BAYEBËREU 12:25 - KARÚK-PËRIM KAWALU Nouveau Testament

²⁵ Nda katan ibats, ind përits pok pëte nan ci tsi pëñakan. Par uci bi ba buerats bunk, uwal wi ba pok wunk pëte nan cari leents bukul tsi umundu, andes n ja, ngë ri ka buer buts uci ngë letësa nan car ink koo leentsi nja di batsi.

BAYEBËREU 12:25 ပူးပေါင်းရင်းမြစ်များ

MATEU 17:5

Bi na wama bi ka ñakan, a kasa fietsi ee kund bukul. A përim pëni di kasa, a pa ja: “Ni ci-un Abuk nji; ni ŋali, man lílandërul. Nda cikëndëniul!”

MATEU 8:4

Din a Yeesu jaul: “Tsë ja ñaan ko, maa tsëpan band di najakan, kë wël bëtseend bi ulua-Moises ja bi, u ci upibanaani pa bukul.”

NGËRO 7:35

Moises namëntsi ni ba ron un bër aja: ‘Yën tsuu un pëci nawiak, ni nawat-pëleents.’ Nul ni Nasien-batsi yël un, na tsuul pëci nawiak ni nabëëran, tsi pëyëlan uwaanju un pibandar wunk tsi bërunul di bëwuul.

1 TESALONIKA 5:15

Nda katan ibats, ñaan tsë lukan uwutsëtsuel wi na rolaa wi. Maa tsi ngëwal bëlieng nda tsasan puu rolar uwar, ni puu ro wul bañaan bëlieng.

2 TIMOTEU 4:4

Bu ka pënan ibats bukul tsi pëcikëndën ucär, din bu ka tsu yul tsi itëtan.

BAYEBËREU 1:1

Tsi uwal ujon, tsi ngëyaas ngëcumal ni tsi ngëkoraar ngëcumal, Nasien-batsi añakan ni basin nja aparanaan tsi bayëlia.

BAYEBËREU 11:7

Uwak tsu wun Noe, uwal wi Nasien-batsi car wi aleentsul uleka nga netse ngi winaa, a na lënk Nasien-batsi, a na leemp bëntsian pa pëbueran bañaan katoul. Uwakul wi na lacanaan wun bañaan umundu, a na ruka ci narukanda bëmabal, bul bi ñaan kë kaana bi tsi uwak.

BAYEBËREU 12:19

Nin nda wokats uleentsar uluur, ni tsi uleentsar irim njaka yi; a ban te biki uleentsar yul kë rugar përim pëlon tsë jakaa bukul kak.

BAYEBËREU 3:12

Nda katan ibats, ind batsaar ni nji, pa nin nalon tsi ind tsë tsij koon këtsij uwaas ujuatsal, wi karika-wak, u tsuul pëpën tsi Nasien-batsi nayësal.

BAYEBËREU 3:17

A bo woom biki Nasien-batsi riabatsar bukun aa ngëwaanu ngëntaaja ngëbaakër? Cits iink ban juban biki a muum bukul yër di ulaalats-a?

BAYEBËREU 8:5

Bë ci tsi pëleempar unaamanaani, wul un ciind wi ulimënts ngëko batsi. Ko umënts wi ka wun Moises car aleentsa, bi na ruka bunk ayecis pëleemp unkundan; par Nasien-batsi ajaul: “Teenan-e! Leempan bëlieng, naaman ni bënaam wi m pibana wunk di untunda.”

1 PER 1:22

Bi nda jëntsan bink ngëwaas ind, tsi undo bi nda mob bi tsi ucär, pa ind pëka bëŋal ban kaats bi kanguungu tsi nda tsaar tsi, nda tambandari pëŋalëlar ni ngëwaas ngan jënts ngi.

UPIBAN 19:10

A n yër tsi iyots wul pa pëjintëla wul, maa a u jain: “Teenan-e, cats ro! Man ci acintsu naleemp, a n ciind acints ban tsaar biki ni wi, ba mob biki tsi ngi Yeesu. Jintëlaan Nasien-batsi; par pëmob tsi ngi Yeesu, ci wun uwejats pëleents u meaatsa wi.”

UPIBAN 22:9

Maa a u jain: “Teenan-e, cats ro! Man ci acintsu naleemp, ni acints ban tsaar biki ni wi, un ci wi-bayëlia, ni acints bamob tsi irim ulibëru umënts wi. Nasien-batsi ni m ka un pëjintëla.”