BAYEBËREU 11:4 - KARÚK-PËRIM KAWALU Nouveau Testament

⁴ Uwak, wi Abel wëlëna wun Nasien-batsi bëjakan ban pe bi bi Kain. Undo wul a na jaka aci namabal, uwal wi Nasien-batsi ñakan wunk uwar tsi uleka ngi nul Abel wël ngi. A uwak ka wun na wama ka ñakan, ŋal bi na cäts bi.

BAYEBËREU 11:4 ပူးပေါင်းရင်းမြစ်များ

MATEU 23:35

Unk, pëñaak bandoots biki ko ka kakar ind, pul pan tula pi tsi utsia, pëkur-ni tsi pëñaak Abel, namabal, te tsi pëñaak Sakaria, abuk Barakia, ni nda fiŋi pëpën tsi tsëko-tsëyëman pëya tsi bëgij.

LÚKAS 11:51

Akur-ni tsi pëñaak Abel, te tsi pëñaak Sakaria, nan fiŋee pëpën tsi bëgij, pëya Kato Nasien-batsi. Eey-e, ma n ja ind, bañaan ntsari ka yeparaa.

TIITU 1:16

bë ja ba roon bu kë ja bë me Nasien-batsi ank; maa tsi ngi bu kë ro ngi, bë niiraantsul. Bë ci bañutsanuel, barika-ro ko un jaka wi, bayëlaants përo nin ko u wara wi.

BAYEBËREU 11:2

Undo wul, ka wun uwar leentsaa tsi uleka bajon.

BAYEBËREU 12:1

Unk n ja buts, bi bamaatir fay nja bink pi kasa kawiak, nda ju ngë wëtan ko un ci wi-ba këci wi ka wocan wi ñaan, nja ka wëtanaand ujuban, wul un car wi pëfaiyar tsi ñaan. A ni umiira, nda ju ngë ci tsi pëtuk pan tsua nja pi tsi bërun.

BAYEBËREU 12:24

tsi Yeesu, nul Natsu-manteelar nan tsij-ni karo-pëloole kawalu, ni tsi pëñaak pan gura pi, pul pan pe pi pëñaak Abel pëñakan uwar.

BAYEBËREU 5:1

Par, nan pei pëci nawiak-bajakan, aja na roon në rataa tsi bañaan-bajin, në tsua pëciir bukul tsi ngi Nasien-batsi, pa nuu wël ngëko bëtseend, nuu roand ijakan, pa ngëjuban.

BAYEBËREU 9:22

Bi ulua-Moises tsu bi, anats pi, ko un ci wi-ba këci, pëñaak ka jëntsanaan pun wul; a uci pëñaak tulaatsa, mjampësa cits.

2 PER 2:8

Par niints namabal namëntsi, atsoar tsi pëncuaf bukul, a na ja kara unu nuu win, nuu te ngi bu kë ro ngi nga mabats ngi, u reanul uwaasul umabal.

JÚDAS 1:11

Cay bukul! Par bu fets bëga Kain. Tsi undo bëluk, a ba yër tsi pëniam Balaam; ba niam tsi katamb-ulats Koore!