BAYEBËREU 12:3 - KARÚK-PËRIM KAWALU Nouveau Testament

³ Nda wejatsi-e namënts un na miiree tsi pënatsara pi bajuban natsaraul pank; unk pa unoor pii rits pe ind, ngëwaas ind pii rits ba.

BAYEBËREU 12:3 ပူးပေါင်းရင်းမြစ်များ

MATEU 11:19

A Abuk ñaan-najin bi, a nuu riala, a nuu raan; a u jaka: ‘Namëntsi aci nawaamal, a na ci nakuj, a na fetsar ni bayep bëluk-uraasa, ni bajuban.’ Maa bëlipalul a pibanaa di bu umabar bërorul ngëko.”

MATEU 12:24

Maa, bi Bafariseu te bi ko wan, a ba ja: “Namëntsi ja nuu ruak ngëcaay, në ruakëna ngul Beelsebul, uwiak ngëcaay.”

MATEU 15:2

“We ka wun bafetsu kë ro ko wi undimaan bajon pok wi? Par, bë ri ka ñaw iñan uriala bukul.”

MATEU 21:23

Yeesu niaj kato-kayëman, a na ci tsi bëjukan. A bawiak-bajakan, ni bawiak Bajudeu baandi tsi nul, a ba yeparul aja: “Wee m tsënkanaan wun përo ngëko ngi? A yën wëlu un pëtsënkan përo ngul?”

MATEU 21:46

A bu kë tsas bi bu kë mobul bi; maa bu lal indënd bañaan. Par, pa bañaan, Yeesu aci nayëlia.

MATEU 22:15

Din a Bafariseu tsëp ee winar, pa pëtsas bi bu kë ro bi a bu ka mob Yeesu tsi irimul.

LÚKAS 14:1

Tsi Unu-pënaakësa, a Yeesu ya bariala di kato nalon nawiak tsi Bafariseu; bañaan ci tsi pëjutsul.

LÚKAS 15:2

A Bafariseu, ni bapican-ulua ci tsi pëŋëmŋëm koo ja: “Namëntsi awelan bajuban, a nu riala ni bukul.”

LÚKAS 16:14

Bafariseu, bukul baŋal-uncaam, bu kë te ko wan bëlieng a ba ci tsi përiatul.

LÚKAS 2:34

Simeon ja ngëwar, na ja Maaria, anin napäts: “Teenan-e! Napatsi atsua pëci ni kan kai bañaan Israel bacumal kë yër, bacumal kë natsa; na tsuunda pëci upibanaani wi kan pokaa wi,

LÚKAS 5:21

Din bapican-ulua ni Bafariseu jot pëja tsi ibats bëkul: “Yën ci-un namëntsi, ni kan kar ink Nasien-batsi? Yën yëlan un pëjampësa ngëjuban, un cits wi Nasien-batsi koorul?”

KAKÚRAN-KAWAR YEESU KRISTU BI JOŊ LEENŢ BI KUL AJA 10:20

Bacumal tsi bukul ka ja: “Nul a tsij ucaay, katse tsij uwejatsul; we ka wun nduu cikëndënul?”

KAKÚRAN-KAWAR YEESU KRISTU BI JOŊ LEENŢ BI KUL AJA 18:22

Bi Yeesu ja bi ko wan, a nalon tsi bawaay ban nats biki tsul waŋul kañan tsi kambakats, a na ja: “Ank di kë yank run nan pei pëci nawiak-bajakan-a?”

KAKÚRAN-KAWAR YEESU KRISTU BI JOŊ LEENŢ BI KUL AJA 5:16

Wul ka wun Bajudeu kë noor-nooran Yeesu, bu kë tsasul pëfiŋ, par aja na roon nuu ro ngëmënts ngan tsi Unu-pënaakësa.

KAKÚRAN-KAWAR YEESU KRISTU BI JOŊ LEENŢ BI KUL AJA 7:12

Tsi indënd bañaan, a u ka mŋëmŋëm mcumal tsi ulekaul; balon ka ja: “Aci ñaan na waree uwaas.” A bacints kë ja: “Nin a, aci na niaman bañaan.”

KAKÚRAN-KAWAR YEESU KRISTU BI JOŊ LEENŢ BI KUL AJA 8:13

Din, a Bafariseu jaul: “Wi, m ci tsi pëleents ulekau bërieru; ko wi kë leents wi, cits ucär.”

KAKÚRAN-KAWAR YEESU KRISTU BI JOŊ LEENŢ BI KUL AJA 8:52

A Bajudeu jaul: “Inkri, wund ame m niaja ucaay. Abraam a cäts, ŋal bayëlia buts; a wi, m ja: ‘Uci ñaan mob tsi irim nji, di ka teenaman pëcäts, pa sandëndën.’

KAKÚRAN-KAWAR YEESU KRISTU BI JOŊ LEENŢ BI KUL AJA 8:59

Din, a ba coonts ilaak ba tapënul pa pëfiŋul; maa a nul Yeesu cëra, a na pën tsi kato-kayëman.

KAKÚRAN-KAWAR YEESU KRISTU BI JOŊ LEENŢ BI KUL AJA 9:40

A balon tsi Bafariseu ban ci biki tsi kawok Yeesu te ko wan, ba ja Yeesu: “A wund buts, wund aci bakuel-a?”

1 KORINTU 15:58

Bi u ci bank batsaar ni nji ba ŋala biki, nda liincandari ndë ci ban dits biki ka siintsar, ndë cum ni uŋal tsi uleemp Ajug, ndë me ne, uleemp ind tsi Ajug, cits un kaats wi bëkat.

2 KORINTU 4:1

Par Nasien-batsi tsi kayëk-ipësul, awël wund uleemp wi, a cätsanats wund ngëwaas.

2 KORINTU 4:16

Wul ka wun, ngëko ngan catsanatsi nja ngë waas; ŋal bëci nja tsi uliaf kë pe këpe pëcoka, maa bëci nja tsi uwejats, kara unu buu kak buwalu.

GALAASIA 6:9

Nja tsë noor puu ro uwar, par uband uwal, ja ka cët mbuk, uci ngë rafanats uyëlan.

2 TESALONIKA 3:13

A ind batsaar ni wund, ind tsë noor puu ro uwar.

BAYEBËREU 12:2

Nda ju ngë jutsan këkës tsi najuund uwak a na ciind natsu wul u ba pëci uwar, nul Yeesu. Abër ulílan un tsuaul wi tsi bërun, a na miira a cäts tsi kruus, tsuuts mkaw ko; a na tsoar tsi kariir pëtsoari Nasien-batsi pi pësien.

BAYEBËREU 12:5

a nda fin përim kaliinc-liincan ngëwaas pa n jaka ind pi, pi nda ci babuk: “Abuk nji, tsë be bi Ajug kë cikësu bi; a uwaasu tsë ba, uwal wi na ci wi tsi pëleentsaru.

BAYEBËREU 3:1

Batsaar ni nji, bayëman, ind ban bof biki tsi karua batsi, nda teenan tsi Yeesu, nul Napostolu a na ciind Nan pei pëci nawiak-bajakan tsi uleka uwak nja wi ngë pets wi.

1 PER 2:23

Nul nan karee, a lukanats; na nooranee, a leentsarats ñaan; maa na wëtar beenul nawat pëleents namabal.

UPIBAN 2:3

M tambandar a m miira, undo katim nji, a m wëtats pëtambandar.