2 TESALONIKA 1:3 - KARÚK-PËRIM KAWALU Nouveau Testament

³ Batsaar ni wund, wund aka pëbaran Nasien-batsi tsi uleka ind, sandëndën; te aci ko u mab wi, par uwak ind aci tsi pë watsësar mak, a bëŋal bi nda ŋalëlar bi kë pelëk këpelëk tsi kara ñaan tsi ind bëlieng.

2 TESALONIKA 1:3 ပူးပေါင်းရင်းမြစ်များ

LÚKAS 15:32

Maa ngë ka ngë roon nja ka lílan, nja ka juc ni ulílan. Par atsau ni, aro cäts, a nul kaki ink nayësal; aro niam, a nul wina ink.’”

LÚKAS 17:5

A bapostolu ja Ajug: “Watsës wund uwak.”

KAKÚRAN-KAWAR YEESU KRISTU BI JOŊ LEENŢ BI KUL AJA 15:2

Kana kan ci ki-ba këci tsi nji a tsijats mbuk, në fal kul; a kan tsij ki mbuk, në jëntsan kul pa ka pe këpe pëtsij mbuk.

ROOMA 1:8

tsi ucak ko, mán baran Nasien-batsi nji tsi katim Yeesu Këristu, tsi uleka ind bëlieng; par uwak ind añakanaana tsi umundu bëlieng.

1 KORINTU 1:4

Ma n ja n doon koo baran Nasien-batsi sandëndën tsi uleka ind, undo bëtseendul bi na wël ind bi tsi Këristu Yeesu.

2 KORINTU 10:15

Wund ri ka bëndan iyeen wund tsi ko un cits wi kaniibi ki Nasien-batsi tsu wund ki, wund ri ka bëndan iyeen wund tsi uleemp wi balon do wi ba; maa wund awats ne u ci uwak tsi pëwiaka, wund kë pe këpe pëwiaka tsi pëncuaf ind, tsi kaniibi kan tsua ki,

EFEESU 5:20

nda ru kë ja Nasien-batsi, nul nan ci Asin, baran tsi ngëko bëlieng tsi katim Yeesu Këristu Ajug nja.

FILIIPUS 1:7

Nji pëwejats unk tsi uleka ind, ind bëlieng, aci ko u mab wi, par man tsu ind tsi uwaas nji; par tsi mdica mi n dica mi, ni tsi pënatsar Upetsan-uwar ni pëpiban u baaraan pëci, ind bëlieng nda bof ni nji tsi bëtseend Nasien-batsi.

FILIIPUS 1:9

A bëñaan nji ci bun bi: Bëŋal ind ba pelëki, buu pe këpe, tsi ume ni tsi buwinal,

1 TESALONIKA 3:12

Bëŋal bi nda ŋalëlar bi, a nda ŋaland bañaan bëlieng, Ajug na tsuun bul pëwatsësar, bu pelëk, pi bëŋal bi wund ŋal ind bi.

1 TESALONIKA 3:6

Maa Timoteu ru baandi iink tsi wund, apëni di ind. Atsiji upetsan uwar tsi uleka uwak ind ni bëŋal ind. A na jaand nda ci tsi pëles wund uwar, ngëwal bëlieng, a nda rí pëwin wund, bi wund rí bi buts pëwin ind.

1 TESALONIKA 3:9

Par, pëom pëbaran pi wund yëlan pun pëbaran Nasien-batsi tsi uleka ind, pa ulílan bëlieng wi wund lílan wi tsi undo ind, tsi bërun Nasien-batsi inja?

1 TESALONIKA 4:1

Pa pëtuamës, ind batsaar ni wund, wund ajukan ind bi nda ka bi puu yandaar pa Nasien-batsi pëlilandër ind. Te, unk di nda ci run tsi përo. Maa wund añaan ind këñaan a wund kë tseend ind ibats tsi Yeesu Ajug, nda moban tsi përo ank nda pean kak.

2 TESALONIKA 2:1

Batsaar ni wund, inkri tsi uleka pëbi Ajug nja Yeesu Këristu, ni nja pëjúk tsi nul, wund añaan ind këñaan ko wi:

2 TESALONIKA 2:13

Batsaar ni wund, ind biki Ajug ŋal biki, wund aka pëbaran Nasien-batsi tsi uleka ind, tsi ngëwal bëlieng. Par ki ujuundi, Nasien-batsi aratar ind pëbuer. Nul aparanaan ko wan tsi Uwejats wi ka yëman wi, ni tsi pëwak tsi ucär.

1 PER 1:22

Bi nda jëntsan bink ngëwaas ind, tsi undo bi nda mob bi tsi ucär, pa ind pëka bëŋal ban kaats bi kanguungu tsi nda tsaar tsi, nda tambandari pëŋalëlar ni ngëwaas ngan jënts ngi.

2 PER 1:13

Maa bi n wama bink a n ci tsi unkundan wi, ma win u ci ko u mab wi, nji puu lesës ind ngëko ngi.

2 PER 3:18

Maa nda wiakaan tsi bëtseend ni tsi ume Yeesu Këristu Ajug nja Nabueran. Nul na wëlaan përëmb inkri, pa sandëndën. Ameen!