2 TIMOTEU 3:5 - KARÚK-PËRIM KAWALU Nouveau Testament

⁵ bu ka piban unk pi bu lënk Nasien-batsi ank, maa bë bër uyëlan ulënkëniul. Lawani buts bamënts bukun.

2 TIMOTEU 3:5 ပူးပေါင်းရင်းမြစ်များ

MATEU 7:15

Nda rukan ibats tsi bayëlia batsup; bi bu bi bi tsi ind ni kawara urafaal; maa di bametsu bukul, bë ci ngënjurtu ngëjuatsal.

EFEESU 4:14

Unk ngë katse ka ci upäts uluunt biki ngëmaroŋ kë bats-batsan biki, biki ufuts bëjukan bucumal kë tsëpand biki; bu kë niam tsi kafal bañaan-bajin.

2 TESALONIKA 3:14

Uci ñaan fetsats përim pi wund ja pi tsi uletar wi, nda markaariul; ind tsë bof ko ni nul, pa në kawa.

2 TESALONIKA 3:6

Batsaar ni wund, tsi katim Ajug nja Yeesu Këristu, wund atsu ind puu ro ko wi: Nda lawani nan tsaari ba këtsaar ni nja a na ci ni ubiira katsuunk-uleemp, u mabats wi ni ko un ja wi u roon uu rolaa, wi wund jukanul wi.

1 TIMOTEU 4:7

Randan itëtan karika-rispitaar Nasien-batsi, ngëñakan bakaats batsafal; maa moban tsi pëliincandër tsi puu lënk Nasien-batsi.

1 TIMOTEU 4:8

Par, puu liinc-liincan uliaf aka bëkat tsi ngëko ngan cumats ngi, maa puu lënk Nasien-batsi aka bëkat tsi ngëko bëlieng, par awatsan ñaan ubiira inkri, ni ubiira wi kan bi wi.

1 TIMOTEU 5:8

Uci ñaan dits ka këmand bayëtsul, andes bañaan katoul, namënts un awëtan uwak, a na pe ñaan na wakatsi pëwaraatsa.

1 TIMOTEU 6:5

ni mŋom man dits mi ka ba, mi bawaraats ngëwejats a bu katse me ucär, a ba ja ne pëlënk Nasien-batsi ka tsiji pëka bëka.

2 TIMOTEU 2:16

Randan ngëñakan karika-rispitaar Nasien-batsi. Par, ban ci biki tsi ngul, bu koo pe këpe përika-lënk Nasien-batsi.

2 TIMOTEU 2:23

Pokan mantotëlër man kaats mi bëkat, mi kalipats, par amea muu tsiji pëŋom.

TIITU 1:16

bë ja ba roon bu kë ja bë me Nasien-batsi ank; maa tsi ngi bu kë ro ngi, bë niiraantsul. Bë ci bañutsanuel, barika-ro ko un jaka wi, bayëlaants përo nin ko u wara wi.

TIITU 3:10

Ñaan nan ci nakicës, ñakanaaniul uyaas ucak ni utëbantsan, din cats bof përo ko ni nul.