2 PER 3:2 - KARÚK-PËRIM KAWALU Nouveau Testament

² pa ind pëles irim i bayëlia bayëman ro yi leents, ndë lesand irim utsua Ajug, nul Nabueran, i bapostolu ind kë jukan yi.

2 PER 3:2 ပူးပေါင်းရင်းမြစ်များ

LÚKAS 1:70

aci ko wi na ro wi ja, ajaana wël tsi mtum bayëliaul bayëman, ki uwal ujon;

LÚKAS 24:27

Na piban bukul ko wi Bëpica n ja wi bëlieng tsi ulekaul, akur-ni tsi ngëlíbëru Moises aa na bandan bukul tsi bayëlia bëlieng.

LÚKAS 24:44

Na ja bukul: “Yi ci yun irim nji, i n do yi ka leents ind, bi n wama bi n ci ni ind: Ngan picana ngi bëlieng tsi uleka nji tsi ulua-Moises, ni tsi bayëlia, ni tsi uya-ubëndan, aka përolaa.”

NGËRO 10:43

Ulekaul wi bayëlia bëlieng ñakandar wun aja: Na waki ba këwak tsi nul, në jampësaa ngëjuban tsi katimul.”

NGËRO 28:23

A ba tsu unu ni Pol. Tsi unu umënts wun, a ba cumi ee jëk ni Pol di katoul, ki bëfa te bëtakala, na leents bukul uleka pësien Nasien-batsi ajëntsan. A nuu tsas pëtsu bukul ba niiran uleka Yeesu, bi na ci bi tsi pëñakan tsi uleka ulua-Moises, ni bayëlia.

NGËRO 3:18

Maa, unk di Nasien-batsi ro run ko wi na ro wi car aleents tsi mtum bayëlia bëlieng, aja: ‘Këristuul kee noorana.’

NGËRO 3:21

Nul ni batsi këtsij te uwal wi ngëko kak wi aci bëlieng, bi nga ro bi ka pëci, bi Nasien-batsi ro bi car aleents tsi mtum bayëliaul bayëman ki uwal ujon.

GALAASIA 6:2

Nda tsënkëlëri ni myunts tsi nda ci tsi, unk ndë ro ko wi ulua Këristu ja wi.

EFEESU 2:20

Nda leempan tsi ujuundi di bapostolu ni bayëlia leemp ri; a nul Yeesu Këristu bërierul ci-un pëlaak pëtsaak.

EFEESU 3:5

Undo undoots wink mea, wul tsi uwal jon, babuk bañaan-bajin wëlaatsa pëme wul, bi Uwejats Nasien-batsi piban bink wul bapostoluul ni bayëliaul bayëman, inkri.

1 TIMOTEU 6:14

Moban tsi utsua, wul un tsopats wi, a kaats ulaci; moban tsi wul aa upibandari Ajugnja Yeesu Këristu.

2 PER 2:21

Par, aro mat bukul përoots me bëga bëmabal yaas, ni pëjaa bu me bul a uu ba, a ba ru wëtan utsua uyëman wi ba wëla wi.

2 PER 3:15

Nda mean ne, umiira wi Ajug kë miira wi, aci pa pëbuer ind; unk di natsaar ni nja Pol picandar ind run buts, ni kameko ki na wëla ki.

2 PER 3:16

Bi na ñakanaan bi ngëko ngi, unk buts di na wakëtsa run përo di ngëletarul bëlieng; tsi ngul, aka ngëlon ngëko ngan ñats ngi pëme ko wi nga pac wi. Ngul ngi bameets-ko ni baliincats tsi uwak, ja ngun ba roon bu kë cík, pi bu kë cík pi Bëpican, pa pëniam bukul bërier bukul.

1 JOŊ 4:6

Nja ngë ci biki Nasien-batsi. Na mei Nasien-batsi, ka cikëndën inja. Nan citsi ni Nasien-batsi, di ka cikëndën inja. Tsi ko wi, tsi ngë yëkëraan tsun uwejats ucär, ni uwejats kaguus-ko.

JÚDAS 1:17

Maa ind ba ŋala biki, nda lesan irim yi bapostolu Yeesu Këristu Ajug nja ro yi car aleents.

UPIBAN 19:10

A n yër tsi iyots wul pa pëjintëla wul, maa a u jain: “Teenan-e, cats ro! Man ci acintsu naleemp, a n ciind acints ban tsaar biki ni wi, ba mob biki tsi ngi Yeesu. Jintëlaan Nasien-batsi; par pëmob tsi ngi Yeesu, ci wun uwejats pëleents u meaatsa wi.”