BAYEBËREU 12:2 - KARÚK-PËRIM KAWALU Nouveau Testament

² Nda ju ngë jutsan këkës tsi najuund uwak a na ciind natsu wul u ba pëci uwar, nul Yeesu. Abër ulílan un tsuaul wi tsi bërun, a na miira a cäts tsi kruus, tsuuts mkaw ko; a na tsoar tsi kariir pëtsoari Nasien-batsi pi pësien.

BAYEBËREU 12:2 ပူးပေါင်းရင်းမြစ်များ

MATEU 16:21

Tsi uwal umënts wun, a Yeesu kur pëpiban bafetsul na ka pëtsëp Jerusalem, di nii unoor ri mak tsi bawiak Bajudeu, ni bawiak-bajakan, ni bapican-ulua, në fiŋaa, në natsee di pëcäts tsi unu uwaajantsan.

MATEU 20:28

unk di Abuk ñaan-najin bi run; cits pa pëkëmandaa, maa pëkëmand, në wël ubiiraul pa pëlukar bañaan bacumal.”

MARKU 14:36

Aja: “Aba, Paapa! M yëlan përo ngëko bëlieng; lawanin karaani kan ci kink ki unoor; tsë ci ko wi n ŋal wi, maa wi m ŋal wi.”

MARKU 15:28

A u rolaa bi Bëpicando bi ja: “Abofana tsi baro-ngëko-kawaraatsa.”

MARKU 16:19

Bi Yeesu, Ajug ba bi pëñakanaan bukul, a na tsëpanda batsi, a na tsoar tsi kariir Nasien-batsi.

MARKU 9:12

A Yeesu ja bukul: “Ucär, Eliyas aka pëbi bërun nii kakan ngëko bëlieng. We picana wun tsi uleka Abuk ñaan-najin? Ajaka, ka noor mak në bëraa.

MARKU 9:24

Uyëk umënts wun asin napäts lie aja: “Man Uwak! Tsënkin tsi kakaats-u Uwak nji!”

LÚKAS 17:5

A bapostolu ja Ajug: “Watsës wund uwak.”

LÚKAS 23:11

Eroodis ci tsi pëtienkëtsanul, nuu riatul, nul ni basondaariul. Na tiemana kaŋí kakulal kan, a na kakanul Pilaatus.

LÚKAS 24:26

Ane Këristu roots ka pënoor a uu ba në niaj tsi përëmbul-a?”

KAKÚRAN-KAWAR YEESU KRISTU BI JOŊ LEENŢ BI KUL AJA 1:29

Tsi unu ucints, a Joŋ win Yeesu kë bi tsi nul, a na ja: “Ni ci-un unkaanel-uties Nasien-batsi, wi kan pënan wi ujuban umundu.

KAKÚRAN-KAWAR YEESU KRISTU BI JOŊ LEENŢ BI KUL AJA 12:24

Mán leents ind ucär: Uci pëbuk pëmaaj yër tsi utsia, a pa cätsats, pëci koor pul; maa uci pa cäts, pë tsij mbuk mak.

KAKÚRAN-KAWAR YEESU KRISTU BI JOŊ LEENŢ BI KUL AJA 12:32

A nji, uwal wi n dianga wi tsi utsia, ka toti bañaan bëlieng ba bi tsi nji.”

KAKÚRAN-KAWAR YEESU KRISTU BI JOŊ LEENŢ BI KUL AJA 13:3

Yeesu me Asinul wëlul ngëko bëlieng tsi iñanul, na me buts na pënë-ni tsi Nasien-batsi, a nu tsëp di Nasien-batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 6:40

Maa tsi ucär, bëŋal Asin nji ci bun bi: Ñaan na wini Abuk, a na wak tsi nul, në ka ubiira un dits wi ka ba. Nji, mee n natsaniul di pëcäts tsi unu utuami.”

KAKÚRAN-KAWAR YEESU KRISTU BI JOŊ LEENŢ BI KUL AJA 8:56

Abraam, nul asin ind, ajuc ni ulílan pa pëwin unu nji, a na win wul, na lílan.”

NGËRO 2:36

Bañaan kato Israel bëlieng aka pëme, Yeesu ni nda rieŋ ink di kruus, Nasien-batsi atsuul na ci Ajug, na ciind Këristu.”

NGËRO 3:15

A nda fiŋ Kantsijëna ubiira nul ni Nasien-batsi natsanii di bacäts, a wund ci bamaatir.

NGËRO 5:31

Maa, a Nasien-batsi riangul tsi kariirul, pa na ci Nasien ni Nabuëran, pa pëwël Israel kayaar-ibats, ni pëjampësaa ngëjuban.

NGËRO 5:41

A bapostolu pën di kato kawat-pëleents kawiak, a ba lílan, undo bi ba winaa bi ba tsënkan pëjaa bë kawarëna tsi undo Katím ki.

1 KORINTU 1:18

Tsi ucär, përim kruus aci bëfuur pa biki ka niam biki, maa pa n ja ban buer biki, aci pëyëlan Nasien-batsi.

1 KORINTU 1:23

Maa wund ka leents uleka Këristu nan dieŋa unk di kruus, a u ci ko wi kan tsu wi Bajudeu ba yër, a u ci bëfuur pa ban cits biki Bajudeu.

EFEESU 2:16

A di kruus na tsu batëb ban ci bukunk uliaf uloole, a ba teelar ni Nasien-batsi; bi na fiŋ bi mañaasëlër dul.

