2 TIMOTEU 4:2 - KARÚK-PËRIM KAWALU Nouveau Testament

² Leentsan përim Nasien-batsi; uwal wara oo u waraatsa ank, moban tsi puu leents pul. Pibani un cits wi ucär, leentsari nan kai pëleentsara, liinc-liincani ngëwaas bañaan; kuu ro ank ni umiira bëlieng, kuu jukanaand.

2 TIMOTEU 4:2 ပူးပေါင်းရင်းမြစ်များ

LÚKAS 7:23

Anaak, ñaan nan bitsee niaman uwak tsi nji!”

LÚKAS 7:4

Uband bukul di Yeesu, ba ruka mob tsi pëbuaraul, bu kë ja: “Na yëlii wund ink, atsënkan pëjaa m doorul ko wan,

LÚKAS 9:60

Maa, Yeesu jaul: “Wëtan bacäts, ba mooy bacäts bukul. Maa wi, tsëpan kuu leents uleka pësien Nasien-batsi.”

NGËRO 13:5

Bi ba band bi Salamiina, a ba leents përim Nasien-batsi di ito-ijuki Bajudeu. A ba ro tsëpand buts Joŋ, pa pëci natsënk bukul.

NGËRO 16:13

Tsi Unu-pënaakësa, wund pën di përaasa atsëp di kambaŋ kabëlaŋ, tsëko tsi wund wejats tsi pëja ne, tsëko bëñaan aci rul. Bi wund tsoar bi, a wund kë ñakanaan bakaats ban juk biki,

NGËRO 20:7

Tsi unu ucak tsi kanëm, bi wund júk bi pa pëtawësar upom, a Pol nan kai pëtsëp tsi unu ufaantsan, na ci tsi kawël përim; na mob tsi uñakan te myëŋ ucaak.

NGËRO 28:16

Bi wund band bi Rooma, a Pol niiranaa pëpats tsi nu ciina tsi, ni nasondaari ni ka waayuli.

ROOMA 10:15

A um bi bu kë leents bun përim, uci ba yëlaatsa? Bi u picana bi, aja: “Ko wi i wara wi, itsiim biki ka leents biki ngëwar!”

ROOMA 12:12

Nda lílani tsi uwats, ndë ci baja ngëwar tsi unoor, ndë mob tsi bëñaan nda liincan.

GALAASIA 6:6

Unk, ñaan nan ci tsi pëjukanaa përim, aka na roon në faar ngëko ngëwar ngi na ka ngi bëlieng, ni nan ci tsi pëjukanul.

KOLOS 1:25

Man duka n ci naleempar Ngëriisia, undo uleemp wi Nasien-batsi wëlin wi përo, pa pëleents ind përim Nasien-batsi, pul bëlieng.

KOLOS 4:3

nduu ñaandar wund buts, pa Nasien-batsi pëwaants wund pëlëman, pëleents përim, pa puu leents wi Këristu undoots wunk mea; undo wul buts ka wun n dica.

1 TESALONIKA 1:6

Nda ruka ci bateenëna tsi wund ni bateenëna tsi Ajug. Par, ŋal bi nda ci bi tsi unoor un pelëk wi, maa ni ulílan Uwejats-ujënts nda niiran përim.

1 TESALONIKA 5:14

A wund kë buara ind, ind batsaar ni wund, nda leentsari batsuunk-uleemp, nda liinc-liincani ngëwaas baraf-katsëb, nda tsënkan ban ci biki barafal, nda miiraan bañaan bëlieng.

1 TESALONIKA 5:20

Ind tsë be irim bayëlia.

1 TIMOTEU 4:13

Tsini ubaandi nji, moban tsi puu layir Bëpican tsi pëncuaf bañaan, ni pëliinc-liincan bañaan, ni bëjukan.

1 TIMOTEU 5:20

Ban ci biki tsi përo ujuban, leentsari bukul tsi bërun bañaan bëlieng, pa ban duka bukunk ka lënk.

2 TIMOTEU 2:21

Bi u ci bank, nan pënani bërierul mtsopi mmënts mun tsi ubiiraul, në ci kaŋí karooni ko un dëmbana wi, kan patsanaa, kan ka ki bëkat pa Nawiak, kan yecisa ki pa puu ro ko u wara wi-ba këwara.

2 TIMOTEU 2:25

ni kajuab-uwaas nuu cikës bapok bëjukan bi nuu jukan bi; në wats tsi Nasien-batsi pëtseend bukul kayaar-ibats, pa bu ka me ucär,

2 TIMOTEU 3:10

Maa wi, m mob uwar tsi bëjukan nji, bëro nji, ko wi n tsaag wi, uwak nji, umiira nji, bëŋal nji, pëtambandar nji,

TIITU 1:13

Te un jaka wank, aci ucär. Wul ka wun, leentsari bukul ni përim pëtamb, pa u tsu bukul pëka uwak un ci wi ucär.

TIITU 2:15

Jaan ngëmënts ngun. Tseendan bañaan ibats. Ni ko un tsua wi bëlieng, leentsari ban ka biki pëleentsara. Cäts wët ñaan na beu.

BAYEBËREU 13:22

Batsaar ni nji, man buara ind pa nda roon ndë niiran përim pan ci pink katseend-ibats; te man picandëri ind a n runkëtën kërunkëtën.

UPIBAN 3:19

Nji, biki n ŋal biki bëlieng, man nja ndoon ka leentsar bukul, ka kus bukul. Bi u ci bank, ciin nayëkandar-ko, kë yaar ibats.