2 TIMOTEU 4:1 - KARÚK-PËRIM KAWALU Nouveau Testament

¹ +-Nji n leentsu ank, tsi bërun -+Nasien-batsi ni Këristu Yeesu nul nan kai pëwat bayësal pëleents, në watand bacäts pëleents, nji n leentsu ank tsi undo upibandariul, ni tsi undo pësienul:

2 TIMOTEU 4:1 ပူးပေါင်းရင်းမြစ်များ

MATEU 16:27

Par, Abuk ñaan-najin, kee bi ni ngëwaanjuul di përëmb Asin; uja kara ñaan, në lukul ngi na ro ngi ka ro.

LÚKAS 19:12

Din, a na ja: “Aka nalon ñaan nan bëkee tsi pëbuka pëwar. Na pën atsëp ucaak ulawal, pa pii yank pësien, në witsee.

LÚKAS 19:15

Bi na yank bi pësien a uu ba, na witsee; a na mandaar përui baluekul, biki na ro biki wël uncaam, pa pëme ko wi kara ñaan gaañaar wi tsi ko wi na ro wi.

LÚKAS 23:42

A na ja: “Yeesu, bi lesin ubiu tsi pësienu.”

NGËRO 10:42

A na tsu wund pëleents bañaan përim, ni pëpiban u ciul ci-un ni Nasien-batsi rati pëci nawat bayësal pëleents, ni bacäts.

NGËRO 17:31

Par, atsu unu, wi nu wat wi umundu pëleents tsi bëmabal, tsi niints nalon ni na rati; a na wël bañaan bëlieng upibanaani u ciul, bi na tsuul bi na natsee di bacäts.”

ROOMA 2:16

a tsi Upetsan-uwar wi ndu n leents wi, unk di wii ci run, unu wi Nasien-batsi kë watëna wi bañaan-bajin pëleents tsi Yeesu Këristu, tsi ngëko kambeku bukul.

KOLOS 3:4

Upibandari Këristu, nul nan ci ngëbiira ind, din ind buts ndë pibandari ni nul tsi përëmb.

2 TESALONIKA 2:8

Din Kanfetsats-ngëtsua ka pibanee, nul ni Yeesu, Ajug, kë fiŋi ni ufuts mtumul, në ba ni nul ni ufietsar pëbiul.

1 TIMOTEU 5:21

A te nji ka n leentsu ank tsi bërun Nasien-batsi ni Këristu Yeesu, ni ngëwaanju ngan data ngi: Moban tsi puu ro ngëmënts ngun; cats lacan ñaan te m meets bërun uwar bi u ci bi, a te cats cikara uleka ñaan.

2 TIMOTEU 1:10

inkri, tsi upibandari Nabueran nja Këristu Yeesu, a bëtseend bëmënts bi pibanaa. Nul cok un uyëlan pëcäts, a tsi Upetsan-uwar a na cil ani pëyës ni karika-cats.

2 TIMOTEU 2:14

Moban tsi puu lesan bukul ngëmënts ngun. Caran leents bukul tsi bërun Nasien-batsi; jaan bukul ba wët mantotëlër tsi irim; mul kaats bëkat, aci mi ka niaman mi biki kan cikëndën biki.

2 TIMOTEU 4:18

Ajug ka pënanin tsi ko un ci wi-ba këci u waraatsa wi, në bueranin pa pësienul pi batsi. Përëmb pa ciin pa nul, pa sandëndën. Ameen!

2 TIMOTEU 4:8

Inkri, ucape-pësien wi bëmabal ayecisa pa nji, un ci wi, uluumpan undo ubiira ujëntsal: Ajug, nul nan ci nawat-pëleents namabal, ka wëlin wul tsi Unu umënts wan. A te cits nji rin ka wëla un, maa ba ŋal biki a bu kë lip ubaandariul, bukul bëlieng bu ka wëla wul.

TIITU 2:13

nja kë lip uwats unaakal, ni upibandari përëmb Nasien-batsi nja nawiak a na ciind Nabueran, nul Yeesu Këristu.

1 PER 1:7

Mteenamana mmënts mi apiban uwak ind ka bëkat, pa wul pëtsënkan ubundan, ni përëmb, ni urispiitu, upibandari Yeesu Këristu. A wul uwak ind ape mak uwëru uni coka wi pëka bëkat, ŋal bi uwëru teenamana bi di bërua.

1 PER 4:5

Maa bu kee piban ngëko ngi ba ro ngi tsi bërun ñaan nan yëlani pëwat bayësal pëleents ni bacäts.

1 PER 5:4

A uwal wi Nayafan nan pei pëci nawiak kë pibandari wi, ndë wëla ucape-kape, wi përëmb, un dits wi ka coka.

2 PER 1:11

Par, unk ri ndu wëla run bëga buwaanal, pa pëniaj Pësien Ajug nja pan dits pi ka ba, nul Yeesu Këristu Nabueran.

2 PER 1:17

Par ayank urispiitu ni përëmb, di Nasien-batsi, Asin; bi përim pëni bi di Përëmb Batsi abi pa nul, a pa ja: “Ni ci-un Abuk nji na ŋalee, man lílandërul mak.”

1 JOŊ 2:28

A inkri upäts uties, nda moban tsi pëci di nul, pa uwal wi nu pibandari wi, nja ka ka uwatsar, pa ngë rits pëni ri nul ni mkaw, uwitseeul.

UPIBAN 1:7

Teenan-e! Ka bi unk tsi isa, bañaan bëlieng ka winul, ŋal ba luŋanul biki uliaf; këbuka bañaan bëlieng tsi umundu ka kaanul. Eey-e. Ameen!