2 TIMOTEU 4:5 - KARÚK-PËRIM KAWALU Nouveau Testament

⁵ Maa wi, moban beenu tsi ko un ci wi-ba këci, miiraan tsi unoor, leempan uleemp naleents Upetsan-uwar, leempan bëlieng uleemp wi m duuree wi.

2 TIMOTEU 4:5 ပူးပေါင်းရင်းမြစ်များ

MATEU 25:16

A na yank unk këtaleentu kañan tsëp ee leempëna kul, a na gaañaari këtaleentu kañan këcínts.

MARKU 13:34

Aci pi ñaan ni kan tsëpi bëyaas: Aruk katoul, a na tsu baleempul ko wi ba ka wi përo, kara ñaan ni uleempul; a na tsu nawaay-pëlëman na waay.

MARKU 13:37

Ko wnja ind wi, ma nja pa bañaan bëlieng: ‘Nda waayan!’”

LÚKAS 12:37

Bë naak, baleemp biki nawiak kë tsënki biki a ba ci tsi kawaay! Mán leents ind ucär: Ka tiema iŋi-uleemp, në tsoaran bukul bariala, në kaaya nu wël bukul.

NGËRO 21:8

Unu ucints, a wund pën atsëp Seesareeya. Bi wund niaj bi kato Filip naleents-përim, nul nan ci nalon tsi Paaj bukun Ni Nalon, a wund welan di katoul.

ROOMA 15:19

tsi pëyëlan ngëpibanaani ni ngëko ngan pikra n ngi undo pëyëlan Uwejats Nasien-batsi; unk, a n leents Upetsan-uwar Këristu a n jëkëlan, pëpën tsi Jerusalem ni ngëcaak ngan fay ngi dul, te di Iliriku.

EFEESU 4:11

A nul wël un balon ngëtseend pëci bapostolu, bacints bayëlia, bacints baleents Upetsan-uwar, bacints ka ci bayafan bu ka ciind bajukan;

EFEESU 4:12

pa pëyecis bayëman pa përo uleemp, pa bukul pënatsan uliaf Këristu,

KOLOS 1:25

Man duka n ci naleempar Ngëriisia, undo uleemp wi Nasien-batsi wëlin wi përo, pa pëleents ind përim Nasien-batsi, pul bëlieng.

KOLOS 4:17

Nda jaan Arkiipu: “Jutsan tsi uleemp wi m yank wi tsi Ajug, kë roon wul ka ba.”

1 TESALONIKA 5:6

Bi u ci bank, n ja tsë ŋooy pi ban duka bukunk; maa nda jun ngë mob tsi kawaay, nja kë liingëlan ko.

1 TIMOTEU 4:12

Ñaan tsë tienkëtsanu, tsi undo m wam upaas, maa ciin ñaan ni m mei, ba uwak biki koo teenënu tsi irim, ni tsi karo-ko, ni tsi bëŋal, ni tsi uwak, ni tsi bëjëntsal.

1 TIMOTEU 4:15

Moban uwar tsi puu ro ngëmënts ngun, kë baar ibatsu tsi ngul, pa bañaan bëlieng pëwin m ci tsi puu ya bërun.

2 TIMOTEU 1:8

Bi u ci bank, cats kawa puu leents ko wi m ciina wi tsi uleka Ajug; a te cats kawa tsi uleka nji, bi n dica bink, undoul. Maa, nooran ni nji pa Upetsan-uwar, tsi puu sëtsaraan pëyëlan Nasien-batsi,

2 TIMOTEU 2:10

Wul ka wun n ci tsi puu miira tsi ko un ci wi-ba këci, undo barata, pa bukul buts pëyank pëbuer, pul pan ci pi di Këristu Yeesu; bu ka yankand përëmb pan dits pi ka ba.

2 TIMOTEU 2:3

Kaan kafau tsi unoor, pi nasondaari na mobi tsi Këristu Yeesu.

2 TIMOTEU 4:17

Ajug tsënkin un, a na wëlin uyëlan, pa n leents përimul bëlieng, pa ban cits biki Bajudeu bëlieng ka te pul. A n pënanee di mtum ulioŋ.

BAYEBËREU 13:17

Nda roan ko wi ban tsijëna ind biki kë ja wi, ndë niiran wul; bë ci tsi pëwaay ngëwaas ind, par bu ka pëleents bi ba ro bi ja. Nda roan ko wi bu kë ja wi, bukul puu leemp uleemp bukul ni ulílan, u rits ci ni ngëwaas ngan de ngi. Par ucits ank ba, di ka wara ind.

1 PER 1:13

Wul ka wun, nda yecisëri tsi ume ind, ndë ci baliingëlën-ko, ndë baar uwats tsi bëtseend bi nda ka bi pëtsijee upibandari Yeesu Këristu.

UPIBAN 3:2

Katan ibats! Liinc-liincani nganduka ngunk a nga wokan pëcäts, par nji winats ngi kë ro ngi ba pëci ngëwar tsi bërun Nasien-batsi nji.