2 TESALONIKA 1:5 - KARÚK-PËRIM KAWALU Nouveau Testament

⁵ Ngul apiban kawat-pëleents ki Nasien-batsi kë wat ki ci kamabal. Unk ngul, ngë tsu ind pëtsënkan pëci biki pësien Nasien-batsi, pul pi nda ci pi tsi pënoorar.

2 TESALONIKA 1:5 ပူးပေါင်းရင်းမြစ်များ

LÚKAS 20:35

Maa, ba wina biki ba tsënkan pëjaa bë bof tsi umundu wi kan bi wi, ni tsi kanatsee-di-pëcäts, bë ri ka nim, bë ri ka nimana.

LÚKAS 21:36

Nda waayan, nda ñaanan tsi uwal un ci wi-ba këci, pa ind pëka uyëlan pëbuërëna tsi ngëko ngan ka ngi pëbaandi bëlieng, pa ind pënats tsi bërun Abuk ñaan-najin.”

NGËRO 13:46

Din, Pol ni Barnabas ñakanaan bukul ni bëyeentsal, aja: “Ind ka bukun pëleentsa përim Nasien-batsi ucak; maa, bi nda bër bink pul, a nda wejats bërier ind pëja nda tsënkaants pëyank ubiira un dits wi ka ba, inkri wund ka witsësa pa ban cits biki Bajudeu.

NGËRO 14:22

ee liinc-liincan ngëwaas bafets Yeesu, ba tseend bukul ibats pa ba mob tsi uwak ba liincan; a ba piban bukul u ci tsi unoor uwiak winja kë niajëna wun pësien Nasien-batsi.

ROOMA 2:5

Maa bi m liinc bunk been, ni bi uwaasu dits bunk ka witsësa, m ci tsi pëwúkandar beenu uriab, pa unu uriab, wi kawat-pëleents Nasien-batsi kamabal kë pibandari wi,

ROOMA 8:17

A uci ngë ci upäts Nasien-batsi, ngë ci barukanda, barukanda ngi Nasien-batsi, barukanda ni Këristu. Uci bi ngë bof bink tsi unoorul, n ja kee bof buts tsi përëmbul.

EFEESU 4:1

Wul ka wun, nji narica nan ci tsi Ajug, man buara ind nda ru kë yandaar uwar tsi karua ki nda ruuree ki,

FILIIPUS 1:28

Te nda lënkats koon këlënk bakaman ind. Umënts wun aci bukul ko un piban wi pëniam bukul, maa ind, pëbuer ind; a u ci-un pënë-ni wi tsi Nasien-batsi.

KOLOS 1:12

Nda barani Asin ni ulílan, nul nan tsui indi a nda tsënkan pëbofara bërukanda bayëman, tsi ufac.

1 TESALONIKA 2:14

Par, ind batsaar ni wund, nda ruka ci bateenëna iriisia Nasien-batsi i ci yi di Judeeya, yul i ci yi tsi Këristu Yeesu; par, unoor wi bañaan-ucaak ind tsu ind wi a nda par-na buts, wul wi Bajudeu tsu wun iriisia imënts yun a i par-na.

2 TESALONIKA 1:11

Wul ka wun buts, wund ci tsi pëñaandar ind tsi ngëwal bëlieng. Unk Nasien-batsinjaka tsu ind ndë wina nda tsënkan pëbof tsi karuaul, ni tsi pëyëlanul në ba përo uwar wi nda ŋal wi ba këŋal, ni ko wi uwak ind kë ro wi.

2 TIMOTEU 2:12

uci ngë mob tsi pëmiira, n ja kee sien ni nul. Uci ngë wëtanul, nul buts nii wëtan n ja;

UPIBAN 15:4

Ajug! Yën dits un ka lënku? Yën dits un ka rëmban katimu? Par, wi rin yëman un. Wul ka wun, ngëcaak bëlieng ka bi ngë jintëla tsi bërunu, par ngëmabal ngi m do ngi apibanaa.”

UPIBAN 16:7

A n te bëgij jaankma, aja: “Eey-e, Ajug, wi Nasien-batsi, Kayëlan-bëlieng, m ja kë wat pëleents kë wat pul tsi ucär, ni tsi bëmabal.”

UPIBAN 19:2

par aja nuu wat pëleents në wat pul tsi ucär, ni tsi bëmabal. Awat ŋaats natúk-ufuts nawiak namënts un pëleents, nul nan coki umundu tsi katúk-ufuts ki na ciina ki, a Nasien-batsi lukan-pëkaw ti nul, undo pëñaak baleempul.”

UPIBAN 3:4

Maa m ka bañaan ko uties di Sardis, ban tsopanats biki iŋi bukul yi bëtiem. Bu ka tiema iŋi ifaacal, bu kë yandaar ni nji, par bu tsënkan përo ank.