BAYEBËREU 13:21 - KARÚK-PËRIM KAWALU Nouveau Testament

²¹ Na yecis ind tsi ko u wara wi-ba këwara, ndë yëlan përo uŋalul. Nuu ro tsi ngëbiira nja ko wi nuu lílandër wi. Yeesu Këristu ka ro un ko wan; përëmb pa ciin pa nul, pa sandëndën. Ameen!

BAYEBËREU 13:21 ပူးပေါင်းရင်းမြစ်များ

MATEU 12:50

Par, nan cii ba këci tsi përo uŋal Asin nji nan cii di batsi, namënts un aci nan tsaari ni nji, niints, ni nan tsaari ni nji, ŋaats, ni anin nji.”

MATEU 21:31

Naom tsi batëb biki do un uŋal asin?” A ba yankul aja: “Nacäk.” A Yeesu ja bukul: “Mán leents ind ucär: Bayep bëluk-uraasa, ni bakaats batúk-ufuts, bu ka yër ind bërun pëniaj pësien Nasien-batsi.

MATEU 28:20

nda jukani bukul puu mob tsi ngi n tsu ind ngi, ngul bëlieng. Nda teenan-e, mán ci ni ind ngënu bëlieng, te uba umundu.”

MATEU 6:13

Tsë wët wund, wund yër tsi mteen-teenana; maa buerani wund tsi kañan nakaalam. Par pësien aci piicu, ni ufosa ni përëmb, pa sandëndën. Ameen!

MATEU 7:21

Cits biki ka n jain biki blieng: ‘Ajug, Ajug!’ Ka niaj bukun pësien batsi, maa aci ni kan doi uŋal Asin nji nan cii di batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 17:23

nji di bukul, wi di nji, pa bu ka ba pëci baloole, pa bañaan umundu pëme u ci wi yëliin un, a m ŋal bukul bi m ŋalin bi.

KAKÚRAN-KAWAR YEESU KRISTU BI JOŊ LEENŢ BI KUL AJA 7:17

Uci ñaan ŋal përo uŋal Nasien-batsi, në me ne bëjukan bi apënë-ni tsi Nasien-batsi, oo ne mán ñakan uleka nji bërierin.

ROOMA 11:36

Par ngëko bëlieng apënë-ni tsi nul, nul leemp un ngul, a nga ci pa nul. Përëmb, pa ciin pa nul pa sandëndën. Ameen!

ROOMA 16:27

Nasien-batsi naloole baŋ, nul nameko, na wëlaan përëmb pa sandëndën, tsi Yeesu Këristu. Ameen!

2 KORINTU 9:8

Nasien-batsi aka pëyëlan pëwël ind bëtseend bucumal tsi ngëko bëlieng, pa ind pëka ko wi nda fier wi ngënu bëlieng, ndë ka buts ko un pe wi pa përoona ko uwar ngënu bëlieng;

GALAASIA 1:5

Përëmb pa wëlaanul sandëndën. Ameen!

EFEESU 2:10

Par ngë ci ko wi Nasien-batsi leemp wi. Aleemp nja tsi Yeesu Këristu pa ngëwar ngi na ro ngi yecis ba, pa n ja pëci tsi përo ngul.

EFEESU 2:18

par tsi nul, ind ni wund ngë ka bëga bëbaandë-ni di Asin tsi Uwejats uloole.

FILIIPUS 1:11

Unk ndë cum ni ko wi bëmabal kë buk wi, wi kan pënë-ni wi tsi Yeesu Këristu, pa përëmb Nasien-batsi ni ubëndanul.

FILIIPUS 2:11

A pëndiamënt pan ci pi-ba këci, pë pets ka ja, Yeesu Këristu ci-un Ajug, pa përëmb Nasien-batsi, Asin.

FILIIPUS 2:13

Par, Nasien-batsi ci-un nan ci tsi pëleemp tsi ind, pa pëwël ind uŋal, ni përo bi utsaagul uwar ci bi.

FILIIPUS 4:13

Man yëlan ko un ci wi-ba këci, tsi Këristu, nawëlin pëyëlan.

FILIIPUS 4:18

Man yank ngëko bëlieng a n kësan, a n par-paran. Man cumana ngi n fier ngi, bi Epafëroditu wëlin bink ngi nda wëliin ngi. Ngul, aci pi ulicar u líl wi pëñal, bëjakan ba niiranaa bi, ba líl bi Nasien-batsi.

KOLOS 3:17

Ko wi nduu ro wi ba këro, tsi irim oo tsi karo-ko, nda roan wul tsi katim Yeesu, Ajug; tsi nul nduu baran Nasien-batsi, Asin.

KOLOS 3:20

Ind upäts, nda fetsan përim bábuk ind, tsi ko un ci wi-ba këci, par aci ko u líl wi Ajug.

KOLOS 4:12

Epafëras, nul nan pënë-nii tsi ind, naleempar Këristu Yeesu, aleeni ind. tsi ngëwal bëlieng, aci tsi pëkamandër ind tsi bëñaan, pa ndë liincandar, ndë jëŋ, nduu ro ko wi Nasien-batsi ŋal wi ba këŋal.

1 TESALONIKA 3:13

Na liinc-liincani ngëwaas ind, pa ndë ci ban kaats biki ulaci tsi bëjëntsal, tsi bërun Asini nja Nasien-batsi, ubi Ajug nja Yeesu ni bayiicul bëlieng bayëman.

