2 TIMOTEU 2:24 - KARÚK-PËRIM KAWALU Nouveau Testament

²⁴ A te, naleemp Ajug kaats puu ŋom ni ñaan, maa aka pëci ñaan nan juabi uwaas tsi uleka bañaan bëlieng, në yël bëjukan, nuu miira,

2 TIMOTEU 2:24 ပူးပေါင်းရင်းမြစ်များ

MATEU 12:19

Di ka ci tsi mantotëlër, a di ka liandar; a ñaan di ka te përimul di iga.

KAKÚRAN-KAWAR YEESU KRISTU BI JOŊ LEENŢ BI KUL AJA 6:52

Din, a Bajudeu ci tsi mantotëlër koo ja: “Um bi namëntsi yëlan bun pëwël nja uliaful bërierul ngë re?”

NGËRO 15:2

A Pol ni Barnabas tsij mantotëlër irim ni bukul, ni pëŋom pëwiak; a Ngëriisia baaraan Pol ni Barnabas, ni balon tsi Ngëriisia, pëtsëp Jerusalem di bapostolu ni bajëŋal, pii ñakanaan undo ko wan.

NGËRO 23:9

Din, a irim watsësari; balon tsi bajukan-ulua tsi kajara Bafariseu, natsa apok, a bu kë ja: “Wund winats nin ko u waraatsa wi tsi niintsi; yën me un ne ulon ucaay ñakanaanul wun, ane uwaanju ank?”

NGËRO 7:26

Tsi unu ucints, a na win balon ban ci biki tsi ukam, na ŋal pëtsu pëfac tsi bukul, na ja: ‘Bayënts! Ind tsaar bukun; a we ka wun nda riabatsar tsi nda ci tsi.’

2 KORINTU 10:1

Nji Pol bërierin, man buara ind tsi kajuab-uwaas Këristu ni tsi karo-uwarul, nji nan tienkëtsani been nji uwal wi n ci wi tsi pëncuaf ind, maa a n yëkan tsi uleka ind, uwal wi n lawan wi.

2 KORINTU 10:4

Par iŋi i wund kë kamanaan yi, cits i uyamats; maa pëyëlan yul apënë-ni tsi Nasien-batsi, pa pëcok ilënk-iwaayaraani. Wund ka gar-garan ngëtsaag ngan cits ngi ngëcar,

2 KORINTU 6:4

A tsi ngëko ngi wund kë par-na ngi bëlieng, wund ka piban bërier wund, wund ci baleemp Nasien-batsi tsi pëliincandër, ni tsi pëjuatsan, ni tsi unoor,

GALAASIA 5:22

Maa ko wi Uwejats Nasien-batsi kë buk wi aci: bëŋal, ni ulílan, ni pëfac, ni umiira, ni karo uwar, ni kawara-uwaas, ni kamob-tsi-uwak,

EFEESU 4:2

ni kawelan-iyeen ind bëlieng ni kajuab-ngëwaas, ni umiira. Nda ru kë míirëlar tsi nda ci tsi ni bëŋal,

FILIIPUS 2:14

Nda roan ko un ci wi-ba këci, te mŋëmŋëm tsë ci, mantotëlër tsë ci.

FILIIPUS 2:3

Ind tsë ro ko, pa pëpícëlër, nin pa pëpibandar; maa tsi kawelan-been, nan ci na moban bacintsul pi bu peul.

KOLOS 3:13

uja nan ci nuu miira acintsul, ñaan në jampësa acintsul uci na kaar ko ni nul. Bi Ajug jampësa ind bunk, ind buts nda rolan unk.

1 TESALONIKA 2:7

Bi wund ci bink bapostolu Këristu, wund aro yëlan aatsum pëci pëyunts pa ind. Maa wund ajuab ngëwaas mak tsi pëncuaf ind, bi ŋaats-nambukari ja bunk na roon nuu këmand upätsul.

1 TIMOTEU 6:11

Maa wi, ñaan Nasien-batsi, túkan ngëmënts ngun; moban tsi bëmabal, ni tsi pëlënk Nasien-batsi, ni tsi uwak, ni tsi bëŋal, ni tsi umiira, ni tsi kajuab-uwaas.

TIITU 1:1

Pol, naleempar Nasien-batsi, Napostolu Yeesu Këristu, pa pëtsiji uwak tsi biki Nasien-batsi rat biki, ni kame ucär ki kan tsu ki ñaan pëlënk Nasien-batsi;

TIITU 1:7

Par nawaay-bañaan, nul nagaangana ngi Nasien-batsi, aka pëci nan kaatsi ulaci. Di ka tamb ulats, di ka car uriab, di ka tsu ibats tsi karaan-pëwat, di ka tsas ukam, di ka tsas bëka ban kawarën bi.

TIITU 1:9

naliincandar tsi përim uwak pa mab pi tsi bëjukan. Unk në yëlan puu liinc-liincan ngëwaas bañaan tsi bëjukan bëwar, ni puu ja biki kan pok biki bul, në piban bukul ba lac.

TIITU 3:2

Bukul tsë ja uwutsëtsuel tsi uleka ñaan, ba ciin barika-tsas ukam, bajuab-ngëwaas, bu kë piban kajuab-uwaas tsi uleka bañaan bëlieng.

JAKOB 1:1

Jakob, naluek Nasien-batsi ni Yeesu Këristu, Ajug, pa këbuka untaaja kun ni këtëb, kan gara ki jëk umundu: Nda ciin uwar!

JAKOB 3:17

Maa, kameko kan pënë-ni ki batsi, acakësaan pëci kajëntsal, a ka ru ci kan tsiji ki pëfac, ni kajuab-uwaas, ni manteelar, ni pëcum ni kayëk-ipës, ni ngëwar ngan dola ngi; kul di ka kicës bañaan, kaats kanguungu.

JAKOB 4:2

Nduu rí, maa nda ri ka ka. Ndë fiŋ ñaan, ndë ñibula, maa nda ri ka yëlan pëwin ko wi nda ŋal wi. Nduu ŋom, a nduu kam. Nda kaats, par nda ri ka yep.

1 PER 3:8

Pa pëtuamës, nda kaan bëlieng ngëtsaag ngëloole, ni katúkëlar pëñaak, ni pëŋalëlar tsi nda tsaar tsi, ni kayëk-ipës, ni kawelan-been.

JÚDAS 1:3

Ind ba ŋala biki, man cësara mak pëpicari ind tsi uleka pëbuer nja pi ngë bofara pi. Man win ka pëpicari ind, pëliinc-liincan ind ngëwaas pa ind pëkamandër uwak wi bayëma wël a wi uyaas uloole, pa sandëndën.