BAYEBËREU 11:7 - KARÚK-PËRIM KAWALU Nouveau Testament

⁷ Uwak tsu wun Noe, uwal wi Nasien-batsi car wi aleentsul uleka nga netse ngi winaa, a na lënk Nasien-batsi, a na leemp bëntsian pa pëbueran bañaan katoul. Uwakul wi na lacanaan wun bañaan umundu, a na ruka ci narukanda bëmabal, bul bi ñaan kë kaana bi tsi uwak.

BAYEBËREU 11:7 ပူးပေါင်းရင်းမြစ်များ

MATEU 2:12

A bi bee car aleentsa tsi utsaafi ne bukul tsë witsa di Eroodis, a ba yaana bëlon bëga awitsa ucaak bukul.

MATEU 24:15

Wul ka wun, uwin ind ujuatsar wi Daniel, nayëlia, ñakan wi di tsëko-tsëyëman, (najuk na mean ko wi u pac wi).

MATEU 24:25

Nji n car ank a leents ind.

MATEU 24:38

Par tsi ngënu gi mlik-mfuer netse wi baandi, bañaan kë riala, a bu kë raan, a bu kë nim, a bu kë niman, aa unu wi Noe niaj wi bëntsian.

MATEU 3:7

Bi Joŋ win bi Bafariseu ni Basaduseu bacumal kë bi di nul pa pëmijana, a na ja bukul: “Ko wi nda ci wi ngëko-pëtsats! Yë n ja ind un nda túk uriab wi kan bi wi?

LÚKAS 17:26

Bi u ci bunk tsi ngënu Noe, unk di uu ci run tsi ngënu Abuk ñaan-najin:

ROOMA 1:17

Par tsi wul tsi bëmabal Nasien-batsi pibanaana tsun, pëpën-ni tsi uwak pa uwak, bi u picana bi aja: “Namabal, ka kaana ubiira tsi uwak.”

ROOMA 10:6

Maa uleka bëmabal ban pënë-ni bi tsi uwak, iink ri na ja run: “Cats yepar di uwaasu ja: ‘Yën ka paya un batsi?’ Umënts wun aci pëwelani Këristu;

ROOMA 3:22

Nasien-batsi ka tsuuna bañaan pëci bamabal tsi uwak tsi Yeesu Këristu. Aro unk bañaan ba uwak biki bëlieng. Ngëkicës cits tsul,

ROOMA 4:11

a u ba, kajín kawela-kambac du wëlaul pi umarëka bëmabal, wi na kaana wi tsi uwak uwal wi na netse wi wela kambac. A unk di na ci run asin bañaan ba uwak biki bëlieng, ŋal bi ba welaatsa bi kambac, pa bukul buts pëtsua bamabal.

ROOMA 4:13

Cits tsi ngëtsua, tsi Abraam oo kajërul wëlënaa tsun uwatsan pëci barukanda umundu, maa aci tsi bëmabal tsi uwak.

ROOMA 9:30

We wnja kë ja wun-i? Ban cits biki Bajudeu, bukul ban tsasats biki bëmabal, bu tsënkan bëmabal, bëmabal ban pënë-ni bi tsi uwak;

GALAASIA 5:5

Par wund, tsi Uwejats Nasien-batsi, undo uwak, wund aci tsi pëlip uwats bëmabal.

FILIIPUS 3:9

ka winaa tsi nul, te u rits ciina tsi bëmabal nji bërierin ban pënëni bi tsi ulua-Moises, maa ban pënëni bi tsi uwak tsi Këristu. Aci bëmabal ban pënëni bi tsi Nasien-batsi a ba sëtsaraan tsi uwak.

BAYEBËREU 11:1

Uwak, aci umobanaani nga fiaara ngi, upibanaani ngëcar ngan dits ngi ka wina iink.

BAYEBËREU 12:25

Nda katan ibats, ind përits pok pëte nan ci tsi pëñakan. Par uci bi ba buerats bunk, uwal wi ba pok wunk pëte nan cari leents bukul tsi umundu, andes n ja, ngë ri ka buer buts uci ngë letësa nan car ink koo leentsi nja di batsi.

BAYEBËREU 5:7

Nul Yeesu, uwal wi na wam wunk tsi umundu wi, a uja ni mliandar, ni mŋand, nuu ñaan, nuu rugar na yëlan unk pëbueranul tsi pëcäts. A na niiranaa, undo alënk Nasien-batsi.

BAYEBËREU 8:5

Bë ci tsi pëleempar unaamanaani, wul un ciind wi ulimënts ngëko batsi. Ko umënts wi ka wun Moises car aleentsa, bi na ruka bunk ayecis pëleemp unkundan; par Nasien-batsi ajaul: “Teenan-e! Leempan bëlieng, naaman ni bënaam wi m pibana wunk di untunda.”

1 PER 3:20

ngul ngan mobats ngi tsi përim uwal wi Nasien-batsi ci wi tsi umiira tsi pëlip ngënu Noe, bi nu yecis bi bëntsian. A bañaan ban cumats biki, un ci wi-bañaan këwas, ci bukun ban bueranaana biki mlik.

2 PER 1:1

Simon Per naleemp, a na ciind Napostolu Yeesu Këristu, pa ban tsënkan bukunk uwak un ka wi bëkat pi wiic nja tsi bëmabal Nasien-batsi nja, ni Yeesu Këristu Nabueran.

2 PER 2:5

A jampësaats umundu ujon, maa a na waay Noe, nul naleents uleka bëmabal, ni bañaan paaj ni nalon; a na wëtani mlik-mfuer tsi umundu bameets-nasien-batsi.

2 PER 3:6

A umundu ujon umënts wun bi fuera mlik, a u baan.