BAYEBËREU 13:9 - KARÚK-PËRIM KAWALU Nouveau Testament

⁹ Ind tsë wët ngëkoraar bëjukan ba meaatsa bi, bul pëpënand ind pëtsëp. Par awara u roon, bëtseend kë wël uwaas uyëlan; cits ngëre ka wël ngun, ngul kaats bëkat pa bamob tsi ngul.

BAYEBËREU 13:9 ပူးပေါင်းရင်းမြစ်များ

MATEU 24:24

Par barata bafälar, ni bayëlia bafälar, bu ka natsa, bu kë ro ngëpibanaani ngëwiak, ni ngëko ngan pikran ngi, pa puu fälëna bañaan, te ŋal ban data biki, uci ba yil bëro.

MATEU 24:4

A Yeesu yank bukul aja: “Nda rukan ibats, pa ñaan tsë fäl ind.

LÚKAS 5:38

Maa pëwat pëwalu, aka pa roon pëtsua di itël iwalu.

NGËRO 20:30

Bayënts balon ka natsee tsi pëncuaf ind bërier ind koo leents ngëko pëniam, ngi kan tsu ngi ba uwak biki pëfets bukul.

NGËRO 20:32

A inkri, man tanan ind Nasien-batsi, ni përimul pi bëtseend, pan ka pi pëyëlan pëliican ind ni pëwël ind bërukanda ban tsuura bi ban patsana biki bëlieng.

ROOMA 14:17

par Pësien Nasien-batsi cits bariala ni përaan, maa aci bëmabal ni pëfac ni ulílan tsi Uwejats-ujënts.

ROOMA 14:2

Nalon ka wak na yëlan përe un ci wi-ba këci, maa nan dafi ka re ngëko uwoorta rin.

ROOMA 14:6

Ni ka wejatsi ngënu, aro wul pa Ajug; a ni kan dei, are pa Ajug, par aja na roon në baran Nasien-batsi. A nan ditsi ka re, reets pa Ajug, a na ja na roon në baran Nasien-batsi.

1 KORINTU 6:13

Bariala aci pa pëpës, a pëpës ci pa bariala. Maa Nasien-batsi kee ba ni ngan bëlieng. Uliaf cits pa ngëko katúk-ufuts, maa aci pa Ajug, a Ajug ci pa uliaf.

1 KORINTU 8:8

Cits kare-ko ka bandani nja kun di Nasien-batsi, par uci ngë rialaats, kaats ko wnja kë piirir wi, a uci ngë riala, kaats ko wnja kë gaañaar wi.

2 KORINTU 1:21

Nasien-batsi ci-un ni ka liincan wundi ni ind tsi Këristu, nul nan datnjai.

GALAASIA 6:1

Batsaar ni nji, uci ñaan mobaa tsi përo ulon ko un cika wi, ind ban ci biki bañaan Uwejats Nasien-batsi, nda ka pëcikësul ni uwaas ujuab. Rukan ibats, pa wi përits teen-teenana buts.

EFEESU 4:14

Unk ngë katse ka ci upäts uluunt biki ngëmaroŋ kë bats-batsan biki, biki ufuts bëjukan bucumal kë tsëpand biki; bu kë niam tsi kafal bañaan-bajin.

EFEESU 5:6

Ñaan tsë fal ind ni irim in kaats yi bëkat; par uleka ngëko ngëmënts ngi ka wun uriab Nasien-batsi kë baandë-ni babuk karoots ko un jaka wi.

KOLOS 2:4

Ma n ja ko wan, pa ñaan tsë fal ind ni irim ilílal.

2 TESALONIKA 2:17

Na liinc-liincani ind ngëwaas, në tsu ind pëliinc tsi përo ko un ciwi-ba këci uwar, ni tsi përim pan ci pi-ba këci pëwar.

2 TESALONIKA 2:2

Ngëwejats ind tsë car pëgusëlër, nin ngëwaas ind tsë nats kënats, undo aka përim ank pa leents pi u meaatsa wi, oo ko jaka wun ank, oo aka uletar un jaka wi apënë-ni tsi wund ank, a nga tsu ind pëja ne Unu Ajug abaandi.

1 TIMOTEU 6:20

Wi, Timoteu! Gaangan uwar ko wi m tananaa wi, kuu rand ngëñakan karika-rispitaar Nasien-batsi, ni irim mantotëlër in ci yi kafal maa a i jaka aci ume;

1 JOŊ 4:1

Bamiñ ba ŋala biki, ind tsë wak uwejats un ci wi-ba këci; maa nda teenamani ngëwejats, ne aci ank ngi Nasien-batsi; par bayëlia batsup bacumal agara jëk umundu.

JÚDAS 1:12

Bañaan bamënts biki bë ci mtsopi tsi ufesta ind wi butsaar. Bu kaats urispiitu uwal wi ba ci wi tsi bariala ni ind. Bu ci bayafan biki ka yafan biki iyeen bukul; a ba ci pi isa in kaats yi mlik, yi ufuts kë tsëpand yi. Bu ci pi mko man bëkats mi tsi uwal mul, a man dëtaa, man cäts ngëyaas ngëtëb.

JÚDAS 1:3

Ind ba ŋala biki, man cësara mak pëpicari ind tsi uleka pëbuer nja pi ngë bofara pi. Man win ka pëpicari ind, pëliinc-liincan ind ngëwaas pa ind pëkamandër uwak wi bayëma wël a wi uyaas uloole, pa sandëndën.