BAYEBËREU 10:10 - KARÚK-PËRIM KAWALU Nouveau Testament

¹⁰ Aci tsi uŋal umënts wun tsi ngë yëmanaana tsun, tsi bëjakan uliaf Yeesu Këristu uyaas uloole baŋ.

BAYEBËREU 10:10 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 17:19

Mán patsandar bërierin, undo bukul, pa bu ka ci buts ban patsanaana biki ucär.

KAKÚRAN-KAWAR YEESU KRISTU BI JOŊ LEENŢ BI KUL AJA 19:34

Maa, nalon tsi basondaari luŋanul katiañ ni kañaku, din a pëñaak pëni ni mlik.

KAKÚRAN-KAWAR YEESU KRISTU BI JOŊ LEENŢ BI KUL AJA 6:51

Nji n ci-un pëpom ubiira pa pëni punk batsi; uci ñaan de ko tsi pul, në ka ubiira pa sandëndën; a pëpom pi n du n wël pi pa bañaan umundu pëka ubiira, aci uyamats nji.”

1 KORINTU 1:30

Maa ind nda ci bayiicul tsi Këristu Yeesu, nul nan dukee ciir nja ka meko kan pënë-ni ki tsi Nasien-batsi, ni bëmabal, ni uyëman, ni kaluk-pëbuer.

1 KORINTU 6:11

Balon tsi ind unk ri ba ro run ci. Maa ind nda ñawaa a nda ci ba yëmana biki, a nda ci ban tsua biki bamabal tsi katim Yeesu Këristu Ajug, ni tsi Uwejats Nasien-batsi nja.

EFEESU 5:2

nda yandaari tsi bëŋal, bi Këristu ŋal nja bi a na wël ubiiraul bërierul pa n ja, pi bëtseend ni bëjakan ba líl bi pëñal pa Nasien-batsi.

EFEESU 5:26

pa pëyëman ngul, uwal wi na jëntsanaan wi ngul mlik, ni përim,

BAYEBËREU 10:12

Maa Yeesu, aro bëjakan bëloole baŋ, tsi uleka ngëjuban, pa ngëwal bëlieng, a na tsoar tsi kariir Nasien-batsi.

BAYEBËREU 10:14

Par, ni bëjakan bëloole baŋ, atsu ba yëmana biki a ba ci ban ba biki pëci bawar, pa ngëwal bëlieng.

BAYEBËREU 10:20

Awaants nja bëga bëwalu ban tsijand bi ubiira, apar-na uridu, wul un ci wi uliaful.

BAYEBËREU 10:29

Nda wejatsari-e! Nan poos-poosani Abuk Nasien-batsi, nan tsui pëñaak karo-pëloole pi ko utsopal, te tsi pul tsi na ro tsun yëmana, a nee kar Uwejats, wi bëtseend, uwom unoor un pe pëjuats ka kakanaul wun?

BAYEBËREU 10:5

Wul ka wun, uniaji Këristu tsi umundu, a na ja: “M ŋalats nin bëjakan, nin bëtseend, maa m yecisn uliaf.

BAYEBËREU 13:12

A wul ka wun Yeesu cats di utsand pëlëman përaasa, a ni pëñaakul bërierul në tsu bañaan bu ka ci ba yëman biki.

BAYEBËREU 2:11

Par ni ka yëmani, ni ba yëmana biki, bë pënë-ni bëlieng tsi naloole. Wul ka wun Yeesu kawaraatsa përu bukul na ja, batsaar ni nul,

BAYEBËREU 2:14

A bi upäts bof bunk pëñaak ni uliaf, nul buts, unk di na bof run tsi ngëmënts ngun, pa tsi pëcätsul në cok-cokan kantsijëna pëyëlan pëcäts, un ci wi, Ujabël.

BAYEBËREU 5:7

Nul Yeesu, uwal wi na wam wunk tsi umundu wi, a uja ni mliandar, ni mŋand, nuu ñaan, nuu rugar na yëlan unk pëbueranul tsi pëcäts. A na niiranaa, undo alënk Nasien-batsi.

BAYEBËREU 7:27

Cits pi ban pe bukunk pëci bawiak-bajakan, banduka bukunk; nul fierats përoor ngëjubanul bërun ijakan, kara unu, a uu ba në roor bañaan. Umënts wun, aro wul uyaas uloole baŋ, uwal wi na jakan wunk beenul bërierul.

BAYEBËREU 9:12

Nul, niajënats pëñaak ngëruekas, ni pi ngëbay, maa pëñaakul bërierul pi na niajëna pun uyaas uloole baŋ di Tsëko tsan pe tsunk pëci tsëyëman, a na tsiji nja pëfacana pa sandëndën.

BAYEBËREU 9:14

andes pëñaak Këristu, tsi Uwejats un dits wi ka ba, nul bërierul na wëli Nasien-batsi ubiiraul, a u ci bëjakan ban kaats bi ujink. Pul ka jëntsan pun ume-kabats nja pa pëpënan tsi wul ngëko ngan dolaa ngi, ngi kan tsëpand ngi ñaan pëcäts. Unk, nja ka yëlan puu leempar Nasien-batsi nayësal.

BAYEBËREU 9:26

Par, u ro ci ank, Këristu ka ro ka na roon në noor aa ngëyaas ngëcumal, ki umundu leempa ki. Maa inkri, tsi uba ngëwal, apibandari uyaas uloole baŋ, unk ni bëjakan ubiiraul në pënan ujuban.

BAYEBËREU 9:28

unk buts Këristu ajakan ubiiraul uyaas uloole baŋ, pëpënan ngëjuban bacumal. Nul, ka pibandari uyaas ucints tsi ban ci biki tsi pëlipul undo pëbuer, te di ka ci-undo ujuban.

1 PER 2:24

Nul na yuuntsi ngëjuban nja tsi uliaful bërierul di ruets pëmul, pa n ja pëcäts pa ngëjuban, nja ka kak koo yafënts tsi bëmabal. A mlupiul mi nda yësanaana mun.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.

1 JOŊ 5:6

Ni ci-un nan biindi unk mlik, ni pëñaak, nul Yeesu Këristu. Nul biindatsi mlik rin, maa mlik ni pëñaak. Uwejats leents wun ko umënts wi, par Uwejats aci ucär.