BAYEBËREU 2:14 - KARÚK-PËRIM KAWALU Nouveau Testament

¹⁴ A bi upäts bof bunk pëñaak ni uliaf, nul buts, unk di na bof run tsi ngëmënts ngun, pa tsi pëcätsul në cok-cokan kantsijëna pëyëlan pëcäts, un ci wi, Ujabël.

BAYEBËREU 2:14 ပူးပေါင်းရင်းမြစ်များ

MATEU 16:17

A Yeesu ñakan kak ajaul: “M naak, Simon, abuk Jonas; par cits uyamats ni pëñaak pibanu ngun ko wan, maa aci Asin nji nan cii di batsi.

MATEU 25:41

Din në ja buts bukun tsi kamay: ‘Nda pënin tsi, ind ban tsua biki unjuatsia; nda tsëpan di bërua ban dits bi ka ba, ban yecisa bi pa Ujabël ni ngëwaanju.

KAKÚRAN-KAWAR YEESU KRISTU BI JOŊ LEENŢ BI KUL AJA 1:14

A Përim witsësar aci ñaan-najin; a na ciina tsi pëncuaf nja acum ni bëtseend ni ucär. Ngë win përëmbul, aci pi përëmb Kanbuka koorul baŋ tsi Asinul.

KAKÚRAN-KAWAR YEESU KRISTU BI JOŊ LEENŢ BI KUL AJA 12:24

Mán leents ind ucär: Uci pëbuk pëmaaj yër tsi utsia, a pa cätsats, pëci koor pul; maa uci pa cäts, pë tsij mbuk mak.

ROOMA 14:9

Undo ko umënts wun ka wun Këristu cats a na kaka kak ka yafënts; pa pëci Ajug bacäts, ni ba wama biki ka yafënts.

ROOMA 8:3

Par ko wi ngëtsua roots wi yëlan përo, undo bi uliaf tsu bi wul kakaats-pëyëlan, Nasien-batsi aro wul, bi na wëtani Abukul bërierul tsi bënaam uliaf ujuban, a na lacan ujuban un ci wi tsi uliaf,

1 KORINTU 1:28

Nasien-batsi arat ngëko umundu, ngan kaats ngi bëkat, ngan tsuaatsa ngi ko, ngan cits ngi, pa pëgarëna ngan ci ngi,

1 KORINTU 15:50

Ko wi, wi n du n ja wun batsaar ni nji: uyamats ni pëñaak yëlants përukanda Pësien Nasien-batsi, nin ko wi kan coka wi, yëlants përukanda un dits wi ka coka.

GALAASIA 4:4

maa, a ngëwal kë band, a Nasien-batsi yëli Abukul, nan pënë-ni tsi ŋaats, a na pënë-ni tsi ulua,

KOLOS 2:15

aca iŋi-ukam ngan tsijëna ngi pëyëlan, ni yi ngan ka ngi uyëlan, a na kawaran ngul tsi bërun bañaan, akuk ngul tsi kruus.

1 TIMOTEU 3:16

Tsi ucär, undoots wunk mea, wi kalënk-Nasien-batsi, arëmb: Nan pibandarii ni uliaf, Uwejats apiban na ci namabal; ngëwaanju awinul; aleentsaa tsi ban cits biki Bajudeu; bañaan awak tsi nul di umundu; atsëpanda përëmb batsi.

2 TIMOTEU 1:10

inkri, tsi upibandari Nabueran nja Këristu Yeesu, a bëtseend bëmënts bi pibanaa. Nul cok un uyëlan pëcäts, a tsi Upetsan-uwar a na cil ani pëyës ni karika-cats.

BAYEBËREU 10:10

Aci tsi uŋal umënts wun tsi ngë yëmanaana tsun, tsi bëjakan uliaf Yeesu Këristu uyaas uloole baŋ.

BAYEBËREU 10:5

Wul ka wun, uniaji Këristu tsi umundu, a na ja: “M ŋalats nin bëjakan, nin bëtseend, maa m yecisn uliaf.

BAYEBËREU 2:17

Wul ka wun na ka na roon, tsi ko un ci wi-ba këci, në ci pi batsaar ni nul. Unk në ruka ci nan pei pëci nawiak-bajakan na yëki ipës a na moband tsi ngi Nasien-batsi, në tsiji pëjampësaa ngëjuban bañaan-ucaak.

BAYEBËREU 2:18

Par, undo nul bërierul apar-na unoor uwal wi na teen-teenana wi, wul ka un na yëlan pëtsënk ban ci biki tsi pëteen-teenana.

BAYEBËREU 4:15

Par, ngë kaats nan pei pëci nawiak-bajakan na yëlaantsi pëyëkar inja ipës tsi uleka ngi barafal inja; ateen-teenana tsi ngëko bëlieng pinja maa kaats ujuban.

BAYEBËREU 9:15

Wul ka wun Këristu ci natsu-manteelar tsi karo-pëloole kawalu, bi na cäts bunk, pa pëluk pëbuer bañaan tsi ngëjuban ngandolaa ngi tsi uwal karo-pëloole kacak, pa banduee biki ka yank bërukanda ba watsana bi, bul ban dits bi ka ba.

1 PER 1:20

Nul nan yecisee ki umundu netse ki leempa, maa na pibanaa tsi ngëwal ngëtuami ngi, pa undo ind.

UPIBAN 1:18

ni Nayësal; mando n cats, maa nji n ci ink nayësal pa sandëndën. Nji n tsijëna un inigësaani pëcäts ni yi mcats.

UPIBAN 12:9

A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.

UPIBAN 2:10

Cats lal nin ko tsi ngi kë ciina ngi tsi unoor. Teenan-e! Ujabël ka guts balon tsi ind di ukalabus, pa ndë teenamana. Ndu noor-noorana te ngënu untaaja. Moban tsi uwak, te tsi pëcäts, din kee wëlu ucape-pësien, wi ubiira.

UPIBAN 20:2

A u mob Uncababaan, wul uko-pëtsats ujon, un ci wi Ujabël ni Useetaani, a u tanar wul ngëwaanu umiil (1.000).