BAYEBËREU 13:7 - KARÚK-PËRIM KAWALU Nouveau Testament

⁷ Nda lesan ban tsijëna ind biki, bukul ba leents ind biki përim Nasien-batsi. Nda niimani-e utuami ngëbiira bukul, din ndë teenëna uwak bukul.

BAYEBËREU 13:7 ပူးပေါင်းရင်းမြစ်များ

MATEU 24:45

Yën ci-un naleemp na mobi tsi përim a na lipand, ni nawiak tanani baleempul tsi kato, pa nuu wël bukul bariala, tsi uwal bul?

LÚKAS 12:42

Ajug yankul, aja: “Yën ci-un naleemp na mobi tsi përim pi na jaka pi, na ka ibats? Aci naleemp ni nawiak kë tsui përukanda baleemp tsi katoul, uja ba band pëwëla bariala, në wël bukul.

LÚKAS 5:1

Ulon unu, Yeesu nats tsi kawok bërëk Genesaret, a kandënd bañaan kë miŋanul pa pëcikëndën përim Nasien-batsi.

LÚKAS 8:11

“Përim pan tiba pank, ko wi pa pac wi ci wun wi: Utul, aci përim Nasien-batsi.

NGËRO 13:46

Din, Pol ni Barnabas ñakanaan bukul ni bëyeentsal, aja: “Ind ka bukun pëleentsa përim Nasien-batsi ucak; maa, bi nda bër bink pul, a nda wejats bërier ind pëja nda tsënkaants pëyank ubiira un dits wi ka ba, inkri wund ka witsësa pa ban cits biki Bajudeu.

NGËRO 14:23

Di kara Ngëriisia, ba ratar bukul bajëŋal, a uu ba, ba ñaan abër mlik, a ba tergaar bukul tsi iñan Ajug, ni ba uwaki.

NGËRO 4:31

Bi ba ba bi bëñaan, a tsëko tsi ba jukëna tsi siintsar, a ba cum bëlieng Uwejats-ujënts, bu kë leents përim Nasien-batsi ni bëyeentsal.

ROOMA 10:17

Unk, uwak apënë-ni tsi pëcikëndën, a pëcikëndën ciina tsi përim Këristu.

1 KORINTU 10:13

Mteen-teenana di ka baandë-ni ind, ucits ba mi kan baandë-ni mi bañaan-bajin; maa Nasien-batsi aci na mobi tsi përim, a di ka niiran ind pëteen-teenana pëpean ko wi nda yëlan wi. Maa tsi uwal mteen-teenana, në wël buts bëga bëbuërëni, pa ind pëyëlan mul.

1 KORINTU 11:1

Nda ciin bateenënin, bi n ci bi nateenëna Këristu.

1 KORINTU 4:16

Wul ka wun ndu n tseend ind ibats koo nja ind, nda ciin bateenënin.

FILIIPUS 3:17

Batsaar ni nji, nda ciin bateenënin; nda mabani këkës tsi biki ka yandaar biki bi wund piban ind bi!

1 TESALONIKA 1:6

Nda ruka ci bateenëna tsi wund ni bateenëna tsi Ajug. Par, ŋal bi nda ci bi tsi unoor un pelëk wi, maa ni ulílan Uwejats-ujënts nda niiran përim.

1 TESALONIKA 2:13

A wul ka wun buts wund wëtaants puu baran Nasien-batsi; par uwal wi nda yank wunk përim Nasien-batsi, pul pi nda te pi wund leents ind, nda niiran pul bi pa baaraan bi pëci. Cits pëjaa aci përim bañaan-bajin, maa aci përim Nasien-batsi, a puu leemp uleemp tsi ind ba uwak biki.

2 TESALONIKA 3:7

Ind bërier ind, nda me bi nda ka bi puu teenëna tsi wund. Par, uwal wi wund ro wunk ci tsi pëncuaf ind, wund cits ni ubiira katsuunk-uleemp.

2 TESALONIKA 3:9

A te cits pëjaa wund kaats këka përolaa unk, maa aci wund bërier wund pëci uteenëni wi nduu fets wi.

1 TIMOTEU 3:5

Par, na meetsi bi nuu tsij bi katoul, um bi nuu tsij bun Ngëriisia Nasien-batsi uwar?

BAYEBËREU 13:17

Nda roan ko wi ban tsijëna ind biki kë ja wi, ndë niiran wul; bë ci tsi pëwaay ngëwaas ind, par bu ka pëleents bi ba ro bi ja. Nda roan ko wi bu kë ja wi, bukul puu leemp uleemp bukul ni ulílan, u rits ci ni ngëwaas ngan de ngi. Par ucits ank ba, di ka wara ind.

BAYEBËREU 13:24

Nda leeni ban tsijëna ind biki, bukul bëlieng, ni bayëman bëlieng. Biki Itaalia bë leeni ind.

BAYEBËREU 6:12

Wund ŋalats ind përuka ci batsuunk, maa ind pëteenëna biki kan par-na biki uwak ni umiira bu ka yank nga watsana ngi.

1 PER 4:11

Uci ñaan kë ñakan, na ñakani pi aci irim Nasien-batsi i nu leents yun; a uci ñaan kë ro uleemp, na roan uleemp ni uyëlan wi Nasien-batsi wëlul wi, pa Nasien-batsi përëmbana tsi Yeesu Këristu tsi ngëko bëlieng, nul nan kai përëmb ni pëyëlan pa sandëndën. Ameen!

UPIBAN 1:9

Nji Joŋ, nan tsaari ni ind, acints ind tsi unoor, ni tsi pësien, ni tsi pëtambandar tsi Yeesu, man ci di unjiu Patëmos, undo përim Nasien-batsi ni pëleents uleka Yeesu.

UPIBAN 20:4

A n win itsoari-pësien; ban tsoar biki tsi yul bu wëla pëyëlan pëwat-pëleents. A n win buts ngëwaas ban fala biki iyeen undo bu leents ngi Yeesu ngi ba maatir ngi, ni undo përim Nasien-batsi; a n winand ban jintëlaatsa biki nin un jar, nin bënaam wul, a bu yankats umarëka, nin tsi pëjúk, nin tsi kañan. Bë kak bayësal, a ba sien ni Këristu, te ngëwaanu umiil (1.000).

UPIBAN 6:9

Uwal wi Ubuk-unkaanel wun pënan wi unuek uñanatsan, a tsi utsia bëgij, a n win ngëwaas ban do biki fiŋaa, undo përim Nasien-batsi, ni undo ko wi ba maatir wi a ba mob tsi pëleents wul.