2 TESALONIKA 3:6 - KARÚK-PËRIM KAWALU Nouveau Testament

⁶ Batsaar ni wund, tsi katim Ajug nja Yeesu Këristu, wund atsu ind puu ro ko wi: Nda lawani nan tsaari ba këtsaar ni nja a na ci ni ubiira katsuunk-uleemp, u mabats wi ni ko un ja wi u roon uu rolaa, wi wund jukanul wi.

2 TESALONIKA 3:6 ပူးပေါင်းရင်းမြစ်များ

MATEU 18:17

A uci na pok pëcikëndën bukul, leentsan Ngëriisia ko umënts. A uci na pok buts pëcikëndën Ngëriisia, tsuun nul pi nameets-nasien-batsi, ni pi nayep bëluk-uraasa.

ROOMA 16:17

Batsaar ni nji, man buara ind pa nda ruk ibats tsi uleka ba nja biki ba roon bu kë tsiji ngëkicës ni pëtsu bañaan ba yër, ba ja ba roon bu kë pok bëjukan bi nda jukana bi; nda lawani bukul,

1 KORINTU 11:2

Tsi ucär, man bëndan ind, par nda ja nda roon ndu lesin tsi ko un ci wi-ba këci, a nda mob tsi ngëdiimaan ngi n wël ind ngi.

1 KORINTU 5:4

Nda ka pëbof tsi katim Yeesu Ajug, ind ni uwejats nji, ni pëyëlan Yeesu Ajug nja

1 KORINTU 5:9

Man picandar ind ba uletar a nja ind, ind tsuuts bofëlar ni baro ngëko katúk-ufuts.

2 KORINTU 2:10

A ni nda jampësee ulon ko, nji buts ma njampësaul. Par tsi ucär, ucnjampësa ñaan ko tsi undo ind, aci tsi bërun Këristu tsi njampësaul tsun;

EFEESU 4:17

Wul ka wun, ko wi, wi n du n ja wun, a ndu n leents wul tsi Ajug: Ind tsë kaka yandaar bi ban cits bukunk Bajudeu kë yandaar bunk tsi ngëwejats bukul bërier bukul ngan kaats ngi bëkat.

KOLOS 3:17

Ko wi nduu ro wi ba këro, tsi irim oo tsi karo-ko, nda roan wul tsi katim Yeesu, Ajug; tsi nul nduu baran Nasien-batsi, Asin.

1 TESALONIKA 4:1

Pa pëtuamës, ind batsaar ni wund, wund ajukan ind bi nda ka bi puu yandaar pa Nasien-batsi pëlilandër ind. Te, unk di nda ci run tsi përo. Maa wund añaan ind këñaan a wund kë tseend ind ibats tsi Yeesu Ajug, nda moban tsi përo ank nda pean kak.

1 TESALONIKA 4:11

Nda tsuun tsi ibats puu yandaar tsi bëtsëkal, ni puu tsañ tsi ngiic ind, ni puu leemp ni iñan ind, bi wund tsu ind bi puu ro.

1 TESALONIKA 5:14

A wund kë buara ind, ind batsaar ni wund, nda leentsari batsuunk-uleemp, nda liinc-liincani ngëwaas baraf-katsëb, nda tsënkan ban ci biki barafal, nda miiraan bañaan bëlieng.

2 TESALONIKA 2:15

Batsaar ni wund, bi u ci bank, nda liincandari, ndë mob tsi ngëdimaan ngi nda jukana ngi; uci ank tsi ko wi wund jukan ind wi ni mtum, oo tsi uletar wund.

2 TESALONIKA 3:7

Ind bërier ind, nda me bi nda ka bi puu teenëna tsi wund. Par, uwal wi wund ro wunk ci tsi pëncuaf ind, wund cits ni ubiira katsuunk-uleemp.

1 TIMOTEU 5:21

A te nji ka n leentsu ank tsi bërun Nasien-batsi ni Këristu Yeesu, ni ngëwaanju ngan data ngi: Moban tsi puu ro ngëmënts ngun; cats lacan ñaan te m meets bërun uwar bi u ci bi, a te cats cikara uleka ñaan.

1 TIMOTEU 6:5

ni mŋom man dits mi ka ba, mi bawaraats ngëwejats a bu katse me ucär, a ba ja ne pëlënk Nasien-batsi ka tsiji pëka bëka.

2 TIMOTEU 3:5

bu ka piban unk pi bu lënk Nasien-batsi ank, maa bë bër uyëlan ulënkëniul. Lawani buts bamënts bukun.

2 TIMOTEU 4:1

+-Nji n leentsu ank, tsi bërun -+Nasien-batsi ni Këristu Yeesu nul nan kai pëwat bayësal pëleents, në watand bacäts pëleents, nji n leentsu ank tsi undo upibandariul, ni tsi undo pësienul:

2 JOŊ 1:10

Uci ñaan bi tsi ind a na tsijatsi bëjukan bi, ind tsë welanul di kato ind; nin ind tsë jaul: “Baandi uwar!”