2 PER 3:1 - KARÚK-PËRIM KAWALU Nouveau Testament

¹ Bamiñ ba ŋala biki, wi ci wun uletar utëbantsan wi n du n picar ind wi. tsi ngul ngëtëb, man ci tsi pëlesan ind ngëko ngi, pa pëwamb ngëwejats ind ngëjëntsal;

2 PER 3:1 ပူးပေါင်းရင်းမြစ်များ

MATEU 5:8

Bu naak, ban ci biki bajënts ngëwaas, par bu kee win Nasien-batsi!

2 KORINTU 13:2

Mando nja ba ko wan, a nji n kaka ink ka nja wul, bi ndo bi n ja wul uyaas utëbantsan; maa inkri bi n maatirats bink, mánja ko wan bando biki jon ki ba juban ki, ni balon kak; uci n bi rul bëyaas bëcints, in di ka njampësa bukul.

1 TIMOTEU 5:22

Cats cësara pëpaf iñan tsi ñaan, cats bofa tsi ngëjuban ñaan. Te wi bërieru, moban tsi pëci najëntsal.

2 TIMOTEU 1:6

Wul ka wun n du lesanu, wamban utseend Nasien-batsi ban ci bunk tsi wi, uwal wi n pafu wunk iñan nji.

BAYEBËREU 6:9

Maa ind ba ŋalaa biki, ŋal bi wund ñakan bi unk, wund afiaar koon ngëko ngan pe ngi pëwara tsi uleka ind, nga yandaar ngi ni pëbuer.

1 PER 1:22

Bi nda jëntsan bink ngëwaas ind, tsi undo bi nda mob bi tsi ucär, pa ind pëka bëŋal ban kaats bi kanguungu tsi nda tsaar tsi, nda tambandari pëŋalëlar ni ngëwaas ngan jënts ngi.

1 PER 2:11

Ind ba ŋala biki, mán tseend ind ibats pi nda ci batsooŋ ni bapar-këpar, pa ind përand ngëko ngi uliaf kë rí ngi, ngi kan kaman ngi uwaas.

2 PER 3:14

Wul ka wun, bamiñ ba ŋala biki, bi nda ci bink tsi pëlip ngëko ngëmënts ngi, nda tambandari pa nul pëwin nda ci tsi pëfac, nda rits ka basal, ndë ci ban dits biki ka leentsara.

2 PER 3:17

Bi u ci bank, bamiñ ba ŋala biki, bi nda car bink ame ngëko ngëmënts ngi, nda rukan ibats; ind tsë wët bameets-ngëtsua, ba tsëpand ind di mtsopi bukul, a ndii yër tsi uwak ind wi nda natsëna wi.

2 PER 3:8

Maa bamiñ ba ŋala biki, aka ulon ko wi nda kaats wi pëfin: Pa Ajug, unu uloole aci pi ngëwaanu umiil; a ngëwaanu umiil ci pi unu uloole.

JÚDAS 1:5

Ŋal bi nda ba bi pëme ko wan uwar, maa, ma ŋal pëlesan ind bi Ajug buerani bi bañaanul di pëboos Ejipët a nuu ba, na ba ni bañaan ba uwakats biki.