2 TIMOTEU 1:8 - KARÚK-PËRIM KAWALU Nouveau Testament

⁸ Bi u ci bank, cats kawa puu leents ko wi m ciina wi tsi uleka Ajug; a te cats kawa tsi uleka nji, bi n dica bink, undoul. Maa, nooran ni nji pa Upetsan-uwar, tsi puu sëtsaraan pëyëlan Nasien-batsi,

2 TIMOTEU 1:8 ပူးပေါင်းရင်းမြစ်များ

MARKU 8:38

Par, nan kawee tsi uleka nji ni irim nji tsi bañaan ntsari biki, ba mabats biki tsi Nasien-batsi a ba ciind bajuban, Abuk ñaan-najin buts, kee kawa tsi ulekaul ubiul ni ngëwaanju ngëyëman di përëmb Asin.”

LÚKAS 9:26

Par, ñaan nan kawee tsi undo nji ni irim nji, Abuk ñaan-najin kee kawa tsi undoul, ubiul ni përëmbul, ni pi Asin, ni pi ngëwaanju ngëyëman.

KAKÚRAN-KAWAR YEESU KRISTU BI JOŊ LEENŢ BI KUL AJA 15:27

Ind buts nduu leents, par nda ci ni nji ki ujuundi.

KAKÚRAN-KAWAR YEESU KRISTU BI JOŊ LEENŢ BI KUL AJA 19:35

Na winuli, aleents ko un par wi; a ko wi na leents wi, aci ucär. Nul ame ko wi na ja wi ci ucär, pa ind pëwak buts.

NGËRO 5:41

A bapostolu pën di kato kawat-pëleents kawiak, a ba lílan, undo bi ba winaa bi ba tsënkan pëjaa bë kawarëna tsi undo Katím ki.

ROOMA 1:16

Par nji, in di ka n kawara Upetsan-uwar, wul aci pëyëlan Nasien-batsi pa pëbuer na waki ba këwak; ucak aci pëbuer Najudeu, a u ru ci pëbuer nagërek.

ROOMA 16:25

Përëmb pa wëlaan nan ka unk pëyëlan pa pënatsan ind, bi n leents ind bi Upetsan-uwar, ni përim pi Yeesu Këristu leents pi, bi na piban bunk undoots wunk meaa, a u ro gaangaa ki ngëwal ngan par ngi;

ROOMA 8:36

Bi u picana bi aja: “Undou ka wun wund tsua tsi pëcäts unu upëban, a wund tsuaa pi ngënkanel di tsëfiŋëni.”

ROOMA 9:33

bi u picana bi, aja: “Teenan-e, mán tsu di Sion pëlaak pi kan tsu pi ñaan na jontas, ni bulaak bi kan tsu bi ñaan na yër; a ñaan na waki ba këwak tsi bul, di ka kawarana.”

1 KORINTU 1:6

Unk di bëci Këristu pibana run di ind,

2 KORINTU 6:7

ni tsi përim ucär, ni tsi pëyëlan Nasien-batsi, ni tsi wund pëtsij ikamanaani tsi bëmabal, puu jotëna ukam ni puu waayaraan;

EFEESU 3:1

Wul ka wun, nji Pol, nan ci narica tsi Yeesu Këristu pa ind ban cits biki Bajudeu,

EFEESU 3:13

Wul ka wun ndu ñaan ind, ngëwaas ind tsë catsar ngënoor ngi n ci ngi tsi pëpar-na tsi uleka ind, par aci përëmb ind.

EFEESU 4:1

Wul ka wun, nji narica nan ci tsi Ajug, man buara ind nda ru kë yandaar uwar tsi karua ki nda ruuree ki,

EFEESU 4:17

Wul ka wun, ko wi, wi n du n ja wun, a ndu n leents wul tsi Ajug: Ind tsë kaka yandaar bi ban cits bukunk Bajudeu kë yandaar bunk tsi ngëwejats bukul bërier bukul ngan kaats ngi bëkat.

FILIIPUS 1:7

Nji pëwejats unk tsi uleka ind, ind bëlieng, aci ko u mab wi, par man tsu ind tsi uwaas nji; par tsi mdica mi n dica mi, ni tsi pënatsar Upetsan-uwar ni pëpiban u baaraan pëci, ind bëlieng nda bof ni nji tsi bëtseend Nasien-batsi.

FILIIPUS 3:10

Man ŋal pëme Këristu, ni pëyëlan pënatsa pi na natsee pi di pëcäts, ni kambof tsi unoor wi na noor wi ba kënoor, ka ruka n naam pi nul tsi pëcätsul,

FILIIPUS 4:13

Man yëlan ko un ci wi-ba këci, tsi Këristu, nawëlin pëyëlan.

