BAYEBËREU 11:27 - KARÚK-PËRIM KAWALU Nouveau Testament

²⁷ Uwak tsu wun, a na pën tsi Ejipët, te lalats uriab nasien; par aliincandar, pi aci tsi pëwin nan dits unk ka wina.

BAYEBËREU 11:27 ပူးပေါင်းရင်းမြစ်များ

MATEU 10:22

Bañaan bëlieng ka bër ind undo katim nji; maa nan tambandari te tsi utuami, në buer.

MATEU 24:13

Maa nan tambandari te tsi utuami, në buerana.

MARKU 13:13

Bañaan bëlieng, bu ka bër ind undo katim nji; maa nan tambandari te tsi utuami, në buerana.

MARKU 4:17

Maa bukul bërier bukul bu liincӓts, bë ci ban dits biki ka jon; ubaandi unoor, oo pënoor-noorana tsi undo përim, din bu ka wëtan uwak.

NGËRO 2:25

Par Dawid aja tsi ulekaul: ‘Ma n ja n doon koo n win Ajug sandëndën, tsi bërun nji, par aci tsi kariir nji, pa nji përits siints-siintsana.

1 KORINTU 13:7

Bul ka miira ko un ci wi-ba këci, bu fiaar ko un ci wi-ba këci, bu wats ko un ci wi-ba këci, bu yëlan ko un ci wi-ba këci.

2 KORINTU 4:18

Nja ngë tsuuts ibatsi njatsi ngëko ngi ka wina ngi, maa tsi ngan dits ngi ka wina; par ngëko ngi ka wina ngi, aci ngan dits ngi ka jon; a ngan dits ngi ka wina, ci ngan dits ngi ka ba.

KOLOS 1:15

Nul ci-un bënaam Nasien-batsi nan ditsi ka wina; ci-un bajan tsi ko u leempa wi ba këleempa.

1 TIMOTEU 1:17

Unk nul Nasien tsi ngëwal bëlieng, nan ditsi ka cäts, nan ditsi ka winaa, nul Nasien-batsi koorul, na wëlaan urispiitu ni përëmb pa sandëndën! Ameen!

1 TIMOTEU 6:16

Nul baŋ ci-un nan kaani karika-cats; aciina di ufac un tsënkanaatsa wi pëwokan; ñaan winats wul, a te ñaan yëlanats pëwin wul. Urispiitu, ni pëyëlan pan dits pi ka ba, aci pa nul. Ameen!

BAYEBËREU 10:32

Nda lesan-e ngënu ngëcäk ngun, uwal wi nda ru ba unk pëyank ufac, din a nda kaman ukam uwiak, un tsijand wi unoor:

BAYEBËREU 11:1

Uwak, aci umobanaani nga fiaara ngi, upibanaani ngëcar ngan dits ngi ka wina iink.

BAYEBËREU 11:13

Bamënts biki bëlieng bë cätsand uwak, te bë yankats nga watsana ngi; bu win këwin ngul alawan, a ba leena ngul. A ba leents koon ba ci batsooŋ, ni bapar-këpar, tsi umundu.

BAYEBËREU 6:15

Unk a nul Abraam kë lip a nuu miira, a nee yank u watsana wi.

JAKOB 5:11

Nda me koon, n ja koo ja, bu naak, ban tambandar biki. Nda te uleka umiira wi Job miira wi, a nda win ko wi Ajug tsuul wi pëtuamanaan; par Ajug acum ni mjampësa, ni kayëk-ipës.

1 PER 1:8

Nul ni nda winatsi, maa nda ŋalul; ni nda winatsi inkri, maa nda wak tsi nul. Nda jucan ni ulílan u yëlaatsa wi bëleents, ni përëmb,