2 TESALONIKA 1:8 - KARÚK-PËRIM KAWALU Nouveau Testament

⁸ di bametsu kandiamënt bërua, në lukan ba meets biki Nasien-batsi, ni ban fetsats biki përim Upetsan-uwar Ajug nja Yeesu.

2 TESALONIKA 1:8 ပူးပေါင်းရင်းမြစ်များ

MATEU 25:41

Din në ja buts bukun tsi kamay: ‘Nda pënin tsi, ind ban tsua biki unjuatsia; nda tsëpan di bërua ban dits bi ka ba, ban yecisa bi pa Ujabël ni ngëwaanju.

MATEU 25:46

Unk, bamënts biki ka tsëp pa pëpikaara pan dits pi ka ba; maa bamabal ka tsëp pa ubiira un dits wi ka ba.”

KAKÚRAN-KAWAR YEESU KRISTU BI JOŊ LEENŢ BI KUL AJA 3:19

A kawat-pëleents kamënts ci kun ki: Ufac abi tsi umundu, a bañaan-bajin ŋal krëm mak apean ufac, par ngi bu kë ro ngi waraatsa.

KAKÚRAN-KAWAR YEESU KRISTU BI JOŊ LEENŢ BI KUL AJA 8:19

Din, a ba jaul: “Asinu, aci tsum?” A Yeesu yank bukul aja: “Nda meetsin, nin nda meets Asin nji. Uci nda ro mein, nda bi ka ro me buts Asin nji.”

NGËRO 6:7

Unk, a përim Nasien-batsi kë laar mak, ucumara bafets Yeesu kë pe këpe pëwatsësar di Jerusalem, a kandënd bajakan niiran uwak.

ROOMA 1:28

A bi ba tsuuts bunk ibats tsi ume Nasien-batsi, Nasien-batsi guts bukul tsi kawejats nga waraatsa ngi, a bu kë ro ngan kaats ngi përolaa.

ROOMA 1:5

A tsi nul, tsi wund yankëna tsun bëtseend ni pëci bapostolu, pa pëtsu ban cits biki Bajudeu bëlieng ba niiran uwak tsi katimul;

ROOMA 10:16

Maa cits bañaan bëlieng niiran bukun Upetsan-uwar; par Isaaya aja: “Ajug, yën wak un përim pi wund leents pi?”

ROOMA 15:18

Par in di ka n yeents pëñakan ulon ko, ucits ba ngi Këristu roona ngi tsi nji, pa pëtsu ban cits biki Bajudeu ba niiran Nasien-batsi, tsi undo përim, ni undo ngandola ngi,

ROOMA 16:26

maa inkri, a u pibanaa, a bañaan bëlieng me wul, undo Bëpican bayëlia, bi Nasien-batsi narika-ba tsu bi, pa ban cits biki Bajudeu bëlieng pëniiran përimul, undo uwak.

ROOMA 6:16

Nda meets ne, bi nda niiran bunk pëci baluek, a nda mob tsi pëleempar ñaan, nda ci baluek ñaan ni nda mob unk tsi pëleempar; u ru ci ank ujuban wi kan tsu wi ñaan na cäts, oo pëmob tsi përim Nasien-batsi pi kan tsu pi ñaan na ci namabal.

1 KORINTU 15:34

Nda kakari ngëwejats butsëkal, ind tsë juban. Par balon netse ka ume Nasien-batsi; ma nja ko wan pa pëkawaran ind.

2 KORINTU 10:5

ni mdiangar ma ci mi ba këci a muu natsara pëcok ume Nasien-batsi; wund ka tsu ngëtsaag bañaan bëlieng ngan cikëndën Këristu, ngë niiranul.

GALAASIA 3:1

Cay bañaan Galaasia bafuur! Yën fäl ind un? Ind ban pibana biki tsi këkës ind bi Yeesu Këristu rieŋa bi di kruus.

