2 TIMOTEU 3:2 - KARÚK-PËRIM KAWALU Nouveau Testament

² Par, bañaan ka ruka ci baŋal-iyeen bukul, baŋal-uncaam, batsupalar, baguukandar, bakar Nasien-batsi, bamobats tsi përim ban buk biki bukul, barika-baran, barispitaarats ngëyëman,

2 TIMOTEU 3:2 ပူးပေါင်းရင်းမြစ်များ

MATEU 15:6

bañaan ba mënts bukun kaats përëmban asin bukul.’ Ti, nda pënan përim Nasien-batsi, a nda tsu undimaan ind.

LÚKAS 12:15

Na ja bukul: “Nda roon bëwaar! Ind tsë tsu ibats tsi karísan-ko. Par ubiira ñaan ciinats tsi urëmbar ngëko ngi na ka ngi.”

LÚKAS 16:14

Bafariseu, bukul baŋal-uncaam, bu kë te ko wan bëlieng a ba ci tsi përiatul.

LÚKAS 6:35

Maa, nda ŋalan babër ind; nda roon ko u wara wi. Nda tsiatsani, te ind tsë watsar pëluka, din bëluk ind kee rëmb. Unk di nduu ci run babëk Kanpe pëci di ruëts. Par nul, ajuab uwaas tsi uleka barika-baran, ni tsi uleka bajuats-ngëwaas.

NGËRO 5:36

Par, ngënu ngi aruka ka baandi, a Teudas natsa atsu beenul pëci ñaan nawiak, a na jukëlan bayënts ban duakan biki ngëseent ngëbaakër; maa a na fiŋa, a ban do bukunk ka cikëndënul garandar bëlieng, a ko ba unk.

ROOMA 11:18

cats rëmbandar tsi bërun ina in cëtaa yunk; maa uci m ci tsi përëmbandar, mean u cits wi ka rialan un kabuul, maa aci kabuul ka rialanu kun.

2 KORINTU 5:15

A nul, a cätsar bañaan bëlieng, pa biki ka yafënts biki, bu katse ka yafëntsar iyeen bukul bërier bukul, maa bu ka yafëntsar nan catsar unk bukul, a na natsee di pëcäts pa bukul.

FILIIPUS 2:21

Par, aja nan ci nuu tsasar ngëko beenul, cits ngi Yeesu Këristu.

KOLOS 3:5

Bi u ci bank, ngiic ind ngi umundu, nda tsuun ngul nga cäts, un ci wi: katúk-ufuts, bëtsopal, karí-ko kan pelëk ki, uŋal u waraatsa wi, nikariisan-ko, kul kan ci ki kajintëla-icap.

2 TESALONIKA 2:4

nul nakaman na natsaree pëkaman ko wi jaka wi ba këjaka Nasien-batsi, oo wi kan jintëlaana wi; a nuu riang beenul a në tsënkëna ka tsoar bërierul di kato-kayëman Nasien-batsi, në tsu beenul aci Nasien-batsi.

1 TIMOTEU 1:20

Imeneu, ni Aleksandër, bu bof tsi bamënts bakan. Man gutsar bukul Useetaani, pa ba juk pëkatse pëkar Nasien-batsi.

1 TIMOTEU 1:9

A ngë ka pëme ne, ulua tsuaatsa pa namabal, maa pa baro ko wi ulua pok wi, barika-ro ko wi ba jaka wi, balënkats-Nasien-batsi, bajuban, barispitaarats ngëyëman, barispitaarats Nasien-batsi, bafiŋ basin bukul, bafiŋ banin bukul, bafiŋ-bañaan,

1 TIMOTEU 3:3

Nul tsë tsu ibatsul tsi karaan-pëwat, nul tsë ci nakaman-bañaan, maa na ciin najuab-uwaas, narika-kaman, narika-tsu ibatsul tsi kaŋal-uncaam.

1 TIMOTEU 6:10

Par, kaŋal-uncaam ka tsiji kun ngëjuatsal bëlieng; aka ba mob biki tsi pëtsas wul aa ba pën alawan uwak, a ba tsu iyeen bukul tsi ngënoor ngëcumal.

