2 TIMOTEU 3:12 - KARÚK-PËRIM KAWALU Nouveau Testament

¹² A te, ba ŋal biki bëlieng puu lënk Nasien-batsi tsi bëciir bukul ni Këristu Yeesu, bu ka ci tsi puu noorana.

2 TIMOTEU 3:12 ပူးပေါင်းရင်းမြစ်များ

MATEU 16:24

Din, a Yeesu ja bafetsul: “Na ŋali pëfetsin, na bëran ngiicul; në lapan kruusul, nuu fetsin.

MATEU 23:34

Wul ka wun, a wëtani ind bayëlia, ni bameko, ni bapican-ulua. Nduu fiŋ balon, ndë rieŋ balon di kruus; uja tsi kato-kajúki ind, ndë tucan balon; uja tsi përaasa, ndë natsara bukul koo noor-nooran.

MARKU 10:30

a na rits yank, ngëyaas useent tsi uwal wi, ito, ni batsaar ni nul, bayënts ni bakaats, ni banin, ni upäts, ni ireeŋ, ni pënoor-noorana; tsi umundu wi kan bi wi, në yank ubiira un dits wi ka ba.

KAKÚRAN-KAWAR YEESU KRISTU BI JOŊ LEENŢ BI KUL AJA 16:2

Bu ka pënan ind di ito-ijúki. Maa uwal ka bi, uja ñaan fiŋ ind, në ja ne aci tsi pëleempar Nasien-batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 16:33

Man ja ind ngëmënts ngan, pa nda ka pëfac tsi nji. Nduu ka unoor tsi umundu; maa nda kaan katsëb, man gaañaar umundu ukam.”

KAKÚRAN-KAWAR YEESU KRISTU BI JOŊ LEENŢ BI KUL AJA 17:14

Man wël bukul përimu, a bañaan umundu ñaas bukul, par bë cits biki umundu, bi n cits bi ni umundu.

NGËRO 14:22

ee liinc-liincan ngëwaas bafets Yeesu, ba tseend bukul ibats pa ba mob tsi uwak ba liincan; a ba piban bukul u ci tsi unoor uwiak winja kë niajëna wun pësien Nasien-batsi.

1 KORINTU 15:19

Uci uwats nja tsi Këristu tsañ tsi ubiira wi rin, ngë ci ban pe biki pëjampësan tsi bañaan bëlieng.

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

2 KORINTU 4:9

Wund kë noor-noorana, maa wund bëraats; wund agutsaa tsi utsia, maa wund catsats,

1 TIMOTEU 2:2

pa basien, ni ban tsua biki bëlieng pëci bañaan bawiak. Unk, nja ka fac nja ka tsëk, tsi pëlënk Nasien-batsi pan ci ba këci, ni tsi urispiitu.

1 TIMOTEU 3:16

Tsi ucär, undoots wunk mea, wi kalënk-Nasien-batsi, arëmb: Nan pibandarii ni uliaf, Uwejats apiban na ci namabal; ngëwaanju awinul; aleentsaa tsi ban cits biki Bajudeu; bañaan awak tsi nul di umundu; atsëpanda përëmb batsi.

1 TIMOTEU 6:3

Uci ñaan ci tsi pëjukan bulon bëjukan, uci na mobats tsi irim Ajug nja Yeesu Këristu, yul irim iwar, uci na mobats tsi bëjukan ba yuk bi tsi pëlënk Nasien-batsi,

TIITU 1:1

Pol, naleempar Nasien-batsi, Napostolu Yeesu Këristu, pa pëtsiji uwak tsi biki Nasien-batsi rat biki, ni kame ucär ki kan tsu ki ñaan pëlënk Nasien-batsi;

TIITU 2:12

A buu jukani njapëwëtan karika-lënk Nasien-batsi, ni pëwëtan kari-ngëko umundu, pa tsi uwal wi ngë ci wink, nja kë yandaar tsi butsëkal, tsi bëmabal, ni tsi kalënk-Nasien-batsi;

1 PER 3:14

Maa uci buts ndee tsua tsi unoor undo bëmabal, ndë ci ba naak biki. Ind tsë lal bukul nin ind tsë lënk;

2 PER 3:11

Bi ngëko ngi ka bink pëgaraa bëlieng, uwom ukoraar bañaan wi nda ka un pëci? Nda ka puu yandaar tsi bëjëntsal, ni tsi pëlënk Nasien-batsi,

UPIBAN 12:4

A pëtant wul raki katawar ngëpesaj batsi kaloole tsi iwaants yun, agutsar utsia. A Uncababaan umënts wun nats tsi bërun ŋaats nanduka unk ayecis kabuk, pa ubukul, u yoor napätsul.

UPIBAN 7:14

A n yankul a n ja: “Nawiak nji! Wi m me.” A na jain: “Bamënts biki aci ban pëni biki di unoor uwiak. Bë nijëna iŋi bukul yi bëtiema ba faacanaan yul tsi pëñaak Ubuk-unkaanel wun.