2 TIMOTEU 4:8 - KARÚK-PËRIM KAWALU Nouveau Testament

⁸ Inkri, ucape-pësien wi bëmabal ayecisa pa nji, un ci wi, uluumpan undo ubiira ujëntsal: Ajug, nul nan ci nawat-pëleents namabal, ka wëlin wul tsi Unu umënts wan. A te cits nji rin ka wëla un, maa ba ŋal biki a bu kë lip ubaandariul, bukul bëlieng bu ka wëla wul.

2 TIMOTEU 4:8 ပူးပေါင်းရင်းမြစ်များ

MATEU 24:36

Nin ñaan meets unu ni uwal umënts, ŋal ngëwaanju batsi, nin Abuk, aci koon Asin koorul.

MATEU 7:22

Tsi unu umënts, bañaan bacumal koo jain: ‘Ajug, Ajug! Wund carats iink aleents përim tsi katimu-a? A wund ruakats iink ngëcaay tsi katimu-a? A wund roots iink ngëko ngëcumal ngi bawitsa tsi katimu-a?’

LÚKAS 10:12

Man ja ind: Tsi unu kawat-pëleents, Sodooma ka pe përaasa pëmënts pëtiesëtsana pëjuatsan.

ROOMA 2:5

Maa bi m liinc bunk been, ni bi uwaasu dits bunk ka witsësa, m ci tsi pëwúkandar beenu uriab, pa unu uriab, wi kawat-pëleents Nasien-batsi kamabal kë pibandari wi,

ROOMA 8:23

A cits ngul rin, maa ŋal nja buts ba yank biki kafa kacak ki Uwejats, unk buts di nja kë ti run tsi nja bërier nja pa pëlip utsua n ja pëci babuk Nasien-batsi, ubuerana ngëliaf nja.

1 KORINTU 2:9

Maa iink picana run: “Ngëko ngi këkës winats ngi, ngi ibats teets ngi, ngan niajats ngi yaas di ngëwaas bañaan-bajin, ngul ngi Nasien-batsi yecis ngun pa ba ŋalul biki.”

1 KORINTU 3:13

uleemp kara ñaan kee winaa; Unu kawat-pëleents kee piban wul, par bërua ka piban bun wul; uleemp kara ñaan, bërua bërier bul kee teenaman bun wul.

1 KORINTU 9:25

Nakaman nan ci ba këci, aja na roon në yëlan uliaful tsi ko un ci wi-ba këci, pa pëyank ungaañu wi kan coka wi; maa n ja, nja ka kamandar un dits wi ka coka.

2 KORINTU 5:2

Wul ka wun, nja kë ti di bametsu unkundan wi, a ngë fier pëwaa tsëcii ni nja di batsi;

FILIIPUS 3:11

pa ndoon, bi u ci bi-ba këci, ka tsënkan pënatsee tsi bacäts.

KOLOS 1:5

Uwak umënts wun, ni bëŋal bëmënts bun apënë-ni tsi uwats un gaanga wi pa ind di batsi. Nda te ba uleka uwats umënts wun tsi përim ucär; pul ci pun Upetsan-uwar

1 TESALONIKA 1:10

A nda ci tsi pëlip Abukul, ni kan pënii di batsi, ni na tsui a na natsee di bacäts, nul Yeesu, ni ka pënani ija tsi uriab Nasien-batsi wi kan bi wi.

1 TESALONIKA 5:4

Maa ind, batsaar ni wund, nda cits tsi karëm, pëjaa unu umënts apúuts ind pi nakiej.

2 TESALONIKA 2:8

Din Kanfetsats-ngëtsua ka pibanee, nul ni Yeesu, Ajug, kë fiŋi ni ufuts mtumul, në ba ni nul ni ufietsar pëbiul.

1 TIMOTEU 6:19

Unk di bu kuu jukëlën dun bëka buwar, bëliincal, pa tsi bërun, pa bukul pii tsënkan ubiira un ci wi ubiira ucär.

2 TIMOTEU 1:10

inkri, tsi upibandari Nabueran nja Këristu Yeesu, a bëtseend bëmënts bi pibanaa. Nul cok un uyëlan pëcäts, a tsi Upetsan-uwar a na cil ani pëyës ni karika-cats.

2 TIMOTEU 1:12

A wul ka wun n ci tsi unoor tsi ngëmënts ngi. Maa nji kawaraatsa ngul, par man me ni n tsuuni uwak, a n fiaar koon na yëlan pëwaay ko wi n gaangana wi, te Unu umënts wan.

2 TIMOTEU 1:18

Ajug na tseendanul pëyëkara ipës tsi bërun Ajug, tsi Unu umënts wan. A te m pe pëme ngi na roorin ngi bëlieng di Efeesu.

2 TIMOTEU 2:5

Unk buts, tsi ukam-kampëtar, nakaman di ka wëla bëluk nagaañaar, uci na kamanats bi u tsua bi tsi ukam-kampëtar.

2 TIMOTEU 4:1

+-Nji n leentsu ank, tsi bërun -+Nasien-batsi ni Këristu Yeesu nul nan kai pëwat bayësal pëleents, në watand bacäts pëleents, nji n leentsu ank tsi undo upibandariul, ni tsi undo pësienul:

TIITU 2:13

nja kë lip uwats unaakal, ni upibandari përëmb Nasien-batsi nja nawiak a na ciind Nabueran, nul Yeesu Këristu.

BAYEBËREU 12:11

Pëcikësa pan ci pi-ba këci, aja pa roon tsi uwal umënts wun di ka naam ko u líl wi, maa un juats wi. Maa tsi bërun, pë bëkar biki pa kus biki, ko un tsiji wi pëfac ni bëmabal.

BAYEBËREU 9:28

unk buts Këristu ajakan ubiiraul uyaas uloole baŋ, pëpënan ngëjuban bacumal. Nul, ka pibandari uyaas ucints tsi ban ci biki tsi pëlipul undo pëbuer, te di ka ci-undo ujuban.

JAKOB 1:12

Anaak, ñaan na miiree tsi pëteenam-na! Par, nan pei pëteenam-na, në yank kape ubiira wi Ajug watsan wi ba ŋalul biki.

1 PER 1:4

ninja pëka bërukanda ban dits bi ka coka, ban kaats bi mtsopi, ban dits bi ka rots, ban gaangara ind bi di batsi.

1 PER 5:4

A uwal wi Nayafan nan pei pëci nawiak kë pibandari wi, ndë wëla ucape-kape, wi përëmb, un dits wi ka coka.

UPIBAN 1:7

Teenan-e! Ka bi unk tsi isa, bañaan bëlieng ka winul, ŋal ba luŋanul biki uliaf; këbuka bañaan bëlieng tsi umundu ka kaanul. Eey-e. Ameen!

UPIBAN 19:11

Din a n win batsi waantsar; a n win umpëlënc ufaacal, a nan dijee wul kë jaka, “Namob tsi përim ni Nacar.” Aja na roon, nuu wat pëleents ni bëmabal, nuu kaman ni bëmabal.

UPIBAN 2:10

Cats lal nin ko tsi ngi kë ciina ngi tsi unoor. Teenan-e! Ujabël ka guts balon tsi ind di ukalabus, pa ndë teenamana. Ndu noor-noorana te ngënu untaaja. Moban tsi uwak, te tsi pëcäts, din kee wëlu ucape-pësien, wi ubiira.

UPIBAN 22:20

Na leentsi ngëmënts ngun, aja: “Eey-e! Nji ka n bi ink tsi ko un car wi.” Ameen! Bili, Yeesu, Ajug!

UPIBAN 4:10

din bajëŋal ngëntaaja ngëtëb bukun ni babaakër ka yër tsi bërun nan tsoar unk tsi pëtsoari-pësien, bu ka jintëla Nanci-nayësal pa sandëndën, din bu ka guts ngëcape bukul ngi pësien, tsi bërun pëtsoari-pësien, bu kë ja:

UPIBAN 4:4

A u ka itsoari-pësien in fay yi pëtsoari-pësien pun, aci ngëntaaja ngëtëb ni këbaakër. A bajëŋal tsoar tsi itsoari-pësien imënts yun, bë ci ngëntaaja ngëtëb ni babaakër, bu tiema iŋi ifaacal, a tsi iyeen bukul a ba tsij ngëcape-pësien ngan leempëna ngi uwëru.