Bi na band bi, a na win bëtseend Nasien-batsi, na lílan, a na liinc-liincan bukul ngëwaas bëlieng, pa ba mob ba liincan tsi Ajug, di ngëwaas bukul bëlieng.
Batsaar ni nji, man buara ind pa nda ruk ibats tsi uleka ba nja biki ba roon bu kë tsiji ngëkicës ni pëtsu bañaan ba yër, ba ja ba roon bu kë pok bëjukan bi nda jukana bi; nda lawani bukul,
Par, Upetsan-uwar wund, baandatsi tsi ind ni irim din, maa buts ni pëyëlan, ni Uwejats-ujënts, ni pëfiaar mak u ci-un ci wi. Nda me bi wund ro bi ci ja tsi pëncuaf ind, pa uwar ind.
Uci m jukan ngul batsaar ni wi tsi Këristu, kë ci naleempar Këristu Yeesu, naleemp nawar na mobi tsi puu rialaan irim uwak, ni yi bëjukan buwar bi m fets bi uwar.
Maa wi, ñaan Nasien-batsi, túkan ngëmënts ngun; moban tsi bëmabal, ni tsi pëlënk Nasien-batsi, ni tsi uwak, ni tsi bëŋal, ni tsi umiira, ni tsi kajuab-uwaas.
Leentsan përim Nasien-batsi; uwal wara oo u waraatsa ank, moban tsi puu leents pul. Pibani un cits wi ucär, leentsari nan kai pëleentsara, liinc-liincani ngëwaas bañaan; kuu ro ank ni umiira bëlieng, kuu jukanaand.
Par, uwal ka ci a u baandi, wi bañaan katse wi ka niiran bëjukan bëwar, maa bu koo ro ngi ba ŋal ngi, bu kë cum mak bajukan, biki koo nja biki bukul ngëko ngi ka com ngi bukul ibats.
Ind tsë wët ngëkoraar bëjukan ba meaatsa bi, bul pëpënand ind pëtsëp. Par awara u roon, bëtseend kë wël uwaas uyëlan; cits ngëre ka wël ngun, ngul kaats bëkat pa bamob tsi ngul.