2 TIMOTEU 1:3 - KARÚK-PËRIM KAWALU Nouveau Testament

³ Ma n ja Nasien-batsi baran, nul ni n ci tsi pëleempar, pi batiem-batiem nji, ni ume-kabats ujëntsal, uwal wnja wi n doon koo n lesu tsi bëñaan nji, bërëm ni pënak.

2 TIMOTEU 1:3 ပူးပေါင်းရင်းမြစ်များ

LÚKAS 2:37

ayënul cäts. Na ruka unk, aa na ka ngëwaanu ngëntaaja këwas ni ngëbaakër. Nul, di ka pën di kato-kayëman; aja na roon, bërëm ni pënak, nuu bëndan Nasien-batsi, nuu ci tsi kabër-mlik, ni bëñaan.

NGËRO 22:3

“Nji, man ci Najudeu, man bukëna Tarsu di Siliisia. Maa, a n kusëna tsi përaasa pi; tsi kañan Gamaliel tsi jukanaana tsun ko u mab wi tsi ulua basin nja a n do ka yëkandar ngi Nasien-batsi, pi ind bëlieng ntsari.

NGËRO 23:1

A Pol kaŋan Bëjúk bawat-pëleents bawiak këkës, a na ja: “Batsaar ni nji bayënts, man yandaar tsi bërun Ajug ni uwejats uwar un ci wi-ba këci, te unu untsari.”

NGËRO 24:14

Maa, mán pets n jau, ma nja n doon koo leempar Nasien-batsi basin wund tsi Bëga bi ba ja bank ‘bëtawsër bëjukan ban pats bi;’ a n wakand tsi ngëko bëlieng ngan bofëna ngi tsi ulua, ni tsi bëpican bayëlia.

NGËRO 24:16

Wul ka wun, a n do buts uyëlan pa pëwëtaants pëtsij uwejats utsëkal tsi bërun Nasien-batsi, ni tsi bërun bañaan-bajin.

NGËRO 26:4

Tsi uleka ubiira nji, bi u par bi ja ki ujuundi, bi wam bi napäts di bañaan nji di Jerusalem, bukul Bajudeu me bëlieng.

NGËRO 27:23

Par, tsi bërëm bi, ulon uwaanju Nasien-batsi, nan kaini, ni n du leempari, acili tsi bërun nji,

ROOMA 9:1

Mán leents ucär tsi Këristu, in di ka n tsup. tsi Uwejats-ujënts, uwejats nji bërierin aleents ko wi n ci wi, aja:

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

GALAASIA 1:14

Man do pe bacumal tsi ngëraan nji ni bañaan-ucaak nji pëmob tsi bëga Bajudeu, a nja doon ka yëkandar ngëndimaan basin nji mak.

EFEESU 1:16

in wëtaants pëja Nasien-batsi baran pa ind, ni puu les ind tsi bëñaan nji.

1 TESALONIKA 3:10

Bërëm ni pënak, wund kë pe këpe pëñaan pa pëkaka win ind, din wund ka kësës ngan kats ngi uwak ind.

1 TIMOTEU 1:19

kë moband tsi uwak, ni tsi uwejats un fac wi. Uwejats umënts wun, balon awëtan wul, din a ba niaman uwak.

1 TIMOTEU 1:5

Ko un ka wi n tsuu përo ank, aci pa pëpiban bëŋal ban pëni bi di uwaas un jënts wi, ni di ume-kabats un fac wi, ni di uwak un kaats wi kanguungu.

1 TIMOTEU 5:5

Nan catsëndani ayënul a na baaraan përuka unk, a na ci koorul baŋ, namënts un atsu uwatsul tsi Nasien-batsi, a bërëm ni pënak nuu tambandar tsi pëyep bëtsënk, ni tsi bëñaan.

2 TIMOTEU 1:5

a n lesand uwak un ci wi di wi; kanguungu cits tsi wul. Wul, aro ci bërun di atiemu ŋaats, Lois, a u bi ci buts di aninu Ënis. A n baaraan pëfiaar u ci buts di wi.

2 TIMOTEU 3:15

a m les, m me Bëpican Bëyëman ki m wam ki napäts. Ngul, a yëlan pëwëlu kameko, pa pëtsëpandu aa uwaku tsi Këristu Yeesu ka bueranu.

BAYEBËREU 13:8

Yeesu Këristu aci bi na ci bunk, taakal, ntsari, pa sandëndën.