2 TIMOTEU 2:19 - KARÚK-PËRIM KAWALU Nouveau Testament

¹⁹ Maa ujuundi uliincal, di Nasien-batsi natsan di, lëg-lëgaats. Tampoŋ dul ci run përim pi: “Ajug ame ban ci biki bayiicul;” ni përim pi buts: “Na n jai ba këja abof ni Ajug, na lawani ngëko-kamabats.”

2 TIMOTEU 2:19 ပူးပေါင်းရင်းမြစ်များ

MATEU 24:24

Par barata bafälar, ni bayëlia bafälar, bu ka natsa, bu kë ro ngëpibanaani ngëwiak, ni ngëko ngan pikran ngi, pa puu fälëna bañaan, te ŋal ban data biki, uci ba yil bëro.

MATEU 28:19

Bi u ci bank, nda tsëpan, ndë tsu bañaan ban cits biki Bajudeu bëlieng pëci bafetsin; nda mijani bukul di katim Asin, ki Abuk, ni ki Uwejats-ujënts;

MATEU 7:23

Din, ka ja bukul tsi ko un jënts wi: Nji n meets ind yaas; nda lawanin, ind baro ngëko kamabats!

MATEU 7:25

a usubal subi, a uwëk-wëk bi, a ufuts natsee ee yërand kato kamënts kun, maa kato yërats, par ujuundi kul aci tsi ilaak.

MARKU 12:16

A ba iul pul. A Yeesu yepar bukul aja: “Bënaam yën ci bun bi, ni ko un picana wink?” A ba jaul: “Bi Seesar.”

MARKU 13:22

Par barata batsup, ni bayëlia batsup, bu ka natsa, bu kë ro ngëpibanaani, ni ngëko ngan pikran ngi, pa puu falëna bañaan, te ŋal ban data biki, uci u yëla bëro.

LÚKAS 13:27

Maa, në ja ind kak: ‘Nji n meets tsi nda pënë-ni tsi. Nda lawanin, ind bëlieng baro-ngëko-kawaraatsa.’

LÚKAS 6:48

Anaam ni ñaan nan ci tsi pëniew kato, na jëp tsëko awandan, na tsu ujuundi tsi bëlaak. A mlik mcum natsee, a uwëk-wëk bi ee kobar tsi kato kamënts kun, maa yëlaants pëlëg-lëgan kul, par aci kato ka niewa ki uwar.

KAKÚRAN-KAWAR YEESU KRISTU BI JOŊ LEENŢ BI KUL AJA 10:14

Nji n ci-un nayafan nawar; man me ngënkanel nji, a ngënkanel nji mein,

KAKÚRAN-KAWAR YEESU KRISTU BI JOŊ LEENŢ BI KUL AJA 13:18

Nji n ñakanaanats uleka ind bëlieng, par man me biki n dat biki. Maa aci pa pëbandan ko wi Bëpica n ja wi: ‘Nan ci tsi përe pëpom nji, ariang pësuanjul pëkamanin.’

KAKÚRAN-KAWAR YEESU KRISTU BI JOŊ LEENŢ BI KUL AJA 3:33

Ñaan na niirani ko wi na leents wi, apiban Nasien-batsi ci nacär.

NGËRO 11:26

bi na winul bi, a na tsëpandul Antiookia. Tsi uwaanu upëban, a ba bof tsi Ngëriisia Antiookia, bu kë jukan kandënd bañaan kawiak. Di Antiookia di bafets Yeesu ru cakës pëjakaa Bañaan-Këristu.

NGËRO 15:17

Din, bañaan ban duka biki, bu ka tsas Ajug, bukul bëlieng ban cits biki Bajudeu, biki kan duunaa biki katim nji. Unk di Ajug ja run, nul nan doi ngëko ngi bëlieng,

NGËRO 9:14

A tsiji tsi pëyëlan pi na yanki pi di bawiak-bajakan, pa pëmob bañaan bëlieng, biki kan du biki katimu.”

ROOMA 11:2

Nasien-batsi bërats bañaanul, biki na me biki ki uwal ujon. Ane nda meets ko wi Bëpica n ja wi tsi uleka Eliyas, bi nu ñakanaan bi Nasien-batsi, a na natsara Israel a nuu ja:

ROOMA 12:9

Bëŋal, ba ciin ban tsijats bi kanguungu. Nda bëran ko u waraatsa wi, ndë mob u wara wi.

ROOMA 15:20

Unk, a n tambandër tsi pëleents Upetsan-uwar, di ngëleka ngi katim Këristu netse ngi leentsaa, pa përits niew tsi ruets ujuundi nalon;

ROOMA 15:9

ni pëtsu ban cits biki Bajudeu përëmban Nasien-batsi, tsi undo kayëk-ipësul, bi u picana bi aja: “Wul ka wun, nji mán dëmbanu tsi pëncuaf ban cits biki Bajudeu, ka ya iya ubëndan pa katimu.”

