2 TIMOTEU 2:12 - KARÚK-PËRIM KAWALU Nouveau Testament

¹² uci ngë mob tsi pëmiira, n ja kee sien ni nul. Uci ngë wëtanul, nul buts nii wëtan n ja;

2 TIMOTEU 2:12 ပူးပေါင်းရင်းမြစ်များ

MATEU 10:33

Maa ba wëtanin biki tsi bërun bañaan, nji buts, tsi bërun Asin nji nan cii di batsi, mee wëtan bukul buts.

MATEU 26:35

A Per yankul, aja: “Ŋal ank ka ka pëcäts ni wi, nin in di ka ja i meetsu.” A bafets bëlieng ja pëloole pan.

MATEU 26:75

Din a Per les përim pi Yeesu ro pi jaul: “Uguk ka ruka ka aan, kë pok m meetsin aa ngëyaas ngëwaants.” A na pën acil utsand, a na rug, ajuatsan mak.

MARKU 10:33

A na ja bukul: “Nda teenan-e! Nja ka kata bikink pëtsëp Jerusalem; Abuk ñaan-najin ka gutsa tsi iñan bawiak-bajakan, ni bapican-ngëtsua. Bu ka lacanul pa na fiŋa, bu ka gutsul tsi iñan ban cits biki Bajudeu.

MARKU 8:38

Par, nan kawee tsi uleka nji ni irim nji tsi bañaan ntsari biki, ba mabats biki tsi Nasien-batsi a ba ciind bajuban, Abuk ñaan-najin buts, kee kawa tsi ulekaul ubiul ni ngëwaanju ngëyëman di përëmb Asin.”

LÚKAS 12:9

Maa, na niiraantsi tsi bërun bañaan na ci namiñ, di kee niirana buts tsi bërun ngëwaanju Nasien-batsi.

LÚKAS 22:29

Mán kaar ind pësien, bi Asin nji kaarin bi pul;

LÚKAS 22:30

pa ndë riala, ndë raan ni nji, di pësien nji; ndë tsoar tsi itsoari-pësien, pa ndë wat këbuka Israel untaaja kun ni këtëb pëleents.”

LÚKAS 9:26

Par, ñaan nan kawee tsi undo nji ni irim nji, Abuk ñaan-najin kee kawa tsi undoul, ubiul ni përëmbul, ni pi Asin, ni pi ngëwaanju ngëyëman.

NGËRO 14:22

ee liinc-liincan ngëwaas bafets Yeesu, ba tseend bukul ibats pa ba mob tsi uwak ba liincan; a ba piban bukul u ci tsi unoor uwiak winja kë niajëna wun pësien Nasien-batsi.

ROOMA 5:17

Par uci tsi ulaci ñaan naloole baŋ, pëcäts sienëna tsi undo ñaan namënts un, um bi ban cum biki bëtseend apar-paran, a ba wëla utseend pëci bamabal dits run ka sien tsi ubiira, undo ñaan naloole baŋ, nul Yeesu Këristu.

ROOMA 8:17

A uci ngë ci upäts Nasien-batsi, ngë ci barukanda, barukanda ngi Nasien-batsi, barukanda ni Këristu. Uci bi ngë bof bink tsi unoorul, n ja kee bof buts tsi përëmbul.

FILIIPUS 1:28

Te nda lënkats koon këlënk bakaman ind. Umënts wun aci bukul ko un piban wi pëniam bukul, maa ind, pëbuer ind; a u ci-un pënë-ni wi tsi Nasien-batsi.

1 TIMOTEU 5:8

Uci ñaan dits ka këmand bayëtsul, andes bañaan katoul, namënts un awëtan uwak, a na pe ñaan na wakatsi pëwaraatsa.

JÚDAS 1:4

Par balon bañaan, biki ulaci bukul jon wi ki u pica ki, bu yuembi ee niaj tsi pëncuaf ind. Bukul bë ci bameets-nasien-batsi, a ba witsës bëtseend Nasien-batsi nja pa puu ro ngëko katuk-ufuts. A ba bër Yeesu Këristu, nul Najukan nja naloole baŋ, a na ci Ajug.

UPIBAN 1:6

a na tsu nja a ngë ci pësien, a ngë ci bajakan pa Nasien-batsi, Asinul: Përëmb ni pëyëlan aci pa nul, pa sandëndën. Ameen!

UPIBAN 1:9

Nji Joŋ, nan tsaari ni ind, acints ind tsi unoor, ni tsi pësien, ni tsi pëtambandar tsi Yeesu, man ci di unjiu Patëmos, undo përim Nasien-batsi ni pëleents uleka Yeesu.

UPIBAN 2:13

‘Ma me tsi m ciina tsi: tsul tsi pëtsoari-pësien Useetaani ci tsun. Maa, m mob tsi katim nji m liincan, a m wëtaants uwak nji, ŋal uwal wi Antipas fiŋa wi, nul nan ci namaatir-ngëmiñ, na mobi tsi ngul; afiŋa tsi pëncuaf ind, tsul tsi Useetaani ciina tsi.

UPIBAN 20:4

A n win itsoari-pësien; ban tsoar biki tsi yul bu wëla pëyëlan pëwat-pëleents. A n win buts ngëwaas ban fala biki iyeen undo bu leents ngi Yeesu ngi ba maatir ngi, ni undo përim Nasien-batsi; a n winand ban jintëlaatsa biki nin un jar, nin bënaam wul, a bu yankats umarëka, nin tsi pëjúk, nin tsi kañan. Bë kak bayësal, a ba sien ni Këristu, te ngëwaanu umiil (1.000).

UPIBAN 20:6

Bë naak, a ba yëman, ban bof biki tsi kanatsee-di-pëcäts kacak! Pëcäts pëtëbantsan yëlaants ko tsi bukul, maa bu ka ci bajakan Nasien-batsi ni biki Këristu, bu kë sien ni nul aa ngëwaanu umiil (1.000).

UPIBAN 3:10

Undo m mob tsi përim umiira nji, nji buts mán dandanu uler wi pëteenamana kë baandë-ni wi umundu upëban, pa pëteenaman ban ciina biki umundu.

UPIBAN 3:21

Nakuk, mán tsuul në tsoar ni nji, tsi pëtsoari nji pi pësien, bi n kuk bi a n tsoar ni Asin nji, tsi pëtsoariul pi pësien.

UPIBAN 3:8

‘Ma me ngi m ja ngi m doon kuu ro. Teenan-e! Man tsu tsi bërunu pëlëman pa waantsa pi, pi ñaan yëlaants pi përíc. Ma me m tienkëts pëyëlan, maa m mob tsi përim nji a m wëtaants katim nji.

UPIBAN 5:10

M tsu bukul a ba ci pësien, ni bajakan, pa puu leempar Nasien-batsi wund, bu ka sien tsi umundu.”