EFEESU 5:2

nda yandaari tsi bëŋal, bi Këristu ŋal nja bi a na wël ubiiraul bërierul pa n ja, pi bëtseend ni bëjakan ba líl bi pëñal pa Nasien-batsi.

FILIIPUS 1:6

Man wak koon ko wi: Nan kur unk përo ko uwar tsi ind, ka mob tsi përo wul na ba, te tsi unu Këristu Yeesu.

FILIIPUS 3:20

Maa use nja aci di batsi. A ngë ruka ci tsi pëlip Nabueran, un ci wi Yeesu Këristu, Ajug, na pëni rul

2 TIMOTEU 4:8

Inkri, ucape-pësien wi bëmabal ayecisa pa nji, un ci wi, uluumpan undo ubiira ujëntsal: Ajug, nul nan ci nawat-pëleents namabal, ka wëlin wul tsi Unu umënts wan. A te cits nji rin ka wëla un, maa ba ŋal biki a bu kë lip ubaandariul, bukul bëlieng bu ka wëla wul.

BAYEBËREU 1:13

A uwom tsi ngëwaanju, wi Nasien-batsi ja wun ba: “Tsoaran tsi kariir nji, aa ka tsu babëru ba ci tsëpafëni iyotsu.”

BAYEBËREU 1:3

Abuk ci-un ufietsar përëmb Nasien-batsi, ni bënaam Nasien-batsi bi ba ci bi ja. A nul tsijëna un ngëko bëlieng tsi përim uyëlanul. Uwal wi na ba wi mjëntsandar tsi uleka ngëjuban nja a na tsoar tsi kariir Kanpe-përëmbana, di ruets.

BAYEBËREU 10:14

Par, ni bëjakan bëloole baŋ, atsu ba yëmana biki a ba ci ban ba biki pëci bawar, pa ngëwal bëlieng.

BAYEBËREU 10:33

aja bëlon bëyaas, tsi bërun bañaan nduu karaa, nduu noor-noorana; a aja bëlon bëyaas, ndë ruka bofandar ni ban ci biki tsi përola unk.

BAYEBËREU 11:36

A balon kak, bu par-na puu jiaa, ni puu kobaa ilumbaj. A balon buts par-na pëtanaa mkorente bu ka gutsa di ukalabus.

BAYEBËREU 12:3

Nda wejatsi-e namënts un na miiree tsi pënatsara pi bajuban natsaraul pank; unk pa unoor pii rits pe ind, ngëwaas ind pii rits ba.

BAYEBËREU 13:13

Bi u ci bank, nda ju ngë pën ngë tsëp di nul di utsand ngëcën, nja ka bofa tsi mkawëranaul.

BAYEBËREU 5:9

A uwal wi na tsua wi nan bai pëci nawar, a na ruka ci nan kaanee pëbuer pan dits pi ka ba, pa bañaan bëlieng biki kando biki ko wi na ja wi,

BAYEBËREU 7:19

— par ulua-Moises kaats ko wi u tsu wi, a ko umënts ba pëci uwar — maa uwats un pe wi pëwara, aniajanee, wi ngë yanaan wi pëwok Nasien-batsi.

BAYEBËREU 8:1

Inkri, un pe wi tsi nganjaka ngi, ci wun wi, bi ngë ka bink nan pei pëci nawiak-bajakan na naam ink, nan tsoari di batsi tsi kariir pëtsoari Kanpe-përëmbana, pi pësien;

BAYEBËREU 9:28

unk buts Këristu ajakan ubiiraul uyaas uloole baŋ, pëpënan ngëjuban bacumal. Nul, ka pibandari uyaas ucints tsi ban ci biki tsi pëlipul undo pëbuer, te di ka ci-undo ujuban.

JAKOB 2:1

Batsaar ni nji! Ind tsë jej uwak ind tsi Ajug nja Yeesu Këristu, nul nan dëmbanee, ndë bofëlan wul ni pëkicës bañaan.

1 PER 1:11

bu tsas pëme uwar uwal umënts, ni ngëko ngi kan piban ngi ko wan kë ci, bi Uwejats Këristu un ci wi di bukul, leents bi ki këlum ngënoor ngi Këristu kë par-na ngi, ni përëmb pan ka pi pii fets ngul.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.

1 PER 3:22

Nul apaiya batsi ee ci di kariir Nasien-batsi, a ngëwaanju, ni msien, ni myëlan tienkëtsar tsi bërunul.

JÚDAS 1:21

Nda tambandari pëci tsi bëŋal Nasien-batsi, ndë ci tsi pëlip kayëk-ipës Yeesu Këristu, Ajug nja pa ubiira un dits wi ka ba.

UPIBAN 1:11

aja: “Ko wi kë win wi, picani wul di ulon ulibëru, kë wëtan wul pa iriisia paaj yun ni ngëlon: Pa Efeesu, pa Sëmirna, pa Peergamu, pa Tiatiira, pa Sardis, pa Filadeelëfia, ni pa Laodiseeya.”

UPIBAN 1:17

Uwal wi n winul wi, a yër tsi iyotsul pi man cats. Maa a na paf kañanul kariir tsi nji, a na ja: “Cats lal; nji n ci-un Nacak ni Natuami,

UPIBAN 1:8

Ajug, un ci wi Nasien-batsi, aja: “Nji n ci-un Alfa ni Omeega, nan ci, a na ro ci, a nuu bi, Kayëlan-bëlieng.”

UPIBAN 2:8

Picari uwaanju Ngëriisia ngan ci ngunk di Sëmirna, ja: “Kanci Nacak ni Natuami, nul nandoi cats, maa a na kak aci nayësal, pi ci pun pi na ja pi: