BAYEBËREU 13:17 - KARÚK-PËRIM KAWALU Nouveau Testament

¹⁷ Nda roan ko wi ban tsijëna ind biki kë ja wi, ndë niiran wul; bë ci tsi pëwaay ngëwaas ind, par bu ka pëleents bi ba ro bi ja. Nda roan ko wi bu kë ja wi, bukul puu leemp uleemp bukul ni ulílan, u rits ci ni ngëwaas ngan de ngi. Par ucits ank ba, di ka wara ind.

BAYEBËREU 13:17 ပူးပေါင်းရင်းမြစ်များ

LÚKAS 16:2

Narëmb mandaar përuiul, a na jaul: ‘We ci wun wi ndu n te wink tsi ulekau? Pibani bi m leempëna bi bëka m ja. Par, m katse ka tsijëna bëka nji.’

NGËRO 20:28

Nda tsuunkari iyeen ind bërier ind, ndë tsuunkar pëtan ngënkaanel pi Uwejats-ujënts tsu ind pi pëci bawaay, pa nda yafan Ngëriisia Nasien-batsi ngi na weelëna ngi pëñaakul bërierul.

ROOMA 14:12

Unk, kara ñaan tsi nja ka leents ngi na ro ngi bërierul, tsi bërun Nasien-batsi.

1 KORINTU 16:16

Nda baari ibats ind tsi pëcikëndën bukul, ni nan bofi ba këbof tsi uleemp, a nuu cib tsi wul.

EFEESU 5:21

Nda welani iyeen ind tsi nda ci tsi, tsi pëlënk Këristu.

FILIIPUS 1:4

Tsi ngëwal bëlieng, aja kara buñaan bi ndu n ñaandar ind bi ind bëlieng, ka ñaan ni ulílan,

FILIIPUS 2:12

Unk, bamiñ ba ŋala biki, ind ba nja biki nda roon tsi ngëwal bëlieng nduu ro ko wi nda jaka wi, nda ciin tsi puu ro unk. Cits rin tsi bërun nji, maa nda ruraan pe këpe puu ro unk inkri, bi n cits bink. Nda moban tsi pëtsu pëbuer ind tsi karo-ko, nduu lënkand mak.

FILIIPUS 2:16

ind ba mob bikink përim ubiira aliincan. Unk, tsi Unu Këristu, ko umënts wun ka ci upícëni nji, undo pëtuk pi n túk pi, ni mcibi mi n cib mi, përits ci ko un kaats wi bëkat.

FILIIPUS 2:29

Bi u ci bank, nda welaniul tsi Ajug ni ulílan uwiak, ndë rispitaar bañaan pi nul.

FILIIPUS 3:18

Par, bi ndo bunk leents ind ngëyaas ngëcumal, a nji ka n leents ind ink kak ni mŋand, bacumal aci tsi pëyandaar pi bë ci bañaas kruus Këristu.

FILIIPUS 4:1

Wul ka wun, batsaar ni nji, ind biki n ŋal biki a n dí pëwin ind, ind ban ci biki ulílan nji, ni ucape nji wi pësien, nda moban unk nda liincan tsi Ajug, ind ba ŋala biki!

2 TESALONIKA 3:14

Uci ñaan fetsats përim pi wund ja pi tsi uletar wi, nda markaariul; ind tsë bof ko ni nul, pa në kawa.

1 TIMOTEU 5:17

Ban tsua biki bajëŋal di Ngëriisia a bu kë leemp uwar uleemp kayër-bërun, bu tsënkan puu wëla urispiitu un kës wi mak, andes bajëŋal ban ci biki tsi unoor kaleents-përim, ni bëjukan.

BAYEBËREU 13:24

Nda leeni ban tsijëna ind biki, bukul bëlieng, ni bayëman bëlieng. Biki Itaalia bë leeni ind.

BAYEBËREU 13:7

Nda lesan ban tsijëna ind biki, bukul ba leents ind biki përim Nasien-batsi. Nda niimani-e utuami ngëbiira bukul, din ndë teenëna uwak bukul.

JAKOB 4:7

Bi u ci bank, nda baari ibats ind tsi Nasien-batsi; nda liincandari tsi pëpok Ujabël, din u túk u lawan ind.

1 PER 5:5

Unk buts ind batsasa, nda welani iyeen ind tsi bërun bajëŋal. A ind bëlieng, tsi manteelar ind, nda cuman ni kawelan-iyeen ind, par Nasien-batsi ka natsara bape-iyeen bukul; a nuu wël bëtseend pa ba welan biki iyeen bukul.