1 TIMOTEU 6:4

ñaan namënts un aci ni mguukandër kuelëtsani, a te meets ko. Yësats koon këyës, par mantotëlër ni mŋom mi na ciina mun. Ci wun ko wi kan tsiji wi karí-ko, pëŋom, ikar, ma njafar ma waraatsa mi,

2 TIMOTEU 3:4

baya ñaan ufets, bacar-uriab, biki mguukandër kuelëtsan biki, baŋal ngëlílal te pë jaa bë ŋal Nasien-batsi;

JAKOB 2:8

Tsi ucär, uci nda ro ko wi ulua pësie n ja wi, bi u picana bink aja: “Ŋalan acintsu pi m ŋal pi beenu,” ndë ro uwar.

JAKOB 4:16

Maa ind, nda ci tsi pëguukandër tsi mtsupalar ind. Mguukandër pi mmënts mi, aci ko u waraatsa wi.

JAKOB 4:6

maa a nuu wël bëtseend ban pe bi përëmb.” Wul ka wun Bëpica n ja: “Nasien-batsi anatsara bape-iyeen bukul, maa a nuu wël bëtseend pa batienkëtsan iyeen bukul.”

1 PER 5:5

Unk buts ind batsasa, nda welani iyeen ind tsi bërun bajëŋal. A ind bëlieng, tsi manteelar ind, nda cuman ni kawelan-iyeen ind, par Nasien-batsi ka natsara bape-iyeen bukul; a nuu wël bëtseend pa ba welan biki iyeen bukul.

2 PER 2:10

Unoor umënts wun ka peena ba n ja bukunk ba roon, tsi pëfets uŋal uliaf bukul, bu kë yandaar tsi kari-ngëko ngëtsopal, a bu ri ka tsu pësien ko. Bape-iyeen bukul, baguukandar, bu lënkats pëja ko u waraatsa wi tsi uleka msien man pe mi pëci mwiak.

2 PER 2:12

maa bañaan bamënts biki ci pi ngë n jar, ngan dits ngi ka wejats, nga leempara ngi puu moba ni puu fiŋa; bu ka kar ko wi ba meets wi. Bu ka niam buts tsi kawaraatsa bukul.

2 PER 2:18

Bu ka ñakan irim upíc in kaats yi bëkat; tsi uŋal uliaf bukul, ni tsi mtsopi, bu kë raac bandu ka bueri di iñan ban ci biki tsi kaguus-ko.

2 PER 2:3

Ni ibats karisan-ko, bu ka raacëna ind irim kanguungu, pëyankëna ind ngëko; kawata-pëleents bukul kan yecisa ki jon, di ka jon pëbaandi, te pëniam bukul di ka ŋooy.

JÚDAS 1:16

Bamënts biki ci bakuetar, barika-lílan tsi ngëbiira bukul, bu kë yandaar tsi ngi ngëliaf bukul kë rí ngi, itum bukul kë ja irim upíc; pa bëkat bukul bu kë bëndan bañaan.

UPIBAN 13:1

Din, a n win un jar pëni di bërëk pëkatee, a tsij këntin untaaja, ni ngëyeen paaj ni bëlon, a ngëcape untaaja ngi pësien ci tsi këntin wul, a katim ki kan kar ki Nasien-batsi ci tsi kara been wul.

UPIBAN 16:11

a bu kë kar Nasien-batsi batsi, undo urear ngëliaf bukul, ni undo ngëkaalës bukul; maa bë yaarats ibats tsi uleka ngi bu kë ro ngi.

UPIBAN 16:21

A isa-ngëlaas iwiak, iritsal pi taleentu, pëni di batsi ayërëni bañaan. A bañaan kë kar Nasien-batsi, undo unjuatsia uwiak, wi isa-ngëlaas imënts yun; par unjuatsia uwiak umënts wun apelëk mak.

UPIBAN 16:9

A uwamël bërua uwiak, tër bañaan. A bu kë kar katim Nasien-batsi, nul nan kai pëyëlan tsi ngënjuatsia ngëmënts ngun; a bu yaarats ibats bu ka rëmbanul.