ROOMA 8:28

Nja ngë me ne, ngëko bëlieng abof uleemp pa uwar ba ŋal biki Nasien-batsi; ban duee biki tsi uŋalul.

ROOMA 9:11

Par batantëmb bukun netse ro bukee, te bu roots nin ko u wara wi, nin u waraatsa wi, pa utsaag Nasien-batsi tsi uleka bërat pëci u liinc wi;

1 KORINTU 1:2

pa Ngëriisia Nasien-batsi ngan ci ngi di Korintu, ban jëtsanana biki tsi Këristu Yeesu, ban duura biki pëci, ni ba nja biki ba roon tsi ngëleka bëlieng, bu kë ru bëlieng katim Yeesu Këristu, Ajug nja; aci Ajug bukul a na ciind níic nja.

1 KORINTU 8:3

Maa uci ñaan ŋal Nasien-batsi, Nasien-batsi ka meul.

2 KORINTU 7:1

Bamiñ ba ŋal biki, bi ngë ka bink ngëwatsan ngan liing ngink, ngë jëntsandar bërier nja tsi bëtsopal uyamats, ni bi uwejats; ngë tuamës mjëntsandar tsi pëlënk Nasien-batsi.

GALAASIA 4:9

maa bi nda me bink Nasien-batsi inkri, te aci Nasien-batsi me ind un, um bi nda witsa bun kak di bëro ban daf bi a ba ciind bëra n jal, a nda kaka ŋal pëci baluek bul?

EFEESU 2:20

Nda leempan tsi ujuundi di bapostolu ni bayëlia leemp ri; a nul Yeesu Këristu bërierul ci-un pëlaak pëtsaak.

EFEESU 3:15

tsi nul tsi pëbuka pan ci pi-ba këci di batsi oo tsi utsia kaana tsun katim;

EFEESU 4:30

Ind tsë tsu Uwejats-ujënts Nasien-batsi u juatsan, wul wi nda markaaraana wi pa unu kaluk-pëbuer.

1 TIMOTEU 3:15

maa uci n bi n faatsan pëbi, kë me bi bañaan ka bi përo di kato Nasien-batsi, un ci wi, Ngëriisia Nasien-batsi nayësal; ngul Ngëriisia ci ngun pëcap ni ujuundi ucär.

1 TIMOTEU 6:19

Unk di bu kuu jukëlën dun bëka buwar, bëliincal, pa tsi bërun, pa bukul pii tsënkan ubiira un ci wi ubiira ucär.

BAYEBËREU 11:10

Par, aro ka lip këlip përaasa pan ka pi iujuundi, a Nasien-batsi ci-un na n jaaki bi pu ci bi, a na ciind na leempi pul.

2 PER 3:14

Wul ka wun, bamiñ ba ŋala biki, bi nda ci bink tsi pëlip ngëko ngëmënts ngi, nda tambandari pa nul pëwin nda ci tsi pëfac, nda rits ka basal, ndë ci ban dits biki ka leentsara.

1 JOŊ 2:19

Bukul bë pënëna tsi pëncuaf nja maa bë cits bayiic inja; par uci ba ro ci bayiic nja bu ka ro mob tsi pëci ni inja. Maa bë pën atsëp, a u piban, bukul bëlieng bë cits bayiic inja.

UPIBAN 17:8

U n jar wi m win wunk, aro ci, maa katse wink aci. Ka payee u pëni di baar-tsëko-unoor, u tsëp pëniam. A ban ciina biki umundu, bukul biki itim bukul picanaatsa yi di ulibëru ubiira, ki umundu juund ki, bu ka pikra uwin bukul un jar umënts wun; par wul aro ci, a katse wink aci, maa kee u ci kak.

UPIBAN 2:13

‘Ma me tsi m ciina tsi: tsul tsi pëtsoari-pësien Useetaani ci tsun. Maa, m mob tsi katim nji m liincan, a m wëtaants uwak nji, ŋal uwal wi Antipas fiŋa wi, nul nan ci namaatir-ngëmiñ, na mobi tsi ngul; afiŋa tsi pëncuaf ind, tsul tsi Useetaani ciina tsi.

UPIBAN 21:14

Pëlënk përaasa pëmënts pun aka ngë ujuundi untaaja ni ngëtëb; a itim bapostolu Ubuk-unkaanel picana tsi ngul, bukul untaaja bukun ni batëb.

UPIBAN 22:4

bu kë win urostuul, katimul ka ci tsi ijúk bukul.

UPIBAN 3:8

‘Ma me ngi m ja ngi m doon kuu ro. Teenan-e! Man tsu tsi bërunu pëlëman pa waantsa pi, pi ñaan yëlaants pi përíc. Ma me m tienkëts pëyëlan, maa m mob tsi përim nji a m wëtaants katim nji.