2 TIMOTEU 2:21 - KARÚK-PËRIM KAWALU Nouveau Testament

²¹ Bi u ci bank, nan pënani bërierul mtsopi mmënts mun tsi ubiiraul, në ci kaŋí karooni ko un dëmbana wi, kan patsanaa, kan ka ki bëkat pa Nawiak, kan yecisa ki pa puu ro ko u wara wi-ba këwara.

2 TIMOTEU 2:21 ပူးပေါင်းရင်းမြစ်များ

NGËRO 9:15

Maa, Ajug jaul: “Tsëpan, par namëntsi, aci kaŋí ki n dat ki pa pëtsëpand katim nji tsi bërun ban cits biki Bajudeu, ni basien, ni babuk Israel.

1 KORINTU 5:7

Nda gutsari bëko-bëlëtsatsaani bëjon bun utsand, pa ndë ci ifar iwalu, bi nda tsijats bink bëko-bëlëtsatsaani. Par Këristu, nul unkaanel nja wi Ufesta-pëbuer, ajakana ba pa nja.

2 KORINTU 7:1

Bamiñ ba ŋal biki, bi ngë ka bink ngëwatsan ngan liing ngink, ngë jëntsandar bërier nja tsi bëtsopal uyamats, ni bi uwejats; ngë tuamës mjëntsandar tsi pëlënk Nasien-batsi.

2 KORINTU 9:8

Nasien-batsi aka pëyëlan pëwël ind bëtseend bucumal tsi ngëko bëlieng, pa ind pëka ko wi nda fier wi ngënu bëlieng, ndë ka buts ko un pe wi pa përoona ko uwar ngënu bëlieng;

EFEESU 2:10

Par ngë ci ko wi Nasien-batsi leemp wi. Aleemp nja tsi Yeesu Këristu pa ngëwar ngi na ro ngi yecis ba, pa n ja pëci tsi përo ngul.

1 TIMOTEU 6:11

Maa wi, ñaan Nasien-batsi, túkan ngëmënts ngun; moban tsi bëmabal, ni tsi pëlënk Nasien-batsi, ni tsi uwak, ni tsi bëŋal, ni tsi umiira, ni tsi kajuab-uwaas.

2 TIMOTEU 2:16

Randan ngëñakan karika-rispitaar Nasien-batsi. Par, ban ci biki tsi ngul, bu koo pe këpe përika-lënk Nasien-batsi.

2 TIMOTEU 2:20

Di kato kawiak, cits iŋi i leempëna yi ni uwëru, ni i leempëna yi ni mtsak uncaam ci yun din, maa aka rul buts yi itagëba, ni yi uni; yi ko un dëmbana wi aci, a yi ko un tienkëtsana wi ci.

2 TIMOTEU 3:17

Unk, ñaan Nasien-batsi ka yecisa uwar, pa puu ro ko un ci wi-ba këci uwar.

2 TIMOTEU 4:11

Lúkas koorul ci-un ni nji. Pënandi Marku, par ka kaarin bëkat tsi uleemp.

TIITU 3:1

Lesani bukul ba ka pëmob tsi ngi bañaan-utsua tsu ngi ni bañaan-pësien, puu ro ko un jaka wi, pëci ban yecis biki pa puu ro ko u wara wi-ba këwara.

TIITU 3:14

Ba yiic nja, bu ka pëjuk buts puu pe këpe përo ngëwar, pa pëfierësaraan ngan fiera ngi tsi uyëk wul. Unk, ba rits ci bakaats-bëkat.

TIITU 3:8

Përim pëmënts pi aci pan waka pi; a ŋal m doon kë mob mak tsi puu leents ngëmënts ngun, pa ba uwak biki tsi Nasien-batsi ka baar ibats tsi puu ro ngëwar. Ngëmënts ngun aci nga wara ngi mak, a nga ka bëkat pa bañaan.

1 PER 1:22

Bi nda jëntsan bink ngëwaas ind, tsi undo bi nda mob bi tsi ucär, pa ind pëka bëŋal ban kaats bi kanguungu tsi nda tsaar tsi, nda tambandari pëŋalëlar ni ngëwaas ngan jënts ngi.

1 PER 1:7

Mteenamana mmënts mi apiban uwak ind ka bëkat, pa wul pëtsënkan ubundan, ni përëmb, ni urispiitu, upibandari Yeesu Këristu. A wul uwak ind ape mak uwëru uni coka wi pëka bëkat, ŋal bi uwëru teenamana bi di bërua.

1 JOŊ 3:3

A nan kai ba këka uwats umënts wi, na jëntsandari bërierul, bi Këristu ci bi najënts.