BAYEBËREU 12:15 - KARÚK-PËRIM KAWALU Nouveau Testament

¹⁵ Nda katan ibats, pa ñaan tsë pënandar tsi bëtseend Nasien-batsi, ni pa kabuul kapíiral tsë jabi, kul tsë tsiji mangusëlër a bacumal ka butana mul.

BAYEBËREU 12:15 ပူးပေါင်းရင်းမြစ်များ

LÚKAS 22:32

Maa nji, man ñaandaru, pa uwaku tsë niaman. A wi, uwal wi m kaki wi, kë liinc-liincan ban tsaar biki ni wi.”

1 KORINTU 10:12

Unk, na wini na nats aliinc, na rukan ibats pa na rits yër.

1 KORINTU 13:8

Bëŋal di ka ba yaas. Maa uci kaleents nga meaatsa ngi ci, kee ka ba. Uci mleents ci, kee nga paaraar. A uci ume ci, kee u ba,

1 KORINTU 15:33

Ind tsë fal iyeen ind: Mandunandar ma waraatsa mi, ka cok bëci ñaan bëwar.

1 KORINTU 5:6

Upíc ind waraatsa. Nda meets bëko-bëlëtsatsaani bëties kë lëntsëntsan ifar bëlieng-a?

2 KORINTU 13:5

Nda teenamani iyeen ind bërier ind, pa ind pëme ne nda wama ci ank tsi uwak. Nda wejatsari bërier ind. Nda yëkëranats bërier ind Yeesu Këristu ci ri ind-a? Ucits ank, nda ci ba yër biki tsi pëteenamana.

2 KORINTU 6:1

A wund biki ka leemp biki ni Nasien-batsi, wund abuara ind, ind tsë tienkëtsan bëtseend bi nda yank bi di Nasien-batsi.

GALAASIA 2:13

A Bajudeu banduka bukunk niaj buts tsi kanguungu Per; a utsu te Barnabas bërierul, wëtandar aniaj tsi kanguungu bukul.

GALAASIA 5:4

Ind ba nja biki nda roon ndu tsas pëpiban nda ci bamabal tsi ngëko ulua, a nda patsësa Këristu; nda pënana di bëtseend Nasien-batsi.

EFEESU 5:3

Unk, mampiintsandar ni karo-ngëtsopal kan ci ki-ba këci ni karisan-ko tsë lesaa koon këlesaa tsi pëncuaf ind; bi u ka bi pëci tsi bayëman.

KOLOS 3:5

Bi u ci bank, ngiic ind ngi umundu, nda tsuun ngul nga cäts, un ci wi: katúk-ufuts, bëtsopal, karí-ko kan pelëk ki, uŋal u waraatsa wi, nikariisan-ko, kul kan ci ki kajintëla-icap.

TIITU 1:15

Pa bajëntsal, ngëko bëlieng ajënts. Maa pa batsopal, bawakats, kaats ko un jënts wi, par uwejats bukul ni ume-kabats bukul atsop;

BAYEBËREU 3:12

Nda katan ibats, ind batsaar ni nji, pa nin nalon tsi ind tsë tsij koon këtsij uwaas ujuatsal, wi karika-wak, u tsuul pëpën tsi Nasien-batsi nayësal.

BAYEBËREU 4:1

Bi u ci bank, bi pëwatsana pëniaj tsi pënaakësaul wama bink aci, nda ju ngë lënkar nalon tsi ind pii wejats na ja afaatsani.

BAYEBËREU 4:11

Bi u ci bank, nda ju ngë tambandër pa pëniaj tsi pënaakësa pëmënts pun, pa ñaan tsë yër, nul tsë fets bukul tsi karika-ro ko un jaka wi.

BAYEBËREU 6:11

Wund aŋal u roon, kara ñaan tsi ind, nuu piban kabaar-ibats kamënts kun te tsi utuami, pa pëtsu uwats ind u baar pëci ko un ci wi.

2 PER 1:10

Wul ka wun, batsaar ni nji, nda tambandari kara bëyaas tsi puu piban nda ci ban duee biki, a nda rataa; uci nda ro ank, nda katse ka yër yaas.

2 PER 2:18

Bu ka ñakan irim upíc in kaats yi bëkat; tsi uŋal uliaf bukul, ni tsi mtsopi, bu kë raac bandu ka bueri di iñan ban ci biki tsi kaguus-ko.

2 PER 3:11

Bi ngëko ngi ka bink pëgaraa bëlieng, uwom ukoraar bañaan wi nda ka un pëci? Nda ka puu yandaar tsi bëjëntsal, ni tsi pëlënk Nasien-batsi,

2 PER 3:14

Wul ka wun, bamiñ ba ŋala biki, bi nda ci bink tsi pëlip ngëko ngëmënts ngi, nda tambandari pa nul pëwin nda ci tsi pëfac, nda rits ka basal, ndë ci ban dits biki ka leentsara.

2 JOŊ 1:8

Ind bërier ind, nda rukan ibats pa ind përits niaman ko wi wund ro wi tsi ind, maa pa ind pëyank bëluk ban kës bi.