2 TIMOTEU 3:6 - KARÚK-PËRIM KAWALU Nouveau Testament

⁶ Par bañaan pi bamënts bukun, ka yuemba bukun ba niaj ito, bu kë buets bakaats ban daf biki iyeen a ba ritsan tsi ngëjuban bukul, a kafets ngëkoraar ngëko ngëlílal pe bukul uyëlan;

2 TIMOTEU 3:6 ပူးပေါင်းရင်းမြစ်များ

MATEU 11:28

Nda bili tsi nji, ind bëlieng ban yunts biki pëyunts pa dits pi, ka naakësan ind.

MATEU 23:13

Cay bapican-ulua ni Bafariseu, ind banguungu! Par nda ja nda roon nduu ríc bañaan Pësien batsi tsi këkës bukul. Maa ind bërërind nda ri ka niaj, nin pëwëtan biki kan këmand biki pëniaj ba niaj.

MATEU 23:14

[Cay bapican-ulua ni Bafariseu, ind banguungu! Par nda ja nda roon nduu yankëna bacätsëndan-bayën bukul ngëko ito bukul; a nda ja nda roon nduu yampan bëñaan, pa pëpibandar. Wul ka wun ndu tsua ulaci-un pe wi pëjuats.]

MATEU 4:24

A katimul jëk ucaak Siiria bëlieng. A bañaan kë rëŋaniul bamoj bëlieng, ba maak biki gëkorar mmaak bëlieng a ba tsijar mak ni ngëliaf bukul: Biki ngëcaay niaj biki, ni bacäts-bëcäts ni balab; a Yeesu yësan bukul bëlieng.

MARKU 4:19

a bu kë wejats ngëko umundu, bëka ni karí-ko kë raac bukul; a ngëmënts ngan nëts përim, atsu pul kakaats-bëkat.

1 KORINTU 12:2

Nda me ne, uwal wi nda roots wunk me Nasien-batsi, a nda ro ja nda roon ndu tsëpanda di icap in dits yi ka ñakan; bi nda ja bi nda roon ndu ŋaayandaa.

1 TIMOTEU 5:6

Maa nan catsëndani ayënul a na mob tsi ngëko umundu wi, a cäts, ŋal bi na wama bi ka yafënts.

1 TIMOTEU 6:9

Maa baŋal pëci barëmb, bu ka ci tsi mteen-teenana, bu ka moba tsi pëgungan, ni tsi përi ngëko ngëcumal ngi kakaats-ibats a nguu tsiji ujuatsal, ngi kan cok ngi bañaan a nguu niaman bukul.

TIITU 1:11

Bu ka përicaa itum, par bë ja ba roon bu kë cok bañaan bëlieng di ito, tsi puu jukan ngan kaats ngi pëjukana; bu koo ro ank, pa pëka bëka ban kawaran bi.

TIITU 3:3

Par nja buts, tsi uwal ujon, ngë ro ci uunk: bafuur, barika-ro ko un jaka wi, ba niamana biki, a ngëkoraar uŋal ni ngëkoraar ulílal ro tsu nja a ngë ci baluek. Ngë ro mob tsi kajuats-iyeen, ni tsi karí-ko. Ngë ñaasaa, a ngë ñaasëlër.

2 PER 2:18

Bu ka ñakan irim upíc in kaats yi bëkat; tsi uŋal uliaf bukul, ni tsi mtsopi, bu kë raac bandu ka bueri di iñan ban ci biki tsi kaguus-ko.

2 PER 3:17

Bi u ci bank, bamiñ ba ŋala biki, bi nda car bink ame ngëko ngëmënts ngi, nda rukan ibats; ind tsë wët bameets-ngëtsua, ba tsëpand ind di mtsopi bukul, a ndii yër tsi uwak ind wi nda natsëna wi.

JÚDAS 1:16

Bamënts biki ci bakuetar, barika-lílan tsi ngëbiira bukul, bu kë yandaar tsi ngi ngëliaf bukul kë rí ngi, itum bukul kë ja irim upíc; pa bëkat bukul bu kë bëndan bañaan.

JÚDAS 1:18

Iink ri ba ja ind run: “Tsi uwal utuami, ka ka bariat bañaan biki ka yandaar biki tsi kari-ngëko bukul ki kameets-nasien-batsi.”

JÚDAS 1:4

Par balon bañaan, biki ulaci bukul jon wi ki u pica ki, bu yuembi ee niaj tsi pëncuaf ind. Bukul bë ci bameets-nasien-batsi, a ba witsës bëtseend Nasien-batsi nja pa puu ro ngëko katuk-ufuts. A ba bër Yeesu Këristu, nul Najukan nja naloole baŋ, a na ci Ajug.