BAYEBËREU 2:17 - KARÚK-PËRIM KAWALU Nouveau Testament

¹⁷ Wul ka wun na ka na roon, tsi ko un ci wi-ba këci, në ci pi batsaar ni nul. Unk në ruka ci nan pei pëci nawiak-bajakan na yëki ipës a na moband tsi ngi Nasien-batsi, në tsiji pëjampësaa ngëjuban bañaan-ucaak.

BAYEBËREU 2:17 ပူးပေါင်းရင်းမြစ်များ

ROOMA 15:17

Bi u ci bank, man yëlan pëpíc tsi Këristu Yeesu, tsi uleka ngëko Nasien-batsi.

ROOMA 5:10

Par uci bi ngë ro bi ci iñaasar Nasien-batsi, a pëcäts Abukul tsu nja a ngë kak ateelar ni nul, andes, bi ngë kak bink ateelar ni nul, ubiiraul ka bueran inja.

EFEESU 2:16

A di kruus na tsu batëb ban ci bukunk uliaf uloole, a ba teelar ni Nasien-batsi; bi na fiŋ bi mañaasëlër dul.

KOLOS 1:21

A ind, tsi ngëwal ngan par ngi, nda ro lawan Nasien-batsi, a nda ci babër tsi ngëwejats ind, undo ngëko-kawaraatsa ngi nda ro ngi ka ro.

BAYEBËREU 10:21

A bi ngë ka bink najakan nawiak tsi kato Nasien-batsi,

BAYEBËREU 2:11

Par ni ka yëmani, ni ba yëmana biki, bë pënë-ni bëlieng tsi naloole. Wul ka wun Yeesu kawaraatsa përu bukul na ja, batsaar ni nul,

BAYEBËREU 2:14

A bi upäts bof bunk pëñaak ni uliaf, nul buts, unk di na bof run tsi ngëmënts ngun, pa tsi pëcätsul në cok-cokan kantsijëna pëyëlan pëcäts, un ci wi, Ujabël.

BAYEBËREU 2:16

Par tsi ucär, cits ngëwaanju ngi na bi ngun pëtsënk, maa aci kajër Abraam ki na bi kun pëtsënk.

BAYEBËREU 3:1

Batsaar ni nji, bayëman, ind ban bof biki tsi karua batsi, nda teenan tsi Yeesu, nul Napostolu a na ciind Nan pei pëci nawiak-bajakan tsi uleka uwak nja wi ngë pets wi.

BAYEBËREU 3:2

Aci na mobi tsi përim nan tsuuli uleemp, pi Moises ro punk mob tsi kato Nasien-batsi, kul bëlieng.

BAYEBËREU 3:5

Moises amob tsi përim, undo bi na ci bi naleemp di kato Nasien-batsi, kul bëlieng; a u ro ci ko un piban wi ngi kee leentsa ngi.

BAYEBËREU 4:14

A bi ngë ka bink nan pei pëci nawiak-bajakan, nul niints nawiak, nan tsëpi a na par-na batsi ban ci bi-ba këci, nul Yeesu, Abuk Nasien-batsi, nda ju ngë mob uwak wi ngë pets wi, ngë liincan.

BAYEBËREU 4:15

Par, ngë kaats nan pei pëci nawiak-bajakan na yëlaantsi pëyëkar inja ipës tsi uleka ngi barafal inja; ateen-teenana tsi ngëko bëlieng pinja maa kaats ujuban.

BAYEBËREU 5:1

Par, nan pei pëci nawiak-bajakan, aja na roon në rataa tsi bañaan-bajin, në tsua pëciir bukul tsi ngi Nasien-batsi, pa nuu wël ngëko bëtseend, nuu roand ijakan, pa ngëjuban.

BAYEBËREU 5:10

undo Nasien-batsi atsuul nan pei pëci nawiak-bajakan, tsi bënekëlar ni Melkisedek.

BAYEBËREU 5:2

A na yëlan pëyëkar bameets-ko ipës, ni ban ci biki tsi pëniam, par nul buts, bërafal ajëkul.

BAYEBËREU 5:5

Unk, Këristu buts wëlarats përëmb, tsi uleka përuka ci nan pei pëci nawiak-bajakan. Maa na wëluli pul, aci nanjaul unk: “Wi, m ci Abuk nji; nji, ntsari man buku.”

BAYEBËREU 6:20

tsi Yeesu yër nja tsunk bërun ee niajar nja. Nul ruka un ci nan pei pëci nawiak-bajakan, pa sandëndën, tsi bënekëlar ni Melkisedek.

BAYEBËREU 7:26

Nan pei pëci nawiak-bajakan pi namëntsi, ni ngë fier un, najëntsal, nan kaatsi ulaci, nan kaatsi ujink, nan patsilari ni bajuban, nan diangai aruetsi batsi ban ci bi ba këci.

BAYEBËREU 7:28

Par, ulua-Moises aja u roon u tsu bañaan-bajin bu ka ci ban pe biki pëci bawiak-bajakan, bukul ban ka biki bërafal; maa përim ubaaja Nasien-batsi, wul u nek wi ulua, atsu Abuk, nul nan bai pëci nawar pa sandëndën.

BAYEBËREU 8:1

Inkri, un pe wi tsi nganjaka ngi, ci wun wi, bi ngë ka bink nan pei pëci nawiak-bajakan na naam ink, nan tsoari di batsi tsi kariir pëtsoari Kanpe-përëmbana, pi pësien;

BAYEBËREU 8:3

Nan pei pëci nawiak-bajakan nan ci ba këci, atsua puu wël ngëtseend ni ijakan. Unk, namëntsi buts, aka pëka ko wi nu wël wi.

BAYEBËREU 9:11

Uwal wi Këristu bi wi pi nan pei pëci nawiak-bajakan tsi uleka ngëko ngëwar ngan ka ngi pëbaandi, apar-na unkundan un pe wi pëci uwiak, a u peand pëba pëci uwar, a te kañan ñaan-najin leempats wul; un ci wi, wul cits wi umundu u leempa wink.