BAYEBËREU 13:15 - KARÚK-PËRIM KAWALU Nouveau Testament

¹⁵ Unk, tsi Yeesu, nda ju ngë mob tsi pëwël Nasien-batsi bëjakan ban ci bi ubëndan, un ci wi, ko wi itum kë pets wi tsi uleka katimul.

BAYEBËREU 13:15 ပူးပေါင်းရင်းမြစ်များ

MATEU 11:25

Tsi uwal umënts wun, a Yeesu ja: “Man bëndanu, Paapa, Ajug batsi ni utsia. Par, m bek ngëko ngëmënts ngi, m lawan ngul bameko ni balipal, a m piban ngul upäts uties.

LÚKAS 10:21

Tsi uyëk umënts wun, Yeesu piban na lílan mak tsi Uwejats ujënts, na ja: “Man bëndanu, Paapa, Ajug batsi ni utsia. Par, m bek ngëko ngëmënts ngi, m lawan ngul bameko ni balipal, a m piban ngul upäts uties. Eey-e, Paapa. Par, ank di m ŋal run wul pëci.

KAKÚRAN-KAWAR YEESU KRISTU BI JOŊ LEENŢ BI KUL AJA 10:9

Nji n ci-un pëlëman. Uci ñaan niajëna tsi nji, në buer; koo niaj, nuu cili, nuu win tsëko kafeer.

KAKÚRAN-KAWAR YEESU KRISTU BI JOŊ LEENŢ BI KUL AJA 14:6

A Yeesu jaul: “Nji n ci-un bëga, ni ucär, ni ubiira; kaats ñaan ni kan bii tsi Asin nji, uci na biinatsi tsi nji.

ROOMA 12:1

Maa, mán buara ind batsaar ni nji, tsi kayëk-ipës Nasien-batsi, pa ind pëwël ngëliaf ind, nga ci bëjakan buyësal, bëyëman, ban líl bi Nasien-batsi; ko wi ka wun pëci ubëndan wi nduu ro wi.

ROOMA 6:19

Mán ñakan këñaan-bajin undo bërafal ngëliaf ind. A bi nda ro bunk wël incimëntsu ngëliaf ind i ci tsi pëluek tsi karo ngëko ngëtsopal ni tsi kamobats tsi ngëtsua ki kan tsu ind ki pënatsara pëkaman Nasien-batsi; unk buts, nda tsuun incimëntsu ngëliaf ind, i ci tsi pëluek tsi karo ngëko bëmabal pa pëtsu ind pëci ba yëman biki.

EFEESU 2:18

par tsi nul, ind ni wund ngë ka bëga bëbaandë-ni di Asin tsi Uwejats uloole.

KOLOS 1:12

Nda barani Asin ni ulílan, nul nan tsui indi a nda tsënkan pëbofara bërukanda bayëman, tsi ufac.

BAYEBËREU 12:28

Wul ka wun, bi n ja kë yank bink pësien pa yëlanaatsa pi pësiints-siintsana, nda ju ngë mob ngë liincan bëtseend bëmënts bi. Tsi bul nja kë leempar Nasien-batsi ni bëro bi nuu lílandër bi, ni puu ro ko un jaka wi, ni puu lënkul.

BAYEBËREU 7:25

Wul ka wun, biki kan biini tsi Yeesu abaandi tsi Nasien-batsi, nul Yeesu ayëlan pëbueran bukul, te ko di ka ruka; par nul aci nayësal tsi ngëwal bëlieng, pa pëñaandar bukul.

1 PER 2:5

Ind bërier ind, nda ci pi ilaak i tsij yi ubiira, a nda leempaa kato Uwejats Nasien-batsi pa ind pëci bëjúk bajakan bëyëman, pa puu wël ijakan Uwejats Nasien-batsi, i Nasien-batsi kë lílandër yi tsi Yeesu Këristu.

1 PER 4:11

Uci ñaan kë ñakan, na ñakani pi aci irim Nasien-batsi i nu leents yun; a uci ñaan kë ro uleemp, na roan uleemp ni uyëlan wi Nasien-batsi wëlul wi, pa Nasien-batsi përëmbana tsi Yeesu Këristu tsi ngëko bëlieng, nul nan kai përëmb ni pëyëlan pa sandëndën. Ameen!