BAYEBËREU 13:18 - KARÚK-PËRIM KAWALU Nouveau Testament

¹⁸ Nda ñaandëri wund, par wund afiaar koon ume-kabats wund jënts, a uŋal wund ci wund puu ro uwar tsi ngëko bëlieng.

BAYEBËREU 13:18 ပူးပေါင်းရင်းမြစ်များ

NGËRO 23:1

A Pol kaŋan Bëjúk bawat-pëleents bawiak këkës, a na ja: “Batsaar ni nji bayënts, man yandaar tsi bërun Ajug ni uwejats uwar un ci wi-ba këci, te unu untsari.”

NGËRO 24:16

Wul ka wun, a n do buts uyëlan pa pëwëtaants pëtsij uwejats utsëkal tsi bërun Nasien-batsi, ni tsi bërun bañaan-bajin.

ROOMA 12:17

Ind tsë lukan ñaan uwutsëtsuel, ni uwutsëtsuel; nda tambandari tsi përo uwar tsi bërun bañaan bëlieng;

ROOMA 13:13

Nda ju ngë yandaar tsi bëmabal, pi ñaan ni ka yandaari tsi pënak ndakaŋ; ind tsë mob tsi buwaamal ni ukuj, nin ind tsë mob tsi mampiintsandar ni karika-kawa, nin ind tsë mob tsi pëŋom ni mankocar.

ROOMA 15:30

Batsaar ni nji, man buara ind tsi Ajug nja Yeesu Këristu, ni tsi bëŋal Uwejats Nasien-batsi, pa nda kaman ni nji tsi bëñaan bi ind kë ñaan bi ba këñaan Nasien-batsi, pa nji;

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

FILIIPUS 4:8

Pëtuamës, ind batsaar ni nji, ko un ci wi-ba këci ucär, ko un ci wi-ba këci wi urispiitu, ko un ci wi-ba këci umabal, ko un ci wi-ba këci ujëntsal, ko un ci wi-ba këci-un ka wi pëŋalaa, ko un ci wi-ba këci-un ka wi pëbëndanaa – uci ko ci a u buer pëwara, oo a u tsënkan pëjaa abëndanaa —nda tsuun ibats tsi ngëko pi ngëmënts ngun.

KOLOS 4:3

nduu ñaandar wund buts, pa Nasien-batsi pëwaants wund pëlëman, pëleents përim, pa puu leents wi Këristu undoots wunk mea; undo wul buts ka wun n dica.

1 TESALONIKA 4:12

Din, bañaan utsand ka win bëci ind bëwar; unk nda rits fier ñaan.

1 TESALONIKA 5:25

Batsaar ni wund, nda ñaandëri wund.

2 TESALONIKA 3:1

Pëtuamës, ind batsaar ni wund, nda ñaandëri wund pa përim Ajug pëmob tsi pëya bërun, puu rëmbana, bi u ci bunk tsi pëncuaf ind.

1 TIMOTEU 1:5

Ko un ka wi n tsuu përo ank, aci pa pëpiban bëŋal ban pëni bi di uwaas un jënts wi, ni di ume-kabats un fac wi, ni di uwak un kaats wi kanguungu.

1 PER 2:12

Nda ciin biki ka yandaar biki uwar tsi pëncuaf ban cits biki Bajudeu. Unk ŋal tsi ko uwutsëtsuel wi bu kë jaar ind wi, pi nda ci baro-ngëko-kawaraatsa, bu ka facana tsi undo ngëko ngëwar ngi ndë ro ngi, bu ka bëndan Nasien-batsi tsi unu wi nuu bi wi buwuula.

1 PER 3:16

Maa, nda roan ko wan tsi kajuab-ngëwaas, ni urispiitu. Ndë tsijand ngëwejats ngëwar, pa tsi ko wi bu kë karëni ind wi, bu ka kawa, bukul biki ka nja biki ngan waraatsa ngi tsi bëci ind bëwar tsi Këristu.

1 PER 3:21

A mlik mmënts mi ci mun ulimënts bëmijan ban bueran ind bink inkri, cits pa pëjëntsan mtsopi ngëliaf, maa pëjaankëma Nasien-batsi ni utsaag uwar tsi undo bi Yeesu natsee bi di pëcäts.