2 TIMOTEU 2:7 - KARÚK-PËRIM KAWALU Nouveau Testament

⁷ Tean ko wi n ci wi tsi pëja, par Ajug ka wëlu bëlipal tsi ko un ci wi-ba këci.

2 TIMOTEU 2:7 ပူးပေါင်းရင်းမြစ်များ

LÚKAS 21:15

Par nji, mán wël ind irim ni kameko, pa nin naloole tsi babër ind tsë yëlan pëliincandër, nin pëpok ni irim.

LÚKAS 24:45

Din na waants bukul uwejats, pa bukul pëme ko wi Bëpican pac wi.

LÚKAS 9:44

“Nda rukan ibats tsi irim yi: Abuk ñaan-najin ka gutsa tsi iñan bañaan-bajin.”

KAKÚRAN-KAWAR YEESU KRISTU BI JOŊ LEENŢ BI KUL AJA 14:26

Maa natsënk ka bi, nul Uwejats-ujënts, wi Asin nji kë wëtani wi tsi katim nji. Wul kee jukan ind wun ngëko bëlieng; u tsu ind pëles ngëko bëlieng ngnja ind ngi.

KAKÚRAN-KAWAR YEESU KRISTU BI JOŊ LEENŢ BI KUL AJA 16:13

Maa, uwal wi Uwejats ucär baandi wi, u tsëpand ind tsi ucär un ci wi-ba këci. Par, di ka ñakandar uleka wul bërier wul, maa ka ñakan ngi u te ngi, u leents ind ngi kan bi ngi.

NGËRO 7:10

a na randul ngënoor bëlieng, a na wëlul bëtseend ni kameko tsi bërun Farao, nasien Ejipët, nan tsuuli pëtsijëna ucaak Ejipët ni kato nasien bëlieng.

1 KORINTU 12:8

Par Uwejats, ka wël nalon përim kameko; Uwejats uloole umënts wun ka wël nacints përim ume;

FILIIPUS 4:8

Pëtuamës, ind batsaar ni nji, ko un ci wi-ba këci ucär, ko un ci wi-ba këci wi urispiitu, ko un ci wi-ba këci umabal, ko un ci wi-ba këci ujëntsal, ko un ci wi-ba këci-un ka wi pëŋalaa, ko un ci wi-ba këci-un ka wi pëbëndanaa – uci ko ci a u buer pëwara, oo a u tsënkan pëjaa abëndanaa —nda tsuun ibats tsi ngëko pi ngëmënts ngun.

KOLOS 1:9

Wul ka wun, wund buts, ki unu wi wund te wi ko wan, wund wëtaants pëñaandar ind, ni pëyep nda roon ndë cum ni ume uŋalul tsi kameko kan ci ki ba këci, ni tsi bëlipal, ngul ngi Uwejats Nasien-batsi kë wël ngi.

1 TIMOTEU 4:15

Moban uwar tsi puu ro ngëmënts ngun, kë baar ibatsu tsi ngul, pa bañaan bëlieng pëwin m ci tsi puu ya bërun.

2 TIMOTEU 2:6

A najaar na noori tsi kajaar, ka un pëyank bërun kafaul tsi ko wi mleempëna pënani wi.

2 TIMOTEU 2:8

Lesan Yeesu Këristu, nul na natsee di pëcäts; apënë-ni di kajër Dawid, bi Upetsan nji Uwar ja bi,

BAYEBËREU 12:3

Nda wejatsi-e namënts un na miiree tsi pënatsara pi bajuban natsaraul pank; unk pa unoor pii rits pe ind, ngëwaas ind pii rits ba.

BAYEBËREU 13:7

Nda lesan ban tsijëna ind biki, bukul ba leents ind biki përim Nasien-batsi. Nda niimani-e utuami ngëbiira bukul, din ndë teenëna uwak bukul.

BAYEBËREU 3:1

Batsaar ni nji, bayëman, ind ban bof biki tsi karua batsi, nda teenan tsi Yeesu, nul Napostolu a na ciind Nan pei pëci nawiak-bajakan tsi uleka uwak nja wi ngë pets wi.

BAYEBËREU 7:4

Nda teenan-e bi namënts un ci bunk ñaan nawiak! Ŋal Abraam, nan ci pëjabi pëbuka, awëlul kaloole tsi ifa untaaja yi ngëko ngan pe ngi pëci ngëwar, tsi ngi na kai ngi di ukam.

JAKOB 1:5

Uci nalon tsi ind kaats kameko, na yepan kul Nasien-batsi, nul na njai na roon nuu wël unk bañaan bëlieng, te di ka leentsar ñaan. Na yepul kul, në wëlaa.

JAKOB 3:15

kameko kamënts ki, cits kan pënë-ni ki ruets; aci ki utsia, ki uŋal ñaan-najin, ki ngëcaay.

JAKOB 3:17

Maa, kameko kan pënë-ni ki batsi, acakësaan pëci kajëntsal, a ka ru ci kan tsiji ki pëfac, ni kajuab-uwaas, ni manteelar, ni pëcum ni kayëk-ipës, ni ngëwar ngan dola ngi; kul di ka kicës bañaan, kaats kanguungu.

1 JOŊ 5:20

A ngë me Abuk Nasien-batsi bi, a na wël nja ume, pa n ja pëyëkëran Nacar nun. Nja ngë ci tsi Nacar nun, un ci wi, tsi Abukul, Yeesu Këristu. Namëntsi ci-un Nasien-batsi Nacar, ni ubiira un dits wi ka ba.