BAYEBËREU 10:22 - KARÚK-PËRIM KAWALU Nouveau Testament

²² nda ju ngë wok Nasien-batsi ni uwaas un ci wi ucär, ni tsi kacum uwak, a ngëwaas jëntsana ume-kabats un tsij wi ko u waraatsa wi, a ngëliaf ñawaa ni mlik mjëntsal.

BAYEBËREU 10:22 ပူးပေါင်းရင်းမြစ်များ

MATEU 3:11

Nji, man ci tsi pëmijan ind di mlik, pa pëpibanaan nda yaar ibats. Maa ni kan bii tsi ufets nji, apein pëyëlan-ko. Nul kee mijan ind un di Uwejats-ujënts ni bërua. Nji n tsënkaants pëjaa mán tsijarul iraala.

LÚKAS 1:1

Teofilu, niints nawiak! Bañaan bacumal, ro ko wi ba yëlan wi përo, ba pican ko undola wi tsi pëncuaf wund.

KAKÚRAN-KAWAR YEESU KRISTU BI JOŊ LEENŢ BI KUL AJA 3:5

A Yeesu yankul aja: “Mán leentsu ucär, ñaan nan bëkaatsee di mlik ni Uwejats, yëlanats pëniaj Pësien Nasien-batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 8:9

Bi ba te bi ko wan, a bu kë pënëna naloole-naloole, pëkurëna tsi ban pe biki pëtsaf; a Yeesu ruka koorul, ni ŋaats, tsi pëncuaf.

NGËRO 22:16

Inkri, we wi kë lip wëën? Natsaan mijanaan, kë ñawaa ngëjubanu tsi pu uruu katim Ajug.’

NGËRO 8:21

M bofaatsa, te m kaats ko tsi uleemp wi, par uwaasu cits umabal tsi bërun Nasien-batsi.

1 KORINTU 6:11

Balon tsi ind unk ri ba ro run ci. Maa ind nda ñawaa a nda ci ba yëmana biki, a nda ci ban tsua biki bamabal tsi katim Yeesu Këristu Ajug, ni tsi Uwejats Nasien-batsi nja.

2 KORINTU 7:1

Bamiñ ba ŋal biki, bi ngë ka bink ngëwatsan ngan liing ngink, ngë jëntsandar bërier nja tsi bëtsopal uyamats, ni bi uwejats; ngë tuamës mjëntsandar tsi pëlënk Nasien-batsi.

EFEESU 3:12

A tsi uwak, ngë kaana tsi Yeesu bëyeentsal ni uwats pëband di Nasien-batsi.

EFEESU 5:26

pa pëyëman ngul, uwal wi na jëntsanaan wi ngul mlik, ni përim,

EFEESU 6:5

Ind baluek, nda roan ko wi bajug ind tsi uyamats kë ja ind wi. Nda roan wul tsi bulal ni pëlënk, ni kajuab-ngëwaas ind; pi aci pa Këristu ni nduu leempar un.

1 TIMOTEU 4:2

kanguungu batsup ka niaman bawëtan uwak; batsup bamënts, ume-kabats bukul atël, pi pëfeeru pa n jankana pi di bërua tër pun wul.

TIITU 3:5

a na bueran inja; cits undo ngi ngë ro ngi bërier nja tsi bëmabal, maa aci-undo kayëk-ipësul. Abueranaani nja tsi pëñawa pan ci pi pi kabëka-kawalu, a pa ciind pi pëwitsa nawalu pi Uwejats-ujënts kë wíts pi ñaan.

BAYEBËREU 10:1

Par, Ulua-Moises aci këci ulimënts ngëwar ngi kan bi ngi – cits koon këci bënaam ngan ci ngi. Wul ka wun, yaas u yëlan pëtsu babi pëbëndan bu ka ba pëci bawar, bi bu kë par-na bunk ijakan iloole imënts yun, yul in kandolaa yi kara uwaanu, te di ka ba puu kakalësa.

BAYEBËREU 10:19

Bi u ci bank, ind batsaar ni nji, pëñaak Yeesu ka pun ngë ka bëyeentsal pa pëniaj Tsëko tsan pe tsi pëci tsëyëman.

BAYEBËREU 11:28

Uwak tsu wun, a na ro Ufesta-pëbuer, ni kagur pëñaak tsi ilëman ito, pa uwaanju Ucok tsë kërara kara bajan bañaan Israel.

BAYEBËREU 12:24

tsi Yeesu, nul Natsu-manteelar nan tsij-ni karo-pëloole kawalu, ni tsi pëñaak pan gura pi, pul pan pe pi pëñaak Abel pëñakan uwar.

BAYEBËREU 4:16

Bi u ci bank, nda ju ngë wok pëtsoari-pësien, pi bëtseend, ni bëyeentsal, n ja pëyëkaraa ipës ni pëka bëtseend, nja ka tsënkaa tsi uwal u wara wi.

BAYEBËREU 6:11

Wund aŋal u roon, kara ñaan tsi ind, nuu piban kabaar-ibats kamënts kun te tsi utuami, pa pëtsu uwats ind u baar pëci ko un ci wi.

BAYEBËREU 7:19

— par ulua-Moises kaats ko wi u tsu wi, a ko umënts ba pëci uwar — maa uwats un pe wi pëwara, aniajanee, wi ngë yanaan wi pëwok Nasien-batsi.

BAYEBËREU 9:10

Ngëmënts ngun aci këci ngëtsua bañaan-bajin tsi uleka bariala, ni mdaan, ni ngëndimaan ngëcumal ngi mñawësar; unk te tsi uwal pëwitsës ngëko ngë ci ngëwalu.

BAYEBËREU 9:19

Moises aleents bañaan bëlieng utsua un ci wi-ba këci, bi ulua ja bi. A na jej pëñaak ngëbay, [ni pi ngëruekas,] a na jejand mlik, ni imuets ijankal, ni ina bëko bi ka n jaka bunk isoopu, a na lícar ulibëru bërier wul, ni bañaan bëlieng.

JAKOB 1:6

Maa na yepan kul ni uwak, nul tsë tsij ngëwejats ngëtëb; par nan tsiji ngëwejats ngëtëb, aci pi umaroŋ bërëk, wi ufuts ja wi u roon uu siints-siintsan, uu riang wul.

JAKOB 4:8

Nda gige wokan Nasien-batsi, din në wokan ind. Nda ñawan iñan ind, ind baro-ngëjuban; nda jëntsani ngëwaas ind, ind ba tsijëna ngëwejats ngëtëb.

1 PER 1:2

Bukul ban data biki tsi kacär-ume Nasien-batsi Asin, tsi bi Uwejats jëntsan bi bukul pa pëmob tsi përim Yeesu Këristu, ni pëlicara pëñaakul. Bëtseend ba watsësaan ind ni pëfac.

1 PER 3:21

A mlik mmënts mi ci mun ulimënts bëmijan ban bueran ind bink inkri, cits pa pëjëntsan mtsopi ngëliaf, maa pëjaankëma Nasien-batsi ni utsaag uwar tsi undo bi Yeesu natsee bi di pëcäts.

UPIBAN 1:5

ni pëpën-ni tsi Yeesu Këristu, nul nan ci na maatiri a na mob tsi përim, nan cakësi pënatsee tsi bacäts, nawiak ban ci biki basien umundu. Nul na ŋalinjai; a ni pëñaakul a na pënani nja tsi ngëjuban nja