2 TIMOTEU 2:2 - KARÚK-PËRIM KAWALU Nouveau Testament

² A ko wi n leents wi tsi bërun bacumal ba maatir biki a m te, tergaari wul bañaan ba mob biki tsi uwak, biki kan yëlan biki buts pëjukan wul balon.

2 TIMOTEU 2:2 ပူးပေါင်းရင်းမြစ်များ

MATEU 13:52

A na ja bukul: “Wul ka wun, napican-ulua nan ci nafets ngëko pësien batsi, anaam pi nawiak kato nan pënanii ngëko ngëwalu ni ngëjon tsi bëkaul.”

MATEU 24:25

Nji n car ank a leents ind.

LÚKAS 12:42

Ajug yankul, aja: “Yën ci-un naleemp na mobi tsi përim pi na jaka pi, na ka ibats? Aci naleemp ni nawiak kë tsui përukanda baleemp tsi katoul, uja ba band pëwëla bariala, në wël bukul.

1 KORINTU 4:2

Inkri, ko wi kan tsasa wi, tsi ban gaangana biki ko, aci nan ci, në ci na mob bi tsi përim.

2 KORINTU 2:14

Maa Nasien-batsi na baranaan, nul nan tsunjai a ngë kuk tsi Këristu pa sandëndën; a tsi nja na tsu Këristu na meaa tsi tsëko tsan ci tsi ba këci, pi pëñal ulicar garandar pun.

2 KORINTU 3:5

Cits pëjaa wund bërier wund ka bukun pëyëlan përo ulon ko, pi apënë-ni tsi wund; maa tsi Nasien-batsi, tsi pëyëlan wund pënë-ni tsun.

KOLOS 1:7

Wul aci ko wi Epafëras jukan ind wi, nul níic wund na ŋalee a na bof uleemp ni wund, a na ci na mobi tsi pëleempar Këristu pa ind.

1 TIMOTEU 1:12

Man baran na wëlini uyëlan, nul Këristu Yeesu, Ajug nja bi na wejats bink n ci ñaan nan wakee, bi na tsuin bink tsi uleempul,

1 TIMOTEU 1:18

Timoteu, napäts nji! Përim pi n du n tsuu pi pëmob, bi u jaka bi tsi irim in car yi aleentsa tsi ulekau, aci wi pëkaman ukam u wara wi, bi irim imënts ja bi;

1 TIMOTEU 4:14

Cats tienkëtsan bëtseend ban ci bi tsi wi, ba wëlau bi, bi përim bayëlia leentsa bi, a bëjúk ban tsua biki bajëŋal pafu iñan.

1 TIMOTEU 4:6

Uci m jukan ngul batsaar ni wi tsi Këristu, kë ci naleempar Këristu Yeesu, naleemp nawar na mobi tsi puu rialaan irim uwak, ni yi bëjukan buwar bi m fets bi uwar.

1 TIMOTEU 5:22

Cats cësara pëpaf iñan tsi ñaan, cats bofa tsi ngëjuban ñaan. Te wi bërieru, moban tsi pëci najëntsal.

1 TIMOTEU 6:12

Kamani ukam u wara wi, wi uwak; moban liincan ubiira un dits wi ka ba, wi m duuree wi, a m leents uwar uleka uwaku, tsi bërun bacumal ba maatir biki.

2 TIMOTEU 3:10

Maa wi, m mob uwar tsi bëjukan nji, bëro nji, ko wi n tsaag wi, uwak nji, umiira nji, bëŋal nji, pëtambandar nji,

2 TIMOTEU 3:14

Maa wi, moban tsi ko wi m juk wi a m win u ci ucär. Me ban jukanu biki,

BAYEBËREU 2:17

Wul ka wun na ka na roon, tsi ko un ci wi-ba këci, në ci pi batsaar ni nul. Unk në ruka ci nan pei pëci nawiak-bajakan na yëki ipës a na moband tsi ngi Nasien-batsi, në tsiji pëjampësaa ngëjuban bañaan-ucaak.