KOLOS 1:11

A ni pëyëlan pan ci pi-ba këci, ndë watsësaa pëyëlan-ko; din u ci ko u mab wi ni uyëlan përëmbul, pa tsi ko un ci wi-ba këci ndë yëlan pëliincandër ni pëmiira.

KOLOS 1:24

Inkri, man lílan tsi ngënoor ngi par-na ngi tsi undo ind. A ngan duka ngi tsi ngënoor Këristu, mán tuam ngul tsi uyamats nji, undo uliaful, un ci wi Ngëriisia.

1 TESALONIKA 3:4

Par, uwal wi wund ro wunk ci ni ind, a wund ro car aleents ind ja kë noor-noorana. A wul baandi wun, a nda me.

1 TIMOTEU 2:6

nul wël un ubiiraul bërierul pa pëlukëna pëbuer bañaan bëlieng: Ci wun ko u leentsa wi tsi uwal un do wi yecisa ba;

2 TIMOTEU 1:10

inkri, tsi upibandari Nabueran nja Këristu Yeesu, a bëtseend bëmënts bi pibanaa. Nul cok un uyëlan pëcäts, a tsi Upetsan-uwar a na cil ani pëyës ni karika-cats.

2 TIMOTEU 1:12

A wul ka wun n ci tsi unoor tsi ngëmënts ngi. Maa nji kawaraatsa ngul, par man me ni n tsuuni uwak, a n fiaar koon na yëlan pëwaay ko wi n gaangana wi, te Unu umënts wan.

2 TIMOTEU 1:16

Ajug na yëkari bañaan kato Onesiforu ipës. Par, arëmb puu juabutsanin uwaas, a te kawaraatsa bi n dica bink;

2 TIMOTEU 2:3

Kaan kafau tsi unoor, pi nasondaari na mobi tsi Këristu Yeesu.

2 TIMOTEU 2:8

Lesan Yeesu Këristu, nul na natsee di pëcäts; apënë-ni di kajër Dawid, bi Upetsan nji Uwar ja bi,

2 TIMOTEU 2:9

a n ci tsi unoor undo wul, aa n tsënkëne n tanaa mkorente, pi naro-ngëko-kawaraatsa. Maa përim Nasien-batsi tanaatsa.

2 TIMOTEU 4:17

Ajug tsënkin un, a na wëlin uyëlan, pa n leents përimul bëlieng, pa ban cits biki Bajudeu bëlieng ka te pul. A n pënanee di mtum ulioŋ.

2 TIMOTEU 4:5

Maa wi, moban beenu tsi ko un ci wi-ba këci, miiraan tsi unoor, leempan uleemp naleents Upetsan-uwar, leempan bëlieng uleemp wi m duuree wi.

1 PER 1:5

A tsi undo uwak ind, nda gaanga tsi pëyëlan Nasien-batsi, pa pëbuer pan yecisa pi pëpibana tsi uwal utuami.

1 JOŊ 4:14

Wund awin, a wund leents Asin yëli Abukul pa pëci Nabueran umundu.

JÚDAS 1:24

Nasien-batsi ka un pëyëlan përandan ind pëyër pan ci pi-ba këci, ni pëtsu ind pëci ban kaats biki ulaci tsi bërun përëmbul, ni ulílan.

UPIBAN 1:2

a Joŋ leents ko wi na win wi ba këwin, un ci wi, përim Nasien-batsi ni ko wi Yeesu Këristu maatir wi a na leents.

UPIBAN 1:9

Nji Joŋ, nan tsaari ni ind, acints ind tsi unoor, ni tsi pësien, ni tsi pëtambandar tsi Yeesu, man ci di unjiu Patëmos, undo përim Nasien-batsi ni pëleents uleka Yeesu.

UPIBAN 12:11

Bë kukëna wul pëñaak Ubuk-unkaanel, ni përim pi ba ja pi tsi uleka ko wi ba maatir wi. Bë ŋalats ubiira bukul, te ŋal pëcäts.

UPIBAN 19:10

A n yër tsi iyots wul pa pëjintëla wul, maa a u jain: “Teenan-e, cats ro! Man ci acintsu naleemp, a n ciind acints ban tsaar biki ni wi, ba mob biki tsi ngi Yeesu. Jintëlaan Nasien-batsi; par pëmob tsi ngi Yeesu, ci wun uwejats pëleents u meaatsa wi.”