsaari ni Jakob; pa bandua biki, biki Nasien-batsi Asin ŋal biki, a ba waaya tsi Yeesu Këristu.

UPIBAN 17:14

Bukul, bu ka kaman Ubuk-unkaanel, maa Ubuk-unkrnel ka kuk bukul, par wul aci Ajug bajug, Nasien basien; ban ci biki ni wul, bukul banduee biki a ba rata, a ba mob tsi ko wi ba jaka wi, bu ka pena buts ukam.”

UPIBAN 18:20

Batsi, lílani tsi undo pëyër pul! Ind bayëman, bapostolu, bayëlia, nda lílani buts! Par kawat-pëleents ind, Nasien-batsi awat kul, afaŋan ind.”