2 TIMOTEU 2:3 - KARÚK-PËRIM KAWALU Nouveau Testament

³ Kaan kafau tsi unoor, pi nasondaari na mobi tsi Këristu Yeesu.

2 TIMOTEU 2:3 ပူးပေါင်းရင်းမြစ်များ

NGËRO 23:31

A basondaari ro ko wi ba tsua wi përo, ba jej Pol bërëm atsëpand te Antipaatëris.

1 KORINTU 13:7

Bul ka miira ko un ci wi-ba këci, bu fiaar ko un ci wi-ba këci, bu wats ko un ci wi-ba këci, bu yëlan ko un ci wi-ba këci.

1 KORINTU 9:7

Naom nasondaari ka kaman un, a nuu luk beenul? Yën ka yiir un uwoorta mbiiñu, a rits na re mbuk wël? Oo Yën ka yafan un pëtan, a rits na raan mtaw pëtan pëmënts?

2 KORINTU 1:6

Uci wund ci tsi unoor uwiak, aci-undo kajuabëtsan ngëwaas ind ni pëbuer ind; a uci wund juabëtsana ngëwaas, aci-undo kajuabëtsan ind ngëwaas, ndë yëlan pëmiira ngënoor ngëloole ngi wund par-na ngi buts.

1 TIMOTEU 1:18

Timoteu, napäts nji! Përim pi n du n tsuu pi pëmob, bi u jaka bi tsi irim in car yi aleentsa tsi ulekau, aci wi pëkaman ukam u wara wi, bi irim imënts ja bi;

2 TIMOTEU 1:1

Pol, Napostolu Këristu Yeesu, tsi uŋal Nasien-batsi, undo kawatsana ubiira un ci wi tsi Këristu Yeesu,

2 TIMOTEU 1:8

Bi u ci bank, cats kawa puu leents ko wi m ciina wi tsi uleka Ajug; a te cats kawa tsi uleka nji, bi n dica bink, undoul. Maa, nooran ni nji pa Upetsan-uwar, tsi puu sëtsaraan pëyëlan Nasien-batsi,

2 TIMOTEU 2:10

Wul ka wun n ci tsi puu miira tsi ko un ci wi-ba këci, undo barata, pa bukul buts pëyank pëbuer, pul pan ci pi di Këristu Yeesu; bu ka yankand përëmb pan dits pi ka ba.

2 TIMOTEU 2:9

a n ci tsi unoor undo wul, aa n tsënkëne n tanaa mkorente, pi naro-ngëko-kawaraatsa. Maa përim Nasien-batsi tanaatsa.

2 TIMOTEU 3:11

pënoorana pi n noorana pi, unoor wi n noor wi; uwom unoor wi n noorats wun di Antiookia, di Ikooniu, di Listëra? Pënoor-noorana pëwom pi n miiraatsa pun-i? Maa a Ajug bueranin tsi ngul bëlieng.

2 TIMOTEU 4:5

Maa wi, moban beenu tsi ko un ci wi-ba këci, miiraan tsi unoor, leempan uleemp naleents Upetsan-uwar, leempan bëlieng uleemp wi m duuree wi.

FILEMON 1:2

ni pa Apëfia, ŋaats nan tsaari ninjani pa Arkiipu, wi, acints wund nakaman, ni pa Ngëriisia ngi kan júk ngunk di katou.

BAYEBËREU 10:32

Nda lesan-e ngënu ngëcäk ngun, uwal wi nda ru ba unk pëyank ufac, din a nda kaman ukam uwiak, un tsijand wi unoor:

BAYEBËREU 11:27

Uwak tsu wun, a na pën tsi Ejipët, te lalats uriab nasien; par aliincandar, pi aci tsi pëwin nan dits unk ka wina.

BAYEBËREU 6:15

Unk a nul Abraam kë lip a nuu miira, a nee yank u watsana wi.

JAKOB 1:12

Anaak, ñaan na miiree tsi pëteenam-na! Par, nan pei pëteenam-na, në yank kape ubiira wi Ajug watsan wi ba ŋalul biki.