2 TESALONIKA 1:9 - KARÚK-PËRIM KAWALU Nouveau Testament

⁹ Pëlukana pi bu kë lukana pi, ka ci bukul pëcokaa uloole, ba lawan urostu Ajug ni përëmb pëyëlanul.

2 TESALONIKA 1:9 ပူးပေါင်းရင်းမြစ်များ

MATEU 16:27

Par, Abuk ñaan-najin, kee bi ni ngëwaanjuul di përëmb Asin; uja kara ñaan, në lukul ngi na ro ngi ka ro.

MATEU 22:13

Din a nasienja baleemp: ‘Nda tananul itsiim ni iñan, ndë gutsul di karëm utsand; tsul tsi irug kë ci tsun, ni kañaam irumaj.’

MATEU 24:30

Din, upibanaani Abuk ñaan-najin ka wina di batsi, mbuka bëlieng tsi umundu kë kaan; mul më win Abuk ñaan-najin pafari tsi isa batsi pëbi, ni pëyëlan pëwiak, ni përëmb pëwiak;

MATEU 25:41

Din në ja buts bukun tsi kamay: ‘Nda pënin tsi, ind ban tsua biki unjuatsia; nda tsëpan di bërua ban dits bi ka ba, ban yecisa bi pa Ujabël ni ngëwaanju.

MATEU 25:46

Unk, bamënts biki ka tsëp pa pëpikaara pan dits pi ka ba; maa bamabal ka tsëp pa ubiira un dits wi ka ba.”

MATEU 26:24

Abuk ñaan-najin ka tsëp, bi u picanaa bi tsi ulekaul. Maa cay ñaan ni ka ya ank Abuk ñaan-najin ufets! Aro pe pëmat ñaan namënts përoots bëka yaas.”

MATEU 7:23

Din, ka ja bukul tsi ko un jënts wi: Nji n meets ind yaas; nda lawanin, ind baro ngëko kamabats!

LÚKAS 13:27

Maa, në ja ind kak: ‘Nji n meets tsi nda pënë-ni tsi. Nda lawanin, ind bëlieng baro-ngëko-kawaraatsa.’

KAKÚRAN-KAWAR YEESU KRISTU BI JOŊ LEENŢ BI KUL AJA 5:14

Bi ngëmënts ngan par bi, a Yeesu bi winul di kato-kayëman, a na jaul: “Teenan-e, m kak m yës; cats juban kak, pa un pe wi pëjuats përits baandë-niu.”

FILIIPUS 3:19

Ko wi bu kë tuamanaan wi, aci pëniam; par pëpës ci pun nasien-batsi bukul, a bu kë pícëna ko un ci wi bukul mkaw, bukul bawejats ngëko umundu.

1 TESALONIKA 5:3

Uwal wi bañaan kë ci wi tsi pëja: “Pëfac aci, a ngëwaas bañaan tsoar” din tsi ucar umënts wun kacok ka yërëni bukul, pi urear uliaf-kabuk tsi ŋaats naseemp. Nin bë ri ka buer koon këbuer.

2 TESALONIKA 2:8

Din Kanfetsats-ngëtsua ka pibanee, nul ni Yeesu, Ajug, kë fiŋi ni ufuts mtumul, në ba ni nul ni ufietsar pëbiul.

TIITU 2:13

nja kë lip uwats unaakal, ni upibandari përëmb Nasien-batsi nja nawiak a na ciind Nabueran, nul Yeesu Këristu.

BAYEBËREU 10:29

Nda wejatsari-e! Nan poos-poosani Abuk Nasien-batsi, nan tsui pëñaak karo-pëloole pi ko utsopal, te tsi pul tsi na ro tsun yëmana, a nee kar Uwejats, wi bëtseend, uwom unoor un pe pëjuats ka kakanaul wun?

2 PER 2:17

Bajukan-ngëtsua batsup bamënts biki, bë ci pi ukëpës un kaats wi mlik, ni pi isa i ukëk kë tsëpand yi; karëm síic ayecisa pa bukul.

2 PER 3:7

Maa batsi ni utsia ngul ngan ci ngink inkri, përim Nasien-batsi pëloole pëmënts pun, ayecis ngul pa bërua, a pa gaangar ngul Unu kawat-pëleents, ni pëniam bameets-nasien-batsi.

JÚDAS 1:13

Bu ci pi ngëmaroŋ bërëk ngëjuatsal, ngi ka lëtsan ngi uñutsandar ngul bërier ngul. Bu ci pi ngëpesaj ngan meets ngi tsi nguu ya tsi; karëm síic ayecisa pa ngul, pa sandëndën.

UPIBAN 20:11

Din a n win pëtsoari-pësien pëwiak, pëfaacal, ni nan tsoari tsi pul. A utsia ni batsi túk alawanul, a katse ka tsi nguu ci tsi.

UPIBAN 20:14

A pëcäts ni mcäts gutsaa di pëwal bërua. Pëwal bërua pëmënts pi, ci pun pëcäts pëtëbantsan.

UPIBAN 21:8

Maa balal, ni ba mobats biki tsi uwak, ni bañutsanuel, ni bafiŋ-bañaan, ni baro ngëko katúk-ufuts, ni baro ngëko bëpene, ni bajintëla-icap, ni ban ci biki bëlieng batsup, tsëko bukul, ka ci bametsu pëwal pi ka yëk punk bërua ni ucof. Ci wun pëcäts pëtëbantsan.”

UPIBAN 22:15

Di utsand, ngëbuus, ni baro ngëko-bupene, ni baro ngëko katúk-ufuts, ni bafiŋ-bañaan, ni bajintëla-icap, ni na ŋali ba këŋal a nuu ro ngëko kafal!