2 TIMOTEU 3:16 - KARÚK-PËRIM KAWALU Nouveau Testament

¹⁶ Bëpican bëlieng aci Nasien-batsi futsi un bul, a ba ka bëkat pa bëjukan, pa pëpok un ka wi pëpoka, pa pëcikës, pa pëkusa tsi bëmabal.

2 TIMOTEU 3:16 ပူးပေါင်းရင်းမြစ်များ

MATEU 13:52

A na ja bukul: “Wul ka wun, napican-ulua nan ci nafets ngëko pësien batsi, anaam pi nawiak kato nan pënanii ngëko ngëwalu ni ngëjon tsi bëkaul.”

MATEU 21:42

A Yeesu ja bukul: “Nda jukats koon këjúk ko un picana wink-a? ‘Pëlaak pi baniew bër pi, pul bi ci pëcap pëniew. Ko wan, aci Ajug ro un. Pa n ja, aci ko un par wi pëjaa.’

MATEU 22:43

A Yeesu ja bukul: “A um di Uwejats tsu run Dawid a u jaul ‘Ajug,’ bi na ja bi:

MATEU 26:54

Bi u ci bank, ngi Bëpica n ja ngi, ka bandan përoaa nga ja um? Par ajaka, unk ri u ka run pëci.”

MATEU 26:56

Maa ko wi bëlieng abaandi, pa Bëpican bayëlia ka ba përoaa.” Din a bafetsul bëlieng bërul tsul, a ba túk atsëp.

MARKU 12:24

A Yeesu yankës bukul aja: “Bi nda meets bink nin Bëpican, nin pëyëlan Nasien-batsi, cits ka wun nda niam-a?

MARKU 12:36

Dawid bërierul, Uwejats-ujënts atsuul a na ja: ‘Ajug aja Ajug nji: Tsoaran tsi kariir nji aa ka tsu babëru tsi utsia iyotsu.’

KAKÚRAN-KAWAR YEESU KRISTU BI JOŊ LEENŢ BI KUL AJA 10:35

Ba wëtandaree biki përim Nasien-batsi, uci bi ulua ru bank bukul aja basien-batsi, a garats Bëpican,

KAKÚRAN-KAWAR YEESU KRISTU BI JOŊ LEENŢ BI KUL AJA 3:20

Par ñaan ni kandoi ba këro ngëko-kawaraatsa, ka ñaas ufac; di ka bi tsi ufac, pa ngi nuu ro ngi përits winaa.

NGËRO 1:16

“Batsaar ni nji! Ko un jaka wi di Bëpican, aka përolaa, bi Uwejats-ujënts tsu bi Dawid a na car ñakan tsi uleka Judas, nan ci bëga bi ba mob biki Yeesu par-na bi.

NGËRO 18:25

Aci nan juki mak tsi bëga Ajug, na baar ibatsul tsi pëleents përim a nuu jukan ko u mab wi tsi uleka Yeesu; bëmijan Joŋ baŋ bi na me bun.

NGËRO 20:20

Nji i kaats ko wi wët wi pëleents ind, un yëlan wi pëci uwar tsi ind; maa, man leents përim a ndu jukan ind tsi pëncuaf bañaan, ni di ito.

NGËRO 20:27

Par, nji n wëtats pëleents ind ko wi Nasien-batsi tsaag wi.

NGËRO 28:25

A ba patsësar. A bu kë garandar, a Pol ja bukul përim pi: “Uwejats-ujënts añakanaan basin ind uwar, tsi mtum Isaaya, nayëlia, aja:

ROOMA 15:4

Par un do wi picana ba bëlieng uwal ujon, apicandara pëjukan nja pa nja ka ka uwats, tsi undo umiira ni kaliinc-liincan uwaas ki Bëpican wël ki.

ROOMA 2:20

wi nakus bameets-ko, najukan upäts, a tsi ngëtsua, m ci pi m ka ume ni ucär;

ROOMA 3:2

Arëmb mak, uci pëwejats tsi ngëko bëlieng. Ucak, aci bukul biki Nasien-batsi wël bukun irimul.

ROOMA 4:23

Maa cits undoul rin ka wun u picana aja: “Atsuaa namabal”

1 KORINTU 12:7

Maa upibanaani Uwejats awëla kara ñaan, pa ko un ka wi bëkat.

GALAASIA 3:8

Bëpican acar apiban Nasien-batsi kë tsu ban cits biki Bajudeu pëci bamabal, tsi undo uwak bukul, a na cakës aleents Abraam upetsan uwar wi, aja: “Tsi uwi, tsi ngëcaak bëlieng kë beeniraana tsun.”

2 TIMOTEU 2:25

ni kajuab-uwaas nuu cikës bapok bëjukan bi nuu jukan bi; në wats tsi Nasien-batsi pëtseend bukul kayaar-ibats, pa bu ka me ucär,

2 TIMOTEU 4:2

Leentsan përim Nasien-batsi; uwal wara oo u waraatsa ank, moban tsi puu leents pul. Pibani un cits wi ucär, leentsari nan kai pëleentsara, liinc-liincani ngëwaas bañaan; kuu ro ank ni umiira bëlieng, kuu jukanaand.

BAYEBËREU 11:1

Uwak, aci umobanaani nga fiaara ngi, upibanaani ngëcar ngan dits ngi ka wina iink.

BAYEBËREU 3:7

Wul ka wun, bi Uwejats-ujënts ja bi: “Ntsari, uci nda te përimul,

BAYEBËREU 4:12

Par, përim Nasien-batsi aka ubiira a pa kaand pëyëlan; pul are ape ulaac un de wi ngëjara ngëtëb. Aja pa roon pë niaj te pë kicës uwaas ni uwejats, ngësúk uliaf ni pëluŋ; a pa yëlan pëyëkëran ngi uwaas ciina ngi, ni ngi u wejats ngi.