GALAASIA 4:8

Ucäk, bi nda netse bi ro me Nasien-batsi, nda ro ja nda roon dë leempar ngëwejats ngan cits ngi basien-batsi;

1 TESALONIKA 4:5

Nul tsë ci tsi përi ngëko katúk-ufuts, bi ban cits biki Bajudeu kë ro bi, bukul ba meets biki Nasien-batsi.

BAYEBËREU 10:27

Maa aruka cnja pëci ni bëlal bëwiak tsi pëlip kawata-pëleents, ni bërua bi ka natsee bi ni uyëlan bu ba ni barika-ro ko wi Nasien-batsi ja wi.

BAYEBËREU 10:30

Par, ngë me na njai: “Kalukan-pëkaw aci kamiñ; nji ka n luk un.” A na ja kak: “Ajug ka wat bañaanul pëleents.”

BAYEBËREU 11:8

Uwak tsu wun Abraam, uwal wi na rua wi pa na tsëp tsëko tsi nu yank tsi, tsë ci bërukandaul, a na niiran a na tsëp, ŋal bi na meets bi tsi nu ya tsi.

BAYEBËREU 12:29

Par, Nasien-batsi nja aci bërua bi kan tër bi.

BAYEBËREU 2:3

um bi ngë yil bun pëbuer, uci ngë tsuunkarats pëbuer pëwiak mak pëmënts pi? Pëbuer pëmënts pi, Ajug cakës un pëleents pul, a uu ba, a ban te biki pul kaka leents nja pul.

BAYEBËREU 5:9

A uwal wi na tsua wi nan bai pëci nawar, a na ruka ci nan kaanee pëbuer pan dits pi ka ba, pa bañaan bëlieng biki kando biki ko wi na ja wi,

1 PER 1:2

Bukul ban data biki tsi kacär-ume Nasien-batsi Asin, tsi bi Uwejats jëntsan bi bukul pa pëmob tsi përim Yeesu Këristu, ni pëlicara pëñaakul. Bëtseend ba watsësaan ind ni pëfac.

1 PER 3:6

Unk di Saara mob run tsi përim Abraam, a nuu ruul ajug. A tsi Saara, nda ruka ci upätsul tsi uroor ind uwar, a nda lënkats ko wi ka lalan ind wi.

1 PER 4:17

Par aband uwal wi kawat-pëleents kë juundëna wi di Kato Nasien-batsi. A uci kawat-pëleents kë juundëna tsinja we ka ci wun utuami ban pok biki pëwak tsi Upetsan-uwar Nasien-batsi?

2 PER 3:7

Maa batsi ni utsia ngul ngan ci ngink inkri, përim Nasien-batsi pëloole pëmënts pun, ayecis ngul pa bërua, a pa gaangar ngul Unu kawat-pëleents, ni pëniam bameets-nasien-batsi.

JÚDAS 1:7

Nda lesan buts përaasa Sodooma ni Gomoora, ni iraasa in fay yi yul, unk buts di i baar run tsi katuk-ufuts ni mampiintsandar man dits mi ka rolaa. A ba tsuaa pëci-unaamanaani pa unoor bërua ban dits bi ka ba.

UPIBAN 20:10

A Ujabël, wul un daac wi bukul tsi kafal, gutsaa di pëwal bërua ni ucof, di un jar ci ri ba, wul ni nayëlia natsup; bu ka ci tsi unoor uwiak, pënak ni bërëm, pa sandëndën.

UPIBAN 21:8

Maa balal, ni ba mobats biki tsi uwak, ni bañutsanuel, ni bafiŋ-bañaan, ni baro ngëko katúk-ufuts, ni baro ngëko bëpene, ni bajintëla-icap, ni ban ci biki bëlieng batsup, tsëko bukul, ka ci bametsu pëwal pi ka yëk punk bërua ni ucof. Ci wun pëcäts pëtëbantsan.”

UPIBAN 6:10

A ba kat përim mak koo ja: “Wi, Nawiak na yëmani a m ciind nacӓr! Kë lip aa lum i, kii rura wat pëleents, kë lukandar wund pëkaw, bi bañaan umundu fiŋ wund bi?”