2 TIMOTEU 1:12 - KARÚK-PËRIM KAWALU Nouveau Testament

¹² A wul ka wun n ci tsi unoor tsi ngëmënts ngi. Maa nji kawaraatsa ngul, par man me ni n tsuuni uwak, a n fiaar koon na yëlan pëwaay ko wi n gaangana wi, te Unu umënts wan.

2 TIMOTEU 1:12 ပူးပေါင်းရင်းမြစ်များ

MATEU 12:21

Din, ban cits biki Bajudeu ka watsaraan katimul.”

MATEU 24:36

Nin ñaan meets unu ni uwal umënts, ŋal ngëwaanju batsi, nin Abuk, aci koon Asin koorul.

MATEU 7:22

Tsi unu umënts, bañaan bacumal koo jain: ‘Ajug, Ajug! Wund carats iink aleents përim tsi katimu-a? A wund ruakats iink ngëcaay tsi katimu-a? A wund roots iink ngëko ngëcumal ngi bawitsa tsi katimu-a?’

LÚKAS 10:12

Man ja ind: Tsi unu kawat-pëleents, Sodooma ka pe përaasa pëmënts pëtiesëtsana pëjuatsan.

LÚKAS 23:46

A Yeesu lië mak, aja: “Paapa, man wëtandaru uyafënts nji.” Ubaul pëja përim pan, a na juab.

KAKÚRAN-KAWAR YEESU KRISTU BI JOŊ LEENŢ BI KUL AJA 17:15

Nji n ñaandarats wi pëpënan bukul tsi umundu, maa randani bukul kañan Ujuatsal.

KAKÚRAN-KAWAR YEESU KRISTU BI JOŊ LEENŢ BI KUL AJA 6:44

Nin ñaan yëlanats pëbi tsi nji, ucits ba Asin nji, na yëliini, tsijiul un. A nji, mee n natsaniul di pëcäts, tsi unu utuami.

NGËRO 13:46

Din, Pol ni Barnabas ñakanaan bukul ni bëyeentsal, aja: “Ind ka bukun pëleentsa përim Nasien-batsi ucak; maa, bi nda bër bink pul, a nda wejats bërier ind pëja nda tsënkaants pëyank ubiira un dits wi ka ba, inkri wund ka witsësa pa ban cits biki Bajudeu.

NGËRO 13:50

Maa, Bajudeu sualan bakaats ba lënk biki Nasien-batsi a ba ciind ban dëmbana biki, ni bawiak përaasa, a ba natsara pënoor-nooran Pol ni Barnabas, ba ruak bukul di pëboos bukul.

NGËRO 21:13

Maa, Pol jankma aja: “We tsu wun a ndu rug, a ndu cokin uwaas? Nji man yecis, cits pëjaa pëtana rin, maa pëcäts di Jerusalem undo katim Yeesu, Ajug.”

NGËRO 7:59

Bi bu kë tap bi Estefan ni ilaak, a na ñaan aja: “Yeesu Ajug! Yankan uwejats nji.”

NGËRO 9:16

Mán pibanul bi na ka bi pënoor, undo katim nji.”

ROOMA 1:16

Par nji, in di ka n kawara Upetsan-uwar, wul aci pëyëlan Nasien-batsi pa pëbuer na waki ba këwak; ucak aci pëbuer Najudeu, a u ru ci pëbuer nagërek.

ROOMA 9:33

bi u picana bi, aja: “Teenan-e, mán tsu di Sion pëlaak pi kan tsu pi ñaan na jontas, ni bulaak bi kan tsu bi ñaan na yër; a ñaan na waki ba këwak tsi bul, di ka kawarana.”

1 KORINTU 1:8

Nul ka liinc-liincan ind un te di utuami, pa ind pëci ban dits biki ka leentsara tsi Unu Yeesu Këristu, Ajug nja.

1 KORINTU 3:13

uleemp kara ñaan kee winaa; Unu kawat-pëleents kee piban wul, par bërua ka piban bun wul; uleemp kara ñaan, bërua bërier bul kee teenaman bun wul.

FILIIPUS 1:20

Ko wi n dí wi mak pëwin, ni tsi uwats nji, aci nji përits kawarana koon këkawarana, maa n doon ka liincan katsëb. Këristu ka rëmbanaa tsi uliaf nji, tsi inkri ni tsi ngëwal bëlieng, uci ank pëpar-na ubiira, oo pëcäts.

FILIIPUS 3:10

Man ŋal pëme Këristu, ni pëyëlan pënatsa pi na natsee pi di pëcäts, ni kambof tsi unoor wi na noor wi ba kënoor, ka ruka n naam pi nul tsi pëcätsul,

FILIIPUS 3:21

nii witsës ngëliaf nja ngul ngan tienkëtsana ngi, në tsu ngul ngë naam ni uliaful wi përëmb. Ka roona ko wan tsi pëyëlan pi na ka pi, pi nu tsuuna pi ngëko bëlieng, nga fets përimul.

FILIIPUS 3:8

Tsi ucär, man tsu ngëko bëlieng pi kaniaman-ko, undo ko un pe wi pëwara, un ci wi pëme Këristu Yeesu, Ajug nji. Tsi undoul a n niaman ngëko bëlieng. Man tsu ngul pi ngëtsopal ngan gutsaa ngi. Unk ka ka Këristu,

1 TESALONIKA 2:16

a bu kë laaŋ wund pëñakanaan ban cits biki Bajudeu pa ba buer. Unk, tsi ngëwal bëlieng, bu kë watsës ngëjuban bukul, a ba par-paran. Maa tsi utuami, uriab Nasien-batsi ayërëna bukul.

1 TESALONIKA 5:4

Maa ind, batsaar ni wund, nda cits tsi karëm, pëjaa unu umënts apúuts ind pi nakiej.

1 TIMOTEU 6:20

Wi, Timoteu! Gaangan uwar ko wi m tananaa wi, kuu rand ngëñakan karika-rispitaar Nasien-batsi, ni irim mantotëlër in ci yi kafal maa a i jaka aci ume;

2 TIMOTEU 1:14

tsi bëtsënk Uwejats-ujënts, wul un ci wi di nja waayan bëgaang bëwar.

2 TIMOTEU 1:16

Ajug na yëkari bañaan kato Onesiforu ipës. Par, arëmb puu juabutsanin uwaas, a te kawaraatsa bi n dica bink;

2 TIMOTEU 1:18

Ajug na tseendanul pëyëkara ipës tsi bërun Ajug, tsi Unu umënts wan. A te m pe pëme ngi na roorin ngi bëlieng di Efeesu.

2 TIMOTEU 1:8

Bi u ci bank, cats kawa puu leents ko wi m ciina wi tsi uleka Ajug; a te cats kawa tsi uleka nji, bi n dica bink, undoul. Maa, nooran ni nji pa Upetsan-uwar, tsi puu sëtsaraan pëyëlan Nasien-batsi,

2 TIMOTEU 2:9

a n ci tsi unoor undo wul, aa n tsënkëne n tanaa mkorente, pi naro-ngëko-kawaraatsa. Maa përim Nasien-batsi tanaatsa.

2 TIMOTEU 4:8

Inkri, ucape-pësien wi bëmabal ayecisa pa nji, un ci wi, uluumpan undo ubiira ujëntsal: Ajug, nul nan ci nawat-pëleents namabal, ka wëlin wul tsi Unu umënts wan. A te cits nji rin ka wëla un, maa ba ŋal biki a bu kë lip ubaandariul, bukul bëlieng bu ka wëla wul.

TIITU 3:8

Përim pëmënts pi aci pan waka pi; a ŋal m doon kë mob mak tsi puu leents ngëmënts ngun, pa ba uwak biki tsi Nasien-batsi ka baar ibats tsi puu ro ngëwar. Ngëmënts ngun aci nga wara ngi mak, a nga ka bëkat pa bañaan.

BAYEBËREU 12:2

Nda ju ngë jutsan këkës tsi najuund uwak a na ciind natsu wul u ba pëci uwar, nul Yeesu. Abër ulílan un tsuaul wi tsi bërun, a na miira a cäts tsi kruus, tsuuts mkaw ko; a na tsoar tsi kariir pëtsoari Nasien-batsi pi pësien.

BAYEBËREU 2:18

Par, undo nul bërierul apar-na unoor uwal wi na teen-teenana wi, wul ka un na yëlan pëtsënk ban ci biki tsi pëteen-teenana.

BAYEBËREU 7:25

Wul ka wun, biki kan biini tsi Yeesu abaandi tsi Nasien-batsi, nul Yeesu ayëlan pëbueran bukul, te ko di ka ruka; par nul aci nayësal tsi ngëwal bëlieng, pa pëñaandar bukul.

1 PER 1:5

A tsi undo uwak ind, nda gaanga tsi pëyëlan Nasien-batsi, pa pëbuer pan yecisa pi pëpibana tsi uwal utuami.

1 PER 4:16

Maa uci na ci tsi unoor pi Ñaan-këristu, nul tsë kawara ko wan, maa na rëmbani Nasien-batsi tsi undo katim ki.

1 PER 4:19

Wul ka wun, biki kan do biki uwar, a bu kë noor tsi undo uŋal Nasien-batsi, ba tsuun ngëwaas bukul tsi Naleemp ngëko bëlieng, nul namob tsi përim.

JÚDAS 1:24

Nasien-batsi ka un pëyëlan përandan ind pëyër pan ci pi-ba këci, ni pëtsu ind pëci ban kaats biki ulaci tsi bërun përëmbul, ni ulílan.