BAYEBËREU 12:28 - KARÚK-PËRIM KAWALU Nouveau Testament

²⁸ Wul ka wun, bi n ja kë yank bink pësien pa yëlanaatsa pi pësiints-siintsana, nda ju ngë mob ngë liincan bëtseend bëmënts bi. Tsi bul nja kë leempar Nasien-batsi ni bëro bi nuu lílandër bi, ni puu ro ko un jaka wi, ni puu lënkul.

BAYEBËREU 12:28 ပူးပေါင်းရင်းမြစ်များ

MATEU 25:34

Din, Nasien ka ja bukun tsi kariirul: ‘Nda bili, ind ban jaara biki ngëwar, biki Asin nji; nda rukandaan pësien pando pi yecësëra ind, ki umundu juund ki.

LÚKAS 1:33

në sien kato Jakob pa sandëndën, te pësienul di ka ba.”

ROOMA 11:20

Awara! Undo kawakats bukul, ka wun ba cëtaa; maa wi, undo uwak ka wun m mob m liincan. Cats rëmbandar, maa lënkan.

EFEESU 1:6

pa n ja pëbundan përëmb bëtseendul bi na wël nja bi bëlukats tsi Abukul na ŋalee.

EFEESU 5:10

Nda yëkërani ko u líl wi Ajug;

FILIIPUS 4:18

Man yank ngëko bëlieng a n kësan, a n par-paran. Man cumana ngi n fier ngi, bi Epafëroditu wëlin bink ngi nda wëliin ngi. Ngul, aci pi ulicar u líl wi pëñal, bëjakan ba niiranaa bi, ba líl bi Nasien-batsi.

BAYEBËREU 10:19

Bi u ci bank, ind batsaar ni nji, pëñaak Yeesu ka pun ngë ka bëyeentsal pa pëniaj Tsëko tsan pe tsi pëci tsëyëman.

BAYEBËREU 13:15

Unk, tsi Yeesu, nda ju ngë mob tsi pëwël Nasien-batsi bëjakan ban ci bi ubëndan, un ci wi, ko wi itum kë pets wi tsi uleka katimul.

BAYEBËREU 13:21

Na yecis ind tsi ko u wara wi-ba këwara, ndë yëlan përo uŋalul. Nuu ro tsi ngëbiira nja ko wi nuu lílandër wi. Yeesu Këristu ka ro un ko wan; përëmb pa ciin pa nul, pa sandëndën. Ameen!

BAYEBËREU 3:6

Maa Këristu amob tsi përim, undo bi na ci bi Abuk a na tsijëna kato Nasien-batsi. A kato kamënts, n ja ci bukun kul, uci ngë mob aliincan tsi bëyeentsal ni upícëni tsi uwats.

BAYEBËREU 4:16

Bi u ci bank, nda ju ngë wok pëtsoari-pësien, pi bëtseend, ni bëyeentsal, n ja pëyëkaraa ipës ni pëka bëtseend, nja ka tsënkaa tsi uwal u wara wi.

BAYEBËREU 5:7

Nul Yeesu, uwal wi na wam wunk tsi umundu wi, a uja ni mliandar, ni mŋand, nuu ñaan, nuu rugar na yëlan unk pëbueranul tsi pëcäts. A na niiranaa, undo alënk Nasien-batsi.

1 PER 1:17

A ni ka wat unk kara ñaan pëleents tsi ko wi na ro wi, nul nan ditsi ka kicës bañaan, uci nduu ruul koo jaul Asin, nda yandaari tsi pëlënk Nasien-batsi tsi uwal pëtsooŋ ind tsi utsia tsi.

1 PER 2:20

Poom përëmb pi ndu ka pun tsi unoor wi ndu miira wi tsi kabupa, uci nda ro ujuban? Maa uci nduu ro uwar, a nduu noorana a nda tambandër, aci bëtseend tsi bërun Nasien-batsi.

1 PER 2:5

Ind bërier ind, nda ci pi ilaak i tsij yi ubiira, a nda leempaa kato Uwejats Nasien-batsi pa ind pëci bëjúk bajakan bëyëman, pa puu wël ijakan Uwejats Nasien-batsi, i Nasien-batsi kë lílandër yi tsi Yeesu Këristu.

UPIBAN 1:6

a na tsu nja a ngë ci pësien, a ngë ci bajakan pa Nasien-batsi, Asinul: Përëmb ni pëyëlan aci pa nul, pa sandëndën. Ameen!

UPIBAN 15:4

Ajug! Yën dits un ka lënku? Yën dits un ka rëmban katimu? Par, wi rin yëman un. Wul ka wun, ngëcaak bëlieng ka bi ngë jintëla tsi bërunu, par ngëmabal ngi m do ngi apibanaa.”

UPIBAN 5:10

M tsu bukul a ba ci pësien, ni bajakan, pa puu leempar Nasien-batsi wund, bu ka sien tsi umundu.”