2 TESALONIKA 1:4 - KARÚK-PËRIM KAWALU Nouveau Testament

⁴ Wul ka wun wund ja wund roon, wund kë píc tsi iriisia Nasien-batsi, undo mtambandar ind ni undo uwak ind, tsi pënoor-noorana pi nda ciina pi bëlieng, ni tsi pëteenamana.

2 TESALONIKA 1:4 ပူးပေါင်းရင်းမြစ်များ

ROOMA 12:12

Nda lílani tsi uwats, ndë ci baja ngëwar tsi unoor, ndë mob tsi bëñaan nda liincan.

ROOMA 2:7

në wël ubiira un dits ka ba, pa biki kan tsasëna biki përëmb, ni përëmbana, ni karika-coka, tsi pëtambandër karo-uwar.

ROOMA 8:25

Maa ucnja kë lip ko wi ngë winats wi, nja ka tambandar tsi pëlip wul.

1 KORINTU 7:17

Kara ñaan na ciin bi Ajug wëlul bi pëci, kara ñaan na ciin bi Nasien-batsi ruiul bi. Ci wun utsua wi n tsu wi di iriisia bëlieng.

2 KORINTU 12:10

Wul ka wun n du n lílan tsi bërafal nji, tsi ikar, tsi ngënjuatsia, tsi pënoor-noorana, ni tsi pëtsua tsi unoor undo bëŋal Këristu. Par uwal wi n ci wi tsi bërafal, din, ka ruka ci na liinci.

2 KORINTU 7:14

Par uci n du n píc tsi undo ind tsi bërun Tiitu, ind tsë kawundanin; maa bi wund ja bi wund roon wund kë leents ind ucär ngënu bëlieng, unk ko wi wund kë pícëna wi tsi bërun Tiitu, pëwinaa u ci ucär.

2 KORINTU 7:4

Man ka uwats mak tsi ind, upícëni nji mak, aci ind. tsi unoor wund bëlieng, uwaas nji juabuts mak, acum ni ulílan a n par-paran.

2 KORINTU 9:2

par man me uwar bi nda car bi yecis tsi uŋal ind, a n píc tsi undo ind, tsi bërun bañaan Masedoonia; a nja: “Bañaan Akaaya ayecis ba ki baneki.” A undo bi nda yëkandar bi ko wan, a u liinc-liincan ngëwaas bacumal.

2 KORINTU 9:4

Uci balon tsi bañaan Masedoonia bi ci ni nji, a bee tsënk nda yecisats, wund ka ci ni mkaw, tsi undo bi wund fiaar ind bi; ind buts ndë kawa.

1 TESALONIKA 1:3

Wund wëtaants puu les ngi uwak ind piban ngi, ni ngi bëŋal ind ro ngi, ni umiira uwats ind tsi Ajug nja Yeesu Këristu, ni tsi bërun Nasien-batsi nja Asin.

1 TESALONIKA 2:14

Par, ind batsaar ni wund, nda ruka ci bateenëna iriisia Nasien-batsi i ci yi di Judeeya, yul i ci yi tsi Këristu Yeesu; par, unoor wi bañaan-ucaak ind tsu ind wi a nda par-na buts, wul wi Bajudeu tsu wun iriisia imënts yun a i par-na.

1 TESALONIKA 2:19

Par, yën ci-un uwats wund, oo ulílan wund, oo bëluk wund gi wund kii pícëna gi tsi bërun Ajug nja Yeesu, uwal wi nuu witsee wi? Cits ink ind-a?

2 TESALONIKA 3:5

Ajug, na mabani ngëwaas ind tsi bëŋal Nasien-batsi, ni tsi mtambandar Këristu.

BAYEBËREU 10:36

Nda fier pëtambandar, pa uwal wi nda ro wi uŋal Nasien-batsi, ndë yank ko u watsana wunk.

BAYEBËREU 6:12

Wund ŋalats ind përuka ci batsuunk, maa ind pëteenëna biki kan par-na biki uwak ni umiira bu ka yank nga watsana ngi.

BAYEBËREU 6:15

Unk a nul Abraam kë lip a nuu miira, a nee yank u watsana wi.

JAKOB 5:11

Nda me koon, n ja koo ja, bu naak, ban tambandar biki. Nda te uleka umiira wi Job miira wi, a nda win ko wi Ajug tsuul wi pëtuamanaan; par Ajug acum ni mjampësa, ni kayëk-ipës.

2 PER 1:6

tsi ruets ume, ndë watsës kayëlan ngëliaf ind; tsi ruets kayëlan ngëliaf ind, ndë watsës pëliincandër; tsi ruets pëliincandër, ndë watsës pëlënk Nasien-batsi;

UPIBAN 14:12

Pëliincandër bayëman aciina tsi, bukul ba mob biki tsi ngëtsua Nasien-batsi, ni tsi uwak tsi Yeesu.”