1 TESALONIKA 4:3

Par uŋal Nasien-batsi, aci ubiira ind pëci ujëntsal. Nda randan ngëko katúk-ufuts,

1 TESALONIKA 5:23

Nasien-batsi pëfac, bërierul na jëntsani ind cës; a uwejats ind u gaangaan ni uwaas, ni uliaf tsi kakaats-ulaci, te ubiri Ajug nja Yeesu Këristu.

2 TESALONIKA 2:17

Na liinc-liincani ind ngëwaas, në tsu ind pëliinc tsi përo ko un ciwi-ba këci uwar, ni tsi përim pan ci pi-ba këci pëwar.

1 TIMOTEU 1:17

Unk nul Nasien tsi ngëwal bëlieng, nan ditsi ka cäts, nan ditsi ka winaa, nul Nasien-batsi koorul, na wëlaan urispiitu ni përëmb pa sandëndën! Ameen!

1 TIMOTEU 5:10

aka pëmeanda karo ngëwar: Uci na kus upätsul uwar, a na ci nawelan bañaan, a nuu ñaw bayëman itsiim, a nuu tsënk ban juatsan biki, a na ci na mobi tsi puu ro ko u wara wi-ba këwara përo.

1 TIMOTEU 6:16

Nul baŋ ci-un nan kaani karika-cats; aciina di ufac un tsënkanaatsa wi pëwokan; ñaan winats wul, a te ñaan yëlanats pëwin wul. Urispiitu, ni pëyëlan pan dits pi ka ba, aci pa nul. Ameen!

2 TIMOTEU 3:17

Unk, ñaan Nasien-batsi ka yecisa uwar, pa puu ro ko un ci wi-ba këci uwar.

2 TIMOTEU 4:18

Ajug ka pënanin tsi ko un ci wi-ba këci u waraatsa wi, në bueranin pa pësienul pi batsi. Përëmb pa ciin pa nul, pa sandëndën. Ameen!

BAYEBËREU 10:36

Nda fier pëtambandar, pa uwal wi nda ro wi uŋal Nasien-batsi, ndë yank ko u watsana wunk.

BAYEBËREU 12:23

Nda baandi tsi bëjúk ijan, bukul ban picana biki itim di batsi. Nda baandi tsi Nasien-batsi, nawat bañaan bëlieng pëleents, tsi ngëwejats bamabal, bukul ban tsua biki a ba ba pëci bawar,

BAYEBËREU 12:28

Wul ka wun, bi n ja kë yank bink pësien pa yëlanaatsa pi pësiints-siintsana, nda ju ngë mob ngë liincan bëtseend bëmënts bi. Tsi bul nja kë leempar Nasien-batsi ni bëro bi nuu lílandër bi, ni puu ro ko un jaka wi, ni puu lënkul.

BAYEBËREU 13:16

Ind tsë fin karo-uwar, ni mantsënkëlar; par ijakan pi imënts yun, Nasien-batsi aja na roon në lílandër yul.

1 PER 2:5

Ind bërier ind, nda ci pi ilaak i tsij yi ubiira, a nda leempaa kato Uwejats Nasien-batsi pa ind pëci bëjúk bajakan bëyëman, pa puu wël ijakan Uwejats Nasien-batsi, i Nasien-batsi kë lílandër yi tsi Yeesu Këristu.

1 PER 4:2

Unk tsi ngënu ngi nda rukanda ngi pëka tsi uliaf, nda katse ka ci tsi karí-ko ñaan-najin, maa tsi uŋal Nasien-batsi.

2 PER 3:18

Maa nda wiakaan tsi bëtseend ni tsi ume Yeesu Këristu Ajug nja Nabueran. Nul na wëlaan përëmb inkri, pa sandëndën. Ameen!

1 JOŊ 2:17

Te umundu ka par bëlieng ni karí-ko wul; maa ñaan nan ci tsi përo uŋal Nasien-batsi, ka mob tsi pëci pa sandëndën.

1 JOŊ 3:22

A ko wi ngë ñaan wi ba këñaan, nja ka yank tsi nul. Par ngë mob tsi ngëtsuaul, a tsi bërunul nja kë ro ko u lílul wi.

JÚDAS 1:25

Nul Nasien-batsi koorul, Nabueran nja tsi Yeesu Këristu Ajug nja na wëlaan përëmb, ni pëyëlan, ni uyëlan, ni pëtsijëna ngëko bëlieng ki ngëwal bëlieng netse ki ro juund, inkri pa sandëndën. Ameen!

UPIBAN 4:6

tsi bërun pëtsoari-pësien, a u naam unk pi kabiirdi a ka jënts cës pi ikasa mlik. A ngëko ngëyësal ngëbaakër ngun, ci tsi pëncuaf pëtsoari-pësien, a nga fayand pul ajëkëlan. Ngul, acum ni këkës tsi bërun ni tsi ufets.

UPIBAN 5:13

A ko u leempa wi ba këleempa a u ci di batsi, ni tsi utsia, ni bametsu utsia, ni bërëk, ni ngan ci ngi bëlieng tsi ngul, man te nguu ja: “Ubëndan, ni rëmbana, ni përëmb, ni pëtsijëna ko, aci pa nan tsoar unk tsi pëtsoari-pësien, ni pa Ubuk-unkaanel wun, pa sandëndën!”

UPIBAN 5:9

A ngul ni bukul kë ya kaya kawalu, koo ja: “M tsënkan pëjaa m jej ulibëru umënts wun kë pënan ngënuek wul, par m do jakanaa; ni pëñaaku a m weelësi bañaan pa Nasien-batsi, ban pënë-ni biki kara pëbuka, ni kara uliingu, ni kara bañaan-ucaak, ni kara ucaak.