2 TESALONIKA 2:8 - KARÚK-PËRIM KAWALU Nouveau Testament

⁸ Din Kanfetsats-ngëtsua ka pibanee, nul ni Yeesu, Ajug, kë fiŋi ni ufuts mtumul, në ba ni nul ni ufietsar pëbiul.

2 TESALONIKA 2:8 ပူးပေါင်းရင်းမြစ်များ

MATEU 13:19

Utul u yër wunk tsi kambaŋ bëga, aci nan tei përim uleka Pësien, a meets ko wi pa pac wi, a nakaalam bi ee waj pul tsi uwaasul.

MATEU 13:38

A tsëko uleempul, ci umundu. A ucapi uwar, ci babuk Pësien. A pëmaanamaan, aci babuk Nacok.

MATEU 16:27

Par, Abuk ñaan-najin, kee bi ni ngëwaanjuul di përëmb Asin; uja kara ñaan, në lukul ngi na ro ngi ka ro.

MATEU 16:28

Mán leents ind ucär: Aka balon tsi ba nats biki tsi, ba dits biki kacikëndën pëcäts aa bu ka tsënkëna ka win Abuk ñaan-najin, ubiul di pësienul.”

1 KORINTU 1:28

Nasien-batsi arat ngëko umundu, ngan kaats ngi bëkat, ngan tsuaatsa ngi ko, ngan cits ngi, pa pëgarëna ngan ci ngi,

2 TESALONIKA 2:3

Ñaan tsë raac ind koon këraac tsi kafal; par kawëtan-uwak ka baandi kun ucak, Kanfetsats-ngëtsua ka pibandari, nul Kambukara-pëniam,

1 TIMOTEU 6:14

Moban tsi utsua, wul un tsopats wi, a kaats ulaci; moban tsi wul aa upibandari Ajugnja Yeesu Këristu.

2 TIMOTEU 1:10

inkri, tsi upibandari Nabueran nja Këristu Yeesu, a bëtseend bëmënts bi pibanaa. Nul cok un uyëlan pëcäts, a tsi Upetsan-uwar a na cil ani pëyës ni karika-cats.

2 TIMOTEU 4:1

+-Nji n leentsu ank, tsi bërun -+Nasien-batsi ni Këristu Yeesu nul nan kai pëwat bayësal pëleents, në watand bacäts pëleents, nji n leentsu ank tsi undo upibandariul, ni tsi undo pësienul:

2 TIMOTEU 4:8

Inkri, ucape-pësien wi bëmabal ayecisa pa nji, un ci wi, uluumpan undo ubiira ujëntsal: Ajug, nul nan ci nawat-pëleents namabal, ka wëlin wul tsi Unu umënts wan. A te cits nji rin ka wëla un, maa ba ŋal biki a bu kë lip ubaandariul, bukul bëlieng bu ka wëla wul.

TIITU 2:13

nja kë lip uwats unaakal, ni upibandari përëmb Nasien-batsi nja nawiak a na ciind Nabueran, nul Yeesu Këristu.

BAYEBËREU 10:27

Maa aruka cnja pëci ni bëlal bëwiak tsi pëlip kawata-pëleents, ni bërua bi ka natsee bi ni uyëlan bu ba ni barika-ro ko wi Nasien-batsi ja wi.

1 JOŊ 2:13

Basin upäts, mán picari ind, par nda me na ci wunk ki ujuundi. Batsasa, mán picari ind, par nda gaañaar Naro-ngëko-kawaraatsa.

1 JOŊ 3:12

Cits pi Kain, nan pënë-nii tsi Naro-ngëko-kawaraatsa, a na fiŋ ni ba tsaari. A we ka wun a na fiŋul? Par ngëko ngi Kain kë ro ngi waraatsa, a ngi ni ba tsaari ci ngëmabal.

1 JOŊ 5:18

Ngë me ne, ñaan nan bukee ba këbuka tsi Nasien-batsi di ka ci tsi ujuban, maa Abuk Nasien-batsi ka waayul, a Naro-ngëko-kawaraatsa di ka këraraul.

UPIBAN 1:16

Atsij ngëpesaj paaj ni ulon tsi kañanul kariir, a ulaac ujulal un tsij wi ngëre ngëtëb kë pëni di mtumul. Urostuul anaam unk unu ka fiets wun, uwal wi u pe wi pëfiets.

UPIBAN 13:5

A un jar umënts wuwëla mtum pa puu píc, ni puu kar Nasien-batsi. A u wëlanda pëyëlan puu ro unk, te këlí ngëntaaja ngëbaakër ni këtëb.

UPIBAN 19:15

A ulaac un de wi kë pëni di mtum nan dija unk umpëlënc ufaacal, pa pëkobuna ngëcaak. Nul koo yafanaan ngul pëndog pëfeeru; ka poos-poosan kapuañi pëwat uriab, wi ukulëñ Nasien-batsi, Kayëlan-bëlieng.

UPIBAN 2:16

Bi u ci bank, yaari ibats. Ucits ank ba, ka bi tsi wi tsi ko un car wi, din ka kaman bukul ni ulaac wi kan pëni wi di mtum nji.

UPIBAN 20:10

A Ujabël, wul un daac wi bukul tsi kafal, gutsaa di pëwal bërua ni ucof, di un jar ci ri ba, wul ni nayëlia natsup; bu ka ci tsi unoor uwiak, pënak ni bërëm, pa